هلا فيكم جميعا
ماادري دائما احس بملل بوحده زوجي على طول مشغول مدري وش اسوي

اتمنى لو بقيت عند اهلي ولا تحملت هم الزواج وهم الزوج كانت حياتي قبل احلى بكثير احس اني مو قد المسىؤليه واحب الحريه كثير حتى بحياتي الخاصه

مدري وش اسوي
ابغى استشارتكم 😔


تم تعديل العنوان ليتناسب مع المضمون

عليك بتغيير نفسك أولا حتى تتغير حياتك ...

__________________
أشهد أن لا إله إلا الله و أشهد أن محمدا رسول الله صلى الله عليه و سلم

امم طيب مافي مجال تكوني قريبه من اهلك يعني تسكني حدهم وخصوصا لو كان مشغول عنك .

زوجك مشغول ف أيش ؟ عمل يعني و الا مع الاصدقاء ؟

ماعندك علاقات صديقات اقارب ؟


ماعندك هوايات او برامج تلفزيونية مفضلة ؟

انصحك بترتيب يومك يعني جيبي ورقة و قلم و شوفي وش تحبين انتِ وش الاشياء اللي تميلين لها

قراءة ، كتابة ، تصفح ، مشاهدة فيلم ، رسم ، تصميم ، و ادمجيها مع شؤون البيت رتبيها بالوقت حتى تملأين يومك بشي حلو و مفيد و ممتع

__________________

شكلك توك متزوجه اقل من سنه ..
والله يختي كلنا نحب الحريه .. بقولك عني.. انا بعد حياتي قبل عند اهلي بكيفي لاشغله ولا مشغله وبغرفتي كل وقتي و ان طلعت من الغرفه ع طول اطلع مشوار و اروح للسوق متى ما ابي و اروح لخواتي و و الخ .. تزوجت و اول شهر كان وناسه وتهنيت معاه لانه كان اجازه .. ومن رجع للدوام صرت احس بفراغ و وحده خاصه ان دوامه طوووويل وماكنت احب اشتغل بالبيت لان ماعرف ( اعرف اشتغل بس المقصد ان ماعرف متى اسوي هذي الشغله ولا عارفه انظم وقتي ) و دايم اقوله ابي اروح لاهلي يقول خليها بكره .. مع ان اهلي جيراني اقدر اروح لوحدي بس يسمحلي ونادر يسمحلي اروح لحالي .. المهم مع الايام نظمت شغلي وصرت اهتم ببيتي وحاولت اتأقلم عالحياه الزوجيه والحمدلله تأقلمت وبعدين حملت و ولدت والحين وقتي كله مليااان ما الاقي وقت حتى انام وصرت اطلع مره بالاسبوع ماعاد اقدر كل يوم او يومين وانتي لازم تتعودين لان حياتك عند زوجك هي حياتك الحقيقيه و احمدي الله انك متزوجه فيه كثير يتمنوا مكانك حتى لو كان زوج بالاسم بس .. نظمي وقتك سوي لنفسك جدول بشغل البيت اكشخي لزوجك املي وقتك

ما معنى الحرية بحياتك الخاصة؟ إليس لديك هوايات؟ ممكن أن تنظمين حياتك الشخصية مع حياتك الزوجية وليس بالضرورة الاثنان يتناقضان

وكما ان الزواج مسؤولية ولكن فيه امتيازات فلا يمكنك ان تغفلي ايجابيات وامتيازات الزواج

قولي الحمدلله في نعمه ومتزوجه ما جربتي العنوسه
انا اتمنى اتزوج واستقر

احمدي ربك على ما انت فيه ..
.
واشغلي وقتك بما ينفعك


اسال الله لك التوفيق والسداد

__________________
اللهم استرنا فوق الارض وتحت الارض ويوم العرض

لما كنت متزوجة كنت أنتظره يطلع من البيت عشان أخذ راحتي بالقراءه أو بغيرها من الهوايات !

إشغلي وقتك بشي مفيد ينميك ويطورك إدخلي دورات أون لاين رتبي بيتك تعلمي شلون تغيرين ديكورك بأشياء بسيطة تعلمي طبخات سهله وسريعة إلعبي رياضة المهم لاتقعدين فاضية ..

وإحمدي الله على نعمة الزوج الصالح الله يوفقكم ويسخركم لبعض

__________________
الصّمت هو النُقطة الأخَيرة لكُل الأشياء الموُجعَة .!

لاإله الا أنت سبحانك إنِ كنت من الظالمين

اهلين
كيف يعني دورات اون لاين