السلام عليكم ورحمة الله وبركاته
حياكم الله اخواتى فى الله
عندى مشكله والله منا عارفه ابدا منين انا بعتذر لان اول مشاركه ليا تكون مشكله انا بعانى من خيانه جوزى انا متزوجه من عشر سنوات ولدى ثلاث اطفال ومتزوجه فى بلد غير بلدى ولدى زوج عنيد جدا انا ماليش حد غير رب العالمين وزوجى والدى متوفى وامى ست بسيطه جدا وزوجى عارف انى ماليش حد غيره بعد ربنا كان بيبخل عليا واستحملت علشان اولادى كنت لما ازعل واروح عند امى مكنش بيسال عليا ويقول لو عايزه ترجع ترجع لوحدها وارجع هتى لو هوا الغلطان لحد ما اكتشفت انه بيخونى كمان على النت وفى التلفون ولما واجهته مأنكرش وكان رده عليا انه بيتكلم وهتكلم فى اى مكان وانا ماليش دعوه وماليش ادخل فى حياته غير انه سليط اللسان جدا اقل كلمه اقولها ليه اسمع ابشع الاهانات وانا مستحمله علشان أولادى بيفضل يعاند فيا ويهرج مع البنات على النت وانا قعده بكون مقهوره بس لو اتكلمت كلمه اسمع كلام انا فى غنى عنه اعمل ايه معاه تعبت منه جدا كاسر بخاطرى دايما واقول لنفسى انا بعامل ربنا هكون احسن منه واتعامل انا بالحسنه لوزعل ابعتله رساله ارضيه واقوله شوفت الرساله يقولى لا ولا هشوفها انا مش عارفه ليه كده بيتعامل معايا مع انى والله مش عارفه اكرهه وبنسى اهانته ليا لما زعلت اخر مره ورحت بيت اهلى ورجعت اخدمنى التليفون ومنعنى عن اهلى اربع شهور معرفش حاجه عنهم غير المعامله لكان بيعاملها ليا انا عنيا وجعتنى من كتر العياط تعبت منه منعنى عن مواقع التواصل الاجتماعى وهوا عايش حياته عليهم لو محتاجه رصيد اكلم اهلى مبيرضاش يشحنلى وهوا بيشحن فاتوره ويخلصها على البنات غير انه كان بياخد معاش من باباه من القوات المسلحه وتشال منه بقاله سنه مبيشتغلش قاعد على النت 24 ساعه بيستخصر ينام اشوفه بيحب فى البنات على النت وبيحنش عليا بكلمه واحده مع انى والله متدينه بفضل الله ومنتقبه وهوه عنده اعاقه فى عنينه وقولت فى نظرى احسن من اى حد وامشى على قد ظروفه لكن هوا مبيفتكرش اى حاجه غير انه يكسر بخاطرى ويهنى ويحسسنى انى اقل منه بكتير واهله بيخافوا يتكلمو معاه بيقولو انه مبيحبش حد يدخل وممكن يطول لسانه عليهم قولولى وانصحونى اعمل ايه معاه
مع العلم انى مختصره جدا فى مشكلتى وانا اسفه على عدم ترتيب كلامى

وعليكم السلام ورحمة الله وبركاته

اختي الفاضلة بارك الله فيكي فأنت ما شاء الله تبارك الله تبذلين مجهود كبير للحفاظ على بيتك بالرغم من سوء خلق زوجك وسوء عشرته لك

ولكني لا اريدك ان تجعلي اول خيار لك مع المشاكل هي اللجوء لبيت اهلك لما جاء بقول الله تعالى

يَا أَيُّهَا النَّبِيُّ إِذَا طَلَّقْتُمُ النِّسَاءَ فَطَلِّقُوهُنَّ لِعِدَّتِهِنَّ وَأَحْصُوا الْعِدَّةَ ۖ وَاتَّقُوا اللَّهَ رَبَّكُمْ ۖ لَا تُخْرِجُوهُنَّ مِن بُيُوتِهِنَّ وَلَا يَخْرُجْنَ إِلَّا أَن يَأْتِينَ بِفَاحِشَةٍ مُّبَيِّنَةٍ ۚ وَتِلْكَ حُدُودُ اللَّهِ ۚ وَمَن يَتَعَدَّ حُدُودَ اللَّهِ فَقَدْ ظَلَمَ نَفْسَهُ ۚ لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا (1)

اختي الفاضلة بفترة الملكه او الخطوبة اذا ابتعدت الفتاة عن خطيبها لفترة فإنه يشتاق اليها ويسعى جاهدا لارضائها ولكن هذا المنطق يختلف تماما بعد الزواج

حيث ان ابتعاد الزوجة بعد الزواج بعد اي خلاف يزيد الفجوة والجفاء بين الزوجين ويجعل الزوجة غالبا هي من تعود كما خرجت وبدون ان تجني اي مكاسب نتيجة لجوئها لاهلها مما يضعف منطقها وموقفها فيما بعد

