لا حول ولا قوة الا بالله ..
فعلاً ما حسيتي بالنعمة اللي انتي فيها ..
اللي مافهمته كيف كنتي تختلين مع ولد خالك في وقت الملكة ؟؟ كيف تجي ذي ؟؟
يعني من بداية الزواج وانتي منتي يم زوجك ؟؟
أجل ليش تقبلين به ؟؟
الله يهديك بس ..خسرتي رجل كان يحبك ويصونك !!
أنتظري لعل الله ان يهديه ويرجعه لك ..
لانه ما ينلام صررااحه!! فهو في صدمة حتى الان... ما يعلم بها الا الله ...
توبي الى الله ..واكثري من الدعاء والاستغفار ..

حبيبتي هالكلمة تنقال بينا وبين بعض .. لكن ما تنقال لزوجج عقب ما اكتشف المصيبة اللي سويتيها.

بعدين كيف ماله شغل وإنتي سويتي اللي سويتيه وقت الملكة؟!!!

__________________


اللهم طِيبَ الأثر .. وحُسْنَ الرحيل.

خيااانة !!وايام الملكة
وتعترفي بكل شي !!!
كان انكرتي الرسايل
وماخربتي حيااتك

حنا عادي عندنا نكشف على الرجال من جهة الأم ، وذي عاده عندنا ، ونتعتبر انفسنا اخوان لبعضنا بعض ، ولد خالي كان يحبني ويغليني ويهتم فيني غير عن كل بنات العائلة ، وبعدها صرح لي بحبه و انا حبيته و علاقتنا كانت بس بالملكة والملكة كانت بحدود السنتين وبعدها قطعت علاقتي فيه ، وهو اخذ رقمي من حرمة خالي ويرسل احبتس واشتقت لتس ومن ذا الحكي ، وانا ابكي وموب قادرة ارد عليه
و زوجي بعد احبه كانت مشاعري مختلطة واللحين يوم اني فقدته احس ان زوجي هو حب حياتي الحقيقي واني من قبله كنت عايشه بوهم وكذب وربي ان ودي يردني اليوم قبل باكر انا تبت وربي تبت ليش مايسامحن ويفتح معي صفحه جديدة

من الصدمه مادريت وش اقول صرت بس ارجف واحكي حكي موب صاحي

إن صحت القصة..

قولك هذا ماضي وما لك شغل فيه.. يدل انك ما تستحقيه.. لأنه يدل انك غير نادمة أو متالمة..

كيف ما لك شغل وماضي وانتم مملكين وانتي على ذمته.. وحتى لو قبل الملكة..

وش كان رد فعلك على رسايله.. هل تجاوبتي.. وليش ما مسحتيهم..

لازم زوجك يحس بندم حقيقي منك ويقتنع ان ما في امور ثانية مخبية عليه.. أما قضية ماضي ومو شغلك هذي مو أقل سوءا من اللي اكتشفه..

بعد ذلك ربك كفيل ان الجرح يلتئم ويمكن يقدر يسامح ويمكن لا..

__________________
سأكتبُ شعريَ الباكي ..... بدمع القلب لا الحبرِ
أُسَطِّرُهُ على كبدي ..... وأتركُ دَفْتَرَ الشِّعْرِ
جراحُ أحبتي في الأرضِ ..... تبعثُ عاصِفَ الفِكْرِ

مااشااء الله من قوة صفاء القلوب صرتوا تكشفون على بعض ..
مايصير الكلام ذا ..
وحالتك هذي اول فوائد الكشف ماشاء الله ..؟؟!!!
عجيب أمركم ..
ما أقول الا الله يهديكم جميع ..
ويصلح حالكم ..

كيف انكر ورقم ولد خالي قدامه، والرسايل توضح من صاحب الرساله،

كان قلتي خطبني ورفضته وهو يبغى يخرب حياتي معاااك .. ماتعرفي تقولي الا الصدق

لأن الماضي راح وانتهى،وانا من تزوجته قطعت علاقتي بولد خالي وماكلمته،ولد خالي لما يرسلي مسجات ماارد عليه بس اقرأ وبس ، وهو يرسل من وقت لوقت ،ومره رسل رسالة وانا ماكنت يم الجوال،وفتحه وشاف الرساله وكانت رسايل حب ويذكرني بالماضي ويوم طلع من البيت وهو مكسور شفت الرساله اللي كان يقرأها،وواجهني فيها ،وانا انكسرت واتألمت ،انا وربي تبت تبت وماعادني افكر به ولا بطوايفه مابي غير زوجي يرجع لي ويسامحن على كل شيء كان وماكان