تجربتي مع السمنة وشلون نحفت مع تعب خفيف - منتدى عالم الأسرة والمجتمع
logo

الملاحظات

الريجيم والحمية وضبط الوزن برامج الريجيم والحمية وضبط الوزن

موضوع مغلق
قديم 21-11-2009, 04:28 PM
  #1
ام لؤي34
عضو نشيط جدا
تاريخ التسجيل: Feb 2009
المشاركات: 1,616
ام لؤي34 غير متصل  
tongue3 تجربتي مع السمنة وشلون نحفت مع تعب خفيف

تجربتي مع السمنه وشلون نحفت وانشد جسمي وتعب خفيف

السلام عليكم حبوبات


بنات الموضوع طويل شوي بس بصراحه اللي تبي تنحف وتعرف الحقيقه تقرا للاخر وان شاء الله تستفيدون
بالبدايه انا كنت نحيفه وجسمي زين ماعمري انتبهت له انه يبيله تغيير او انه شين وكان وزني ( 50) كيلو لايطلع ولا ينزل على ماجات ايام الثانويه وطلعلي حب شباب واستخدمت دوا (رو اكتن لحب الشباب) واللي سمني باقل من شهر 5 كيلو وعلى اخر الشهر 10 كيلو يعني ابتديت اتعالج على شهر 7 بدايته على اخره كان وزني 59 كأني بلونه منتفخه حدها اول شي سويته رحت الصيدليات وماخليت دوا يمدحونه حق النحافه الا وجربته الدوا الفلاني ينحفني كيلو والثاني ينحفني 2 كيلو واللي بعده ماينحفني خير شر لين يأست قلت يابنت مالك غير الاعشاب الله يكرمكم يجيني اسهال موب صاحي بس الوزن اللهم ياعافي نفس الشي مايتغير ويالله يالله نص كيلو باحسن الحالات جربت الرجيمات طفشت خاصه الرجيم اللي يقعد شهر يوم اهلي يشترون حلويات وشبسات وكوافي اضطر اخرب الرجيم وابتدي من جديد ومره شديت حيلي علاخر نحفت 5 كيلو ورديت سمنتهم باقل من شهر
المهم على ما يوم شفت حلقه لاوبرا بصراحه اعتبرها غيرت شوي من مجرى حياتي ، وهذي صورة الدكتور اوز اللي ماخذه المعلومات منه حق اللي مايعرفونه
وهو انه اصلن نظام التغذيه فحياتنا غلط ولازم نتبع نظام مرتب فحياتتنا عشان نظمن انه لو نحفنا مانرجع نسمن ثاني موب حابه اطول اكثر من كذا
اول شي لازم تسوينه: تشيلين من راسك فكره اعشاب خلطات ادويه رجيم معين وانا اتكلم عن الرجيم اللي يقعد شهر كامل لانك الا بتخربينه بلاخر
ثاني شي: شيلي من راسك فكره انك تنحفين من غير رياضه (وان حصلتي رجيم ولا شي ينحفك من غير رياضه ارميه لانك بتنحفين وبتترهل عندك البشره وبتقولين ياليتني مانحفت ياليتني تميت سمينه وبشرتي مترهله شوي ولا اني نحفت هالكثر وترهلت بشرتي ( طبعن الكلام حق اللي بينحفون اكثر من 7 كيلو ) اللي وزنها اقل من كذا ممكن مايأثر عليها بس بعد مانصحها لانه الرياضه تسوي عضل وهالشي بتكلم عنه بعد شوي الادوات المطلوبه او الاجهزة او المتطلبات :
1- جهاز مشي أو اذا كان عندكم حوووش يفي بالغرض بس لازم المشي
2- البلونه الرياضيه هذي بعد وايد ضروريه 3- بنحتاج اوزان(7 باوند) بعني3كيلو لو ماعندك وزن ينفع تشيلين كتابين ثقال وبنفس الحجم
اختياري : ان حبيتي تجيبن جهاز البطن وانا ماستغني عنه لانه امتع واحسن من اني انام واسويها من غير جهاز عالعموم اللي تحب تشتري انصحها بالهجهاز : [IMG]
5- اخر شي واهم شي في الموضوع طبعا الرجيييييييييييم او النظام اللي بتمشون عليه

