السلام عليكم ورحمة الله وبركاته
اخواني اخواتي
انا رجال متزوج لي سنتين وزوجتي عند اهلها لغرض الدراسة
ابي افصل فالموضوع علشان مايفهم بطريقة ثانية
انا من عائلة دخلها المادي متوسط او فوق المتوسط ووظيفتي جيدة جدا
زوجتي وضعهم المادي تحت المتوسط
ابوهم يشتري لهم عادة من الملابس الي اقيامها من 15 ريال الى 25 كحد اقصى والاشياء الاخرى دائما يدور الارخص حتى لو كانت الجودة تعبانة "طبعا مافي احد مايبي الرخص"
انا بصراحة متعود على اللبس الغالي ومتعود اذا سافرت ما أكل الا في مطاعم اعرف انها نظيفة حتى ولو انها غالية وكذلك الشقق دائما فنادق واسعار الليلة 250 ريال وطالع

هذي فقط المقدمة

بصراحة تحز في خاطري لمن زوجتي تتصل علي وهي عند اهلها وتقولي حبيبي حصلت ملابس لولدنا قيمتها 15 ريال وش رايك اخذها
او مثلا حصلت سرير نوم لولدنا قيمته 200 ريال

اقول في نفسي مااحب تكون زوجتي بهالمستوى ودائما تبحث عن الشيء القديم والرخيص ... يعني احزن واقول ليه وش فرقنا عن الناس ابي اعيشهم في عيشة حلوة
في نفس الوقت اخاف اني اذا تركت الحبل على الغارب تنفلت الأمور ويصير فيه تمادي يعني يكبر سقف طموح المشتريات فإذا كانت تبي تأخذ مكياج ب 200 ريال تتركه وتروح تأخذ ابو 400 ريال ووتقول زوجي الله منعم عليه وبيدفع "مثال فقط"

سؤالي هنا: كيف اقدر اسدد واقارب مابين التبذير ومابين الرخص والبخل؟

يعني ابي زوجتي تكون مثلها مثل الناس الي يدلعون عيالهم ويشترون لهم ألعاب وملابس ذات جودة متوسطة الى مرتفعة ابي تمسح نظام ابوها وفنفس الوقت ابي تكون الامور تحت السيطرة يعني ماتجي يوم من الايام تقولي :"وش هالبخل ليه صرت بخيل علينا.... الخ" مابيها تلاحظ بتغييري المفأجى فالصرفيات العالية ولا ابيها تلاحظ التغيرات الي تحصل وتقدر من خلالها انها تقول لي بخيل او وش غيرك علينا ...الخ

ان شاء الله قدرت اوصلكم الفكرة لاني بصراحة ماعرفت اصيغه صح


تم تعديل العنوان ليناسب المحتوى