رد : رجل الرجال
أخي رجل الرجال ...
اجتمعنا مع عمي وكانت هي موجوده بعد ,, عمي في البدايه طلب كل واحد يقول اللي عنده بالكامل على قولته من الالف للياء ...
وبدأ فيني انا :
عاد انا بصراحه طلعت كل اللي بجعبتي من ناحية الرقاد والاكل والسفر والطلعه وتعاملها مع اهلي , وأسلوبها بنقاش من بينا على كل شيء ( قلت هي مره وما اتوقع عمي عاد يعيدها ) المهم ظل عمي منصت وهادي ,, حاولت هي في البدايه تتعترض وتتكلم منعها وقالها لغاية ما يخلص تكلمي .
جاء دورها طلب منها تتكلم ولكن كانها ما تسمع ,, لجين تكلمي شو عندج على شو كنتي تبين تعترضين شو مب عاجبج بخالد ,, والله ولا كانها تسمع عيونها بالارض ودموع اشتغلت ,, وكان هو قمة بالهدوء ,, حاول وياها سألها تبين تتطلقين والله لحين بخليه يطلقج بس ارمسي شو تبين لج حرية الاختياروهي ما ترد .
بعد محاولات قالها شوفي أنا باخذج وياي البيت ,, وخالد أكيد ما راح يتم من غير زوجه ثانيه ( لانه لا عمج ولا اهله ولا أنا أبوج أولهم راح نرضى أنج أنتي يالسه بيتي وريلج في بيت ثاني من غير سبب مقنع ) وأكيد راح يتزوج وحده ثانيه وساعتها انا بنفسي بطلب منه يطلقج لاني ما أرضاها لبنتي تعيش مع شريجه من غير سبب ,, ولكن يا لجين حطيها بالج أني ما راح أدوم لج وضعي صحي تعرفينه أغلب الوقت مسافر للعلاج ,, خالد غلط بحقج تكلمي وانا والله بحاسبه ,,
أول مره أشوف عمي يرفع صوته عليها ( استانست ) وهي أبداً لا حياة لمن تنادي ولا نطقت بشيء بس تصيح ,, قال عمي أنا باخذها وياي وعندها أسبوع تقرر فيهم شو تريدين بضبط يا
طلاق أو تردين لبيتج وتكونين زوجه عدله وتتحملين مسؤؤليتج ,, أو يا خالد ترى بتصل على أبوك وأعمامك وبعلمهم ان لجين ما تصلح لخالد وأنا بنفسي بزوجه ,, زاد معدل البكاء عندها
هذيج الساعه أنا تكلمت فقلت لها يا لجين انا أحبج وأغليج والله ما راح أشوف وحده بجمالج وادبج واخلاقج وإذا غلط بشيء تكلمي ما راح أزعل منج ( ياليتني ما تفلسفت وتكلمت )
يلست تصيح وتقول جدام أبوها متأكد انك ما غلط وتعيدها اكثر من مره ,, إذا أنت نسيت ترى أنا لا ...
عمي وجه بدأ يتغير وحسيته ممكن يقلب الموضوع على راسي ,, قلت اسمعي اذا عندج شيء قوليه جدام أبوج ومن حقج ...
ردت وقالت أنا كنت ساكته لاني كنت مصدومه منك وبعد احتراماً لابوي , وأعمامي , وعيال أخواني اللي انت خالهم ,, وعيال أختي اللي أنت عمهم ,,
المدام بدأت تغرد وتنطلق بالكلام ,, وعمي سااااااااااكت ,, وحسيته مصدووم ,, هذيج لحظه تذكرت او بالاصح فهمت شو تقصد ,, بس ما قدرت أجادلها وايد بالموضوع أو أفتحه حتى جدام عمي ,, حاولت اختصر وقلت لها شوفي أدري أني غلط وكل ناس تغلط وان اعتذرت منج ومشكلتج هذه اذا تم بخاطرج شيء وما نسيتي ..
طبعاً النقاش بدأ يستفزني وصوتي بدا يرتفع عليها ,, وعمي ساكت وهي كانت تردد انت غلط بصوت عالي ,, عمي عصب عليها وقالها لجين صوتج ما يرتفع ناقشي من غير رفع صوت أنا ما علمتج تغلطين قولي اللي عندج بادب ,, ( حسيته بعد يقصدني ) وقالي خالد الموضوع منتهي ....
لجين باخذج وياي يا تقولين اللي سواه خالد ومضايقنج منه ولج عقبها حرية القرار ....
يا تسامحينه وتنسين وتعيشين حياتج ولكن اذا عرفت الغلط وكان غير مسموح فيه وعاده مره ثانيه انا اللي هذيج ساعه بعرف شلون أحاسبه وأخذ حقج منه ...
أو تطلقين منه ولكن بعلمج انه كل ناس تغلط ماحد معصوم من الخطأ ( أنا أبوج غلط ,, أمج غلطت ,, الكل يخطي بس في ناس توب وتعرف خطاها ,, وفي ناس تتمادى ولازم الواحد يوقفها ويعاقبها ,, وفي ناس تسامح وتنسى ,, وفي ناس لا ,, عاد شوفي أنتي شوفي شو صح ....
وقالي لو اتصلت يا خالد عليها خلال هذ الاسبوع لا تلوم روحك ,, انسى ان عندك زوجه لغايه هي ما تقرر وعقبها انا بحط النقاط على الحروف يا ترد بيتها مثلها مثل باجي الحريم ,, يا طلقها وتشوف طريجك ...
أنا تميت ساكت لاني حسيت اني معصب ومتوتر من كلامها وما أتوقعت انها شايله جي بخاطرها لاني طلبت منها تسامحني عقب ما درت وعلى الاغلاط ثانيه ,, ولكنها طلعت مثلها مثل باجي الحريم ( ما تسامح ولا تنسى ) وأنا والله ويشهد الله أني معترف بخطاي ولكن طلع قلبها ....
ومن ضمن المواضيع اللي فتحتها موضوع امها واني أنا أضغط عليها عشان تنساها وأستفزها بامي وكلامي واايد عن أمها ,, عمي قالها شوفي موضوعها منتهي من يوم ما طلقتها وانتي مالج علاقه فيها وكنت دووم يا لجين أردد عليج وانتي بعد بيتي أنسي امج واعتبريها ماتت ولكن انتي ظليتي تنبشين بموضوعها واللي خلاج تتمادين المحترم ريلج ما علمني بوضعج وعشان خاطرج ولانج بنتي تنازلت وكسرت كلممت أبوي الله يرحمه ويبت امج البيت عندي عشان تشوفينها وتسمعين منها كل شيء وصار اللي صار ولكن لحين أقولج وانبهج موضوع امج انسيه والله لو دريت انج تماديتي في موضوعها والله لاخليج تشوفين شيء مب عاجبج مني وهي اذا قابلتج ورضت تدري شو بيصير فيها وفي بيتها من أي تصرف تخطيه بالغلط ....
__________________
الحمد لله على كل حال