وانت تعرفين ان زوجك هذه الفترة بعيد عن الله واسير شهواته لذا كان يجب عليكي ان تقفي بجانبه وان تعرفي بأن خروجك من البيت لن ينتج عنه الا ان يتمكن منه شيطانه بشكل اكبر ويوقعه بالمزيد من الذنوب

لهذا اختي الفاضلة يجب عليكي ان تتعاملي مع الموقف بعقل كبير وتنحي المشاعر الان جانبا

فهو لا يتحادث مع الفتيات لحبه فيهن ولا لنقص فيكي ولكن ربما هو يريد داخليا ان يثبت لنفسه انه مازال مرغوب من الجنس الاخر خاصة وانك تقولين ان لديه اعاقة بعينيه

والحوارات بالنت لا تظهر الا ما يريد هو اظهاره وبالتالي يستطيع ارضاء نفسه بأنه مرغوب فيه وهذا يحدث غالبا بعد سن الشباب ويسمى ازمة منتصف العمر

لذا اجعلي شاغلك الشاغل هو تقريبه من الله تعالى ليبدأ ادراك حقائق اخرى غير التي تسيطر عليه الان

فهو الان يظن ان اهم ما يجب ان يشغله انه مازال شابا جذابا , فأنت تدخلين له من ناحية ان الانسان يجب ان يستعد للقاء الله وان لا يكون اسير شهواته واجعلي مدخلك لهذا قصص عن حسن الخاتمة وسوء الخاتمة

فللقصص تأثير هام على الانسان خاصة وانها نصائح غير مباشرة

واحرصي على ان يحافظ على مواعيد الصلاة وشجعيه على مشاركتك صوم النافلة

وامتدحيه واثني عليه اذا قام بعمل جيد لأن نفسه تحتاج بشدة للمدح وان يشعر ان له قيمة

واجعليه يشاركك في مشاكل الابناء ويقوم هو بتوجيههم ونصحهم لأن ذلك يحيي بداخله قيم تريد نفسه الامارة بالسوء تجاهلها

وحاولي اجتذابه بالملابس المغرية واظهار انوثتك له وعمل اجواء رومانسية تشعريه فيها بمدى حبك له وانك دائما تدعين له وتتمنين ان يبارك الله لك في عمره

فلسماع ذلك تأثير ايجابي عليه ان شاء الله

ولا تنسي اختي الفاضلة ان المرأة بأنوثتها يمكن ان تفعل الكثير وتجذب الرجل اليها وتقربه منها كما جاء بقول الرسول صلى الله عليه وسلم

ما رأيتُ من ناقصاتِ عقلٍ ودينٍ أسلب لِلُبِّ الرَّجُلِ الحازِمِ منكن، قُلن : وما ذلك يا رسولَ اللهِ ؟ قال : أليس إحداكُنَّ تمكث الليالي لا تصلي ولا تصوم ؟ فذلك من نقصانِ دينِها، وشهادة إحداكنَّ على النصفِ من شهادةِ الرجلٍِ، فذلك من نقصانِ عَقْلِها

الراوي : - | المحدث : ابن العربي | المصدر : أحكام القرآن
الصفحة أو الرقم: 1/531 | خلاصة حكم المحدث : صحيح

وبالفعل اختي الفاضلة لا تنسيه في دعواتك فهي ربما اهم من كل محاولاتك في اصلاحه خاصة الدعاء في السجود وبالثلث الاخير من الليل

قال رسول الله صلى الله عليه وسلم

أقربُ ما يَكونُ العبدُ من ربِّهِ ، وَهوَ ساجدٌ ، فأَكْثروا الدُّعاءَ

الراوي : أبو هريرة | المحدث : الألباني | المصدر : صحيح أبي داود

الصفحة أو الرقم: 875 | خلاصة حكم المحدث : صحيح

اسأل الله تعالى ان يهدي زوجك ويسخره لك ويحفظ بيتك مستقرا ومستمرا

في رعاية الله

__________________

السلا عليكم ورحمة الله وبركاته
جزاك الله كل خير ان شاءالله هحاول معاه بس المشكله ان شهواته مسيطره عليه وكمان للاسف مبيصليش وساعات بيفطر ايام فى رمضان ولو اتكلمت معاه فى انه مبيصليش واو ليه بيفطر فى رمضان رده عليا مالكيش فيه انتى انا لهتحاسب هوتقريبا بيقضى اكتر وقته على النت والكلام مع البنات فانا قررت ان اعتبره مش موجود هحسن اليه علشان ارضى ربنا واى شىء بيعمله علشان يستفزنى بيه بعمل نفسى مش واخده بالى واستغفر
انا وكلت امرى لله وهدعيله ربنا يهديه يا رب