الله يفرج همك الله يهديه

حبيبتي انتي لاتعطينه مجال اذا قال كل واحد يروح بحال سبيله لاتردين عليه وتوافقينه مثل ماقالت سر استخدمي الذكاء العاطفي معه
والزمي الدعاء ربي يفرج همك ويصلح حاله وأقرأي سورة البقره كل ثلاث ليال صدقيني بترتاحين وتتغير اوضاعك
ورددي أدعية تسخير الزوج والإستغفار

حبيبتي سر افهميني

هو مو اذا عصب سب وشتم لا

اساسا انا ما اشوفه وايد تخيلي حتى الغدا اتغدا بروحي والعشا اتعشى بروحي

وين الاستقرار؟؟؟! وين الجو الاسري

وهو قالي هذا اللي عندي ما اقدر اعطيج اكثر

يعتي مو ناوي على التغيير

وانت ياما وياما دللته ودلعته يقوم يتطنز علي

حقيقة انا كزوجة ماني مستفيدة منه ولاشي غير حسناته ههههههههه

حاليا لا اكلمه ولا يكلمني

صبري خلص خلاص ما عاد اقدر اصبر


كل همه بيته الاول واحنا ورا ظهره حسبي الله عليه

هو بالاساس بالاساس ما كانت له رغبة بالزواج فاكيد الانسان اللي ما له رغبة ماراح يعطي من قلبه


وانا وايد ذليت نفسي له ودست على كرامتي عشانه


حسبي الله ونعم الوكيل

__________________
لا اله الا انت سبحانك اني كنت من الظالمين

طيب موهبه هو لم مايبيج بيطلقج صح
ليه متمسك فيج للحين
دامه مغصوب عليج
ومرته وردت له
شلي مانعه مايطلق

لان بينتظر امه الى ان توصل الكويت

ما يعرف يسوي شي بدونها

قالي اذا وصلت امي انا حاضر باطلقج


وعلى فكرة كل وصياتكم سويتها بس ماكو فايدة

صبرت ودلعته ودعيت بس هو مو قادر على بيتين

وهذاك اساسا بيت مو مستقر

يارب رحمتك

__________________
لا اله الا انت سبحانك اني كنت من الظالمين

موهبة معقول تهدمين بيتك من اجل توافه (ماتغزل فى ,يراسلها و ما يراسلنى. ما تغدى عندى)
تقولين حسناته يعنى عنده حسنات ,لا يعميك الغضب عن ايجابيات زوجك مادام قايم بواجباته
من حقك بنتك تعيش بين امها وابوها,لا تحريميها الاستقرار,ستندمين بعد فوات الاوان

لو بس ظروفه واحس واقف معاي نفسيا جان تحملت

بس هو لا ظروف لا لسان اخلاق سيئة

يعني من كل صوب

اللهم عشان لا ابخس حقه مع بنته ما يقصر ابدا ولا بالفلوس يقصر

بس انا شخصيا ماني مستفيدة منه بالعكس احس يمص صحتي وعافيتي

يبيني اصبر ويبيني اخليه على راحته ويبيني اتنازل عن حقوقي

ويبيني ويبيني ويبيني

وهو مع كل هذا اسلوبه سيء ولسانه سليط

__________________
لا اله الا انت سبحانك اني كنت من الظالمين

شلون باخلي بنتي مرتاحة وعايشة بجو مرتاح وانا اساسا مو مرتاحة نفسيا

ومو مستقرة

كاني مطلقة

اقعد واطلع واكل لوحدي

شفايدة الزواج

__________________
لا اله الا انت سبحانك اني كنت من الظالمين

موهبة كم عمره وكم عمرج فديتج ؟

__________________
الحمدلله الذي بنعمته تتم الصالحات

هو 36 وانا 32

بس هو تفكيره عاطفي

الامور يحط اولوياتها بحسب قلبه مو بحسب عقله

يعني اذا استانس معاي غير اولوياته وصرت انا وبنتي في المقدمة واذا استاء مني او مال الى زوجته

نسفنا ويقولها اشكره مالج حق علي


هواه هو اللي يمشيه مو عقله


وانا تحس قواي استنزفت ماعاد فيني صبر

والوحدة اذبحتني كله بروحي

سامحوني كلامي ملخبط بس احتاج افضفض

ممكن ما احتاج حل لان الحل حاليا بوجهة نظري هي الطلاق

احتاج للفضفضة فقط والاحتواء

__________________
لا اله الا انت سبحانك اني كنت من الظالمين

اليوم الجمعة تضرعى الى الله و اسأليه ان يلهمك الصواب