والحين نبدا التنفيذ مع ترتيب الوقت كل وحده بوقتها عاد
احلى شي فهالرجيم انه مايحتاج ادوات ولا يحتاج تفاحه عالريق ولا علبه زبادي طريقه الرجيم ذه تتبعينه لمده اسبوع واحد فققققققط يعني لو ابتديتي السبت الاحد اللي اللي بعده توقفين رجيم وطبعا توقفين معاه الرياضه وكثر ماتقدرين تاكلين اكلي الله يكرمكم بيجيكم اسهال لاتخافون وكل ماكثرتوا كان احسن وبنبهكم لشي انا اضطريت اني ارتاح لمده اسبوع كامل لانه يوم وقفت يومين ماستفدت كثير واخو زوجي نفس الشي على عكس اختي وقفت يومين ونفع معاها اليوم الثالث خربت اسمنت نص كيلو فخليكم بالسليم وجربو اول شي يومين
نجي للفطور ابتعدي طول فتره الرجيم عن الكاتشب والمايونيز والخردل ( المسترده) والحلويات ممنوعه والشبس والكوافي وهالنوعيات
الفطور مسموحلج تشربين شاهي مع السكر الدايت او نسكافيه مع حليب او من غير لج حريه الاختيار هاي بالنسبه للسوائل بالنسبه للاكل امه قطعه توست مع اي شي تبينه حتى لو برغر او صصج بس يكون مشوي ومن غير الاشياء الممنوعه ( كاتشاب مايونيز وخردل) او تونه او بيض او جبن اللي يريحكم اكلو بس مو تسوين توست وتحطين جبن وفوقه بيض لاء نوع واحد بس بعد 3 ساعات لك حريه الاختيار اما يكون موعد الغدا او تختارين وجبه خفيفه وتكون عباره عن ( سلطه فقط) او ( فاكهه) فقطاو( شوربه ) الثلاث وجبات ذول بيكونون السنيك بغيتي تاكليهم براحتك مابغيتي حبيتي تكنسليهم هم بعد براحتك بس تراهم بيملون معدتك يعني انا بصراحه كنت افطر وبعد 3 ساعات اشرب شوربه وبعد 3 ساعات او ساعتين يكون موعد الغدا اتغدا وبعد الغدا بساعتين اكل فاكهه احس معدتي مليانه ماتعشى ولا اضطر اكل السلطه اتمنى انكم فهمتو قصدي
بالنسبه حق الغدا: لو مسووين رز أو مكرونه اختاري صنف واحد بس اوحطي بصحنك مقدار 7 ملاعق مليانه مو تاكلين 7 ملاعق لا تفرق حطي بالصحن 7 ملاعق مليانه وان كنتوا مسوووين لحم اخذي قطعه وان كنتوا مسووين دجاج اخذي الصد مع شوربه وسلطه ، السلطه ان كانت مع الرز مايبيلها تحسبين اما لو لحالها وحتى لو فيها ميونيز مايخالف بيكون شي خفيف اخذي 4 ملاعق خفيفه مو مليانه مره لاتغشووون
العشا: اما تختارين نفس الفطووور او تكتفين بشوربه او كاسه نسكافيه او لو بغيتي سندوتش اكلي نص يعني لو شاورما لو جبتو شي من برا اكلي نص سندوتش او نفس الفطووور .
بالنسبه حق الرياضه : لازم كل يوم لمده نص ساعه تمشين سواء عالسير الكهربائي او بالحوووش لالالالالالالالالالالالازم المشي لانها الرياضه الوحيده اللي تصقل الجسم بالكامل بدون استثناء ولو عندك بطن تمشين مع جهاز البطن يسهل عليكي الموضوع وايد
وبعد كذا كل منطقه بجسمك تحتاج تمرين معين انا بحطلكم روابط الفيديو وتشوفونه كل منطقه بالجسم لها تمرين معين لازم تسوونه عشان يشد المنطقه بطريقه صحيحه ورياضيه حلوة

* مجرد معلومه: بعض البنات تخاف انها تربي عضل لاتخافين حنا مانقولج سوي جسمج مثل المصارعين المقصود عضله خفيفه ماتبان لانه يابنات اللي تكون عضله فجسمها بصعوبه بالغه تسمن المنطقه وهذا مايعني انك تعطين نفسج الضوء الاخضر بلاكل خاصه منطقه البطن لانه بعد الحمل كثييييييييير تترهل عندهم المنطقه لو في عضله مشدوده صدقوني ماراح تترهل ولا تبرز على برا بس مع المتابعه
ملاحظة: الرجيم ينحف 3 كيلو بلاسبوووع اذا نحفتي ووصلتي للوزن المطلوب بعد كذا خلك على النظام لانه مايجوع وتاكلين من اكل البيت موب مضطره تجيبين شي من برا وشي يقرف ويلوع الكبد اطبخي اللي تحبينه اذا خلصتي الرجيم بعد كذا استمري عليه اسبوع ايه واسبوع لا وخلي الرياضه 3 مرات بالاسبوع بس ( طبعا الكلام حق اللي يبون اجسامهم تكون مثل عارضات الازياء مصقوله ونحيفه ومشدوده موب ينحفون وبس) واللي تقول ماقدر وماتحمل طبعا هالشي يرجع لها
بكتب لكم نوعيه الاكل والاماكن اللي تأثر فيها مثلا:
الارداف والفخدين: الكوافي- الحلويات- الشبس بجميع انواعه( سواء بطاطس اوذره) والبسكوت والمكرونه والخبز
المؤخره: المايونيز- الكاتشاب- الخردل (المسطرده)
بالنسبه للاكتاف: يعني يخلي الاكتاف مثل كأنه عريضه اللي هو تقريبا من الظهر ورا اتمنى فهمتوني اللي هو الخبز
الخصر والبطن : طبعن بما انه المعده فالبطن فمالها اي نوع محدد عادتا ممكن اي شي فيه دهووون تحسونه دسم ممكن يأثر خلني اقلكم بالذات الوجبات السريعه والحلويات تساعد انها تبرز البطن اكثر من الرز والخبز والكربوهيدرات بالنسبه للخصر: نفس الشي نفس البطن
* معلومه: على فكره يابنات طول مانتي مسويه النظام كثري من الحليب وحطي معاه نسكافيه يطلع طعمه حلو او الزبادي والالبان حتى الجبن بس يكون دايت عشان الدهون اللي فيه لان الكالسيوم اللي فيه من اهم العناصر اللي تساعد على النحافه لانها تنشط الجهاز الهضمي ادري اني طولتها عليكم مره بس بعد خلني اقلكم اخر شي على هالمعلومتين
الاولى
حاولي كل يوم تاكلين حبه طماطم وحه عالاقل عشان الطماطم يقوي عضله القلب وبما انه بنسوي رياضه محتاجين القلب معانا خخخخخخ
ثاني شي
بنات اللي تبي تشرب مويه تكون كثر ماتقدرين بارده موب حاره وانا بفسرها لكم من ناحيه علميه عشان بس لحد يتكلم وطبعا الدكتور اوز اللي متكلم عنها
اول شي لو عرفتي السعر الحراري بيكون معناه الجهد المبذول لرفع درجه حرارة الماء لدرجه حراره الجسم درجه سيلولوزيه وحده لو جينا نقولها بلغتنا العاميه يعني شكثر جسمك محتاج يبذل مجهود عشان يحافظ على توازن الحرارة فالجسم سواء البارده او الحاره ويوم تقولين حق وحده الاكله الفلانيه فيها كذا سعر حراري مثلا صحن الكبسه مثلا (300)سعر كأنك تقولينها صحن الكبسه ذه يعطيكي طاقه تساعدك بتنظيف البيت والمشي مسافه كذا فيوم تشربين ماي بارد الجسم يبذل مجهود اكبر عشان يرفع درجه حرارته لدرجه حرارت جسمك
منقول لعيونكم
__________________
قديم 21-11-2009, 04:46 PM
  #2
مدام الاء
قلب المنتدى النابض
 الصورة الرمزية مدام الاء
تاريخ التسجيل: May 2008
المشاركات: 2,657
مدام الاء غير متصل  
مشكور على النقل ...نصائح ممتازه
تحياتي
__________________
اللهم بارك لي في اولادي ولا تضرهم ووفقهم لطاعتك وارزقني برهم
قديم 21-11-2009, 07:07 PM
  #3
ندى_1406
عضو المنتدى الفخري
تاريخ التسجيل: Jul 2004
المشاركات: 5,618
ندى_1406 غير متصل  
جزاك الله خير
وفعلا لو نتبع هذه الطريقه رح تكون صحتنا ممتاااااازه
قديم 21-11-2009, 08:07 PM
  #4
سحابة الصحراء
قلم مبدع
تاريخ التسجيل: Aug 2006
المشاركات: 6,406
سحابة الصحراء غير متصل  
بارك الله فيك ورزقنا واياكم الجسم المثالي
__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً
قديم 22-11-2009, 12:09 AM
  #5
بنت جابر
عضو متألق
 الصورة الرمزية بنت جابر
تاريخ التسجيل: Jan 2006
المشاركات: 1,975
بنت جابر غير متصل  
مشكوووووووورة على النقل
__________________
قديم 22-11-2009, 01:01 AM
  #6
أنا المتمردة"
عضو نشيط جدا
 الصورة الرمزية أنا المتمردة"
تاريخ التسجيل: Apr 2008
المشاركات: 320
أنا المتمردة" غير متصل  
يسلمو وعساك ع القوهـ
__________________
أنـــــــــا مـــــــن تمــــــــــرد فكـــــــــــري عــلــــى قلـــــــمي
فـــخــط كـــاتبــــاً: ( قتــــــــــــــلتني المتمــــــــــــــــــــردة")
قديم 22-11-2009, 01:01 AM
  #7
بنت مكة2008
كبار شخصيات المنتدى
 الصورة الرمزية بنت مكة2008
تاريخ التسجيل: Apr 2009
المشاركات: 7,516
بنت مكة2008 غير متصل  
يسلموووو نصايح ممتازة
__________________
ياررب ارح قلبي وعوضني خير
قديم 22-11-2009, 01:16 AM
  #8
أم الشبل الصغير
كبار شخصيات المنتدى
 الصورة الرمزية أم الشبل الصغير
تاريخ التسجيل: Jul 2004
المشاركات: 1,652
أم الشبل الصغير غير متصل  
الله ينحف السمينات
ويسمن النحيفات
مشكوره خيتو
__________________
ي رب رضاك و الجنة
قديم 22-11-2009, 03:38 AM
  #9
ام لؤي34
عضو نشيط جدا
تاريخ التسجيل: Feb 2009
المشاركات: 1,616
ام لؤي34 غير متصل  
تسلمين حبيبتي سررت بمرورك
__________________
قديم 22-11-2009, 03:45 AM
  #10
ام لؤي34
عضو نشيط جدا
تاريخ التسجيل: Feb 2009
المشاركات: 1,616
ام لؤي34 غير متصل  
اقتباس:
المشاركة الأصلية كتبت بواسطة مدام الاء مشاهدة المشاركة
مشكور على النقل ...نصائح ممتازه
تحياتي
اقتباس:
المشاركة الأصلية كتبت بواسطة ندى_1406 مشاهدة المشاركة
جزاك الله خير
وفعلا لو نتبع هذه الطريقه رح تكون صحتنا ممتاااااازه
اقتباس:
المشاركة الأصلية كتبت بواسطة سحابة الصحراء مشاهدة المشاركة
بارك الله فيك ورزقنا واياكم الجسم المثالي
اقتباس:
المشاركة الأصلية كتبت بواسطة بنت جابر مشاهدة المشاركة
مشكوووووووورة على النقل
اقتباس:
المشاركة الأصلية كتبت بواسطة أنا المتمردة" مشاهدة المشاركة
يسلمو وعساك ع القوهـ
اقتباس:
المشاركة الأصلية كتبت بواسطة بنت مكة2008 مشاهدة المشاركة
يسلموووو نصايح ممتازة
اقتباس:
المشاركة الأصلية كتبت بواسطة ألوان مشاهدة المشاركة
الله ينحف السمينات
ويسمن النحيفات
مشكوره خيتو
اسعدني مروركم وشرفني احبائي الكرام الله لايحرمني منكم
__________________
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 01:32 PM.


images