المشاركة الأصلية كتبت بواسطة زين ابيها

😂 قتلتيني وانتي تقولين سباق هجن
طبعا اهنيج يا اقحوان ويا اسعد فتاة على طولت بالكم
😂 يبيلكم درع بعنوان ( زرع المجانين يحفظه رب العالمين )

هم فعلاً بعض الامهات چذي يفكرون
تولد من هني وتقطهم من هني .. وعبالها عيالها الظراف اللطاف جدا
المؤدبين جداً .. اللي وين ما تخليهم ما يتحركون
عبالها تُحف ..

عندي صديقة واختها
صديقتي عندها ولد واختها بنت
تخيلي وقت الوجبة شنو يسوون ..
يخلون لعيالهم في صحون كل واحد بصحن ويخلونهم ياكلون بروحهم
ويمسحون العيش والروب والذي منو في السيراميك
وعلى الطوف
وهم يصورونهم سناب ويضحكون
انه انقهر وانه ما لي خص!
أو يجون بيت ابوي كل اسبوع ، يتركون عيالهم يعيثون في الارض فساد
هم من الاهل فيعتبرون الامر ميانة
يدخلون المطبخ .. يكسرون البيض
و يصيون الماي وسط المطبخ
وياكلون فوق سرير اختي
وامهاتهم يضحكون ويصورون سناب..
😂😂😂 طبعاً ما املك طولة بالكم
من يطلعون اليهال بره الغرفة عطيتهم نداء مُزلزل
تعالووووووو اهنيه .. وعلى قولتج يبدأ سباق الهجن .. هم تقريبا 5 بنات بعيالهم
بس وحدة منهم ما تخلي بنتها تقوم من مكانها ما تحب هالحركات
ومن اشوفهم بياكلون فوق سرير اختي عطيتهم النظرة اللي يقولون ( اصلا ما نبي ناكل فوق السرير )
ولما صرت اشوفهم ياكلون ويمسحون يدهم بالطوف ..
قعدتهم جنبي
قلت لهم شفتوا اياديكم الصغيرة الوسخة
قالوا ايييي
قلت لهم حاليا فيها جراثيم واااايد
اذا ما انغسلت بالماي الجراثيم بتاكل اياديكم
وبتظلون بدون ايادي
😂😂😂😂 وصار البكاء الجماعي والغسيل الجماعي

وصاروا تقريبا تقريبا ماشيين عالعجين


اقول حبيبتي استفردي فيهم يوم واحد بدون وجود الوالدة
واعطيهم قوانين صارمة اللي يتجاوزها بيحصل شغله


أو كلمي الودود الولود بهدوء عل وعسى تتفهم

المشاركة الأصلية كتبت بواسطة wa1121

لازم يخافون من احد مو معقولة
احنا نروح بيت اهلي ونلتقي ب ـ13حفيد الهم ببارك لكن يموتون من ابي واخواني
لما ترتفع اصواتهم او عملو فوضى واحد من الشباب يتوعد بس خلاص
لكن رغم ذلك متعبين الموجودين البارحة كانو 8 لو شفتيهم نزلهم ابي للبحر لما طلعو الرمل في كل مكان يتضاربون من يستحم الاول
امي من الصبح وهي تطبخ ما كفتهم ولما ما احب ارسلهم رحمة بهم يغضب ابي ويقول ايش دخلك من اشتكالك
هم كذا الاجداد على قلوبهم مثل العسل تحسينهم يتحملون اولادنا اكثر منا

لكن بما انك مو جدتهم مش مطلوب منك ان تتحمليهم


لذلك لو منك اكلمها مباشرة منك لها انكم محتاجين راحة ولا ترسلهم في كل الاوقات باسلوب جميل ومن غير ما تسمع امك

المشاركة الأصلية كتبت بواسطة kooki3

تعالي يا اقحوانتي ولا تزعلين ولا تكدرين ، عندي لش الحل روحي وجيبي اكبر شنطه عندش وحطي فيها
كتبش واغراضش ومستلزماتش ودقي الباب عالولود الودود وقولي لها بأبتسامه عريضه انا بنتقل عندكم شهرين ثلاث الله اعلم يمكن القعده عندكم تعجبني واطول شويتين ، بما ان بيتكم اهدى ما شاء واريح ومحد يعكر عليكم راح انقل اقامتي عندكم

اهم شي روقي المنقى وسوي الي يريحش

المشاركة الأصلية كتبت بواسطة وردة22

ضغطي ارتفع الله يمدك بالصبر
كلمي اخوك بصريح العبارة عيالك اتعبونا مانقدر نرتاح فالبيت

او شيلي مفتاح البيت واذا دقوا قولي المفتاح ضايع اطلعوا فووق

المشاركة الأصلية كتبت بواسطة مبتعثة متفائلة

اقحوان ليه اخوكم ماينتقل بيت لوحده

المشاركة الأصلية كتبت بواسطة mimomea

يا حبيبتي يا اقحوان اتمنيت كون طفلة 🙆لاوقف ورا بابك 🚪🚪

طيب اذا نحن من ورا الشاشة وحبيناكي وبعدك بتسألي ليش ولاد اخوك بيضلهن عندكن 😊😊😊

يا حبيبتي شوفي شو السحر اللي فيكي اللي جاذبهن ولو ما حبهم الك ما كنت شفتيهن
شفتي كيف كلامي بلسم عالجرح وهلئ بيخليكي ترجعي تعيدي حساباتك وممكن بلحظة تخليهن جالسين بأحضانك 👩‍❤‍👩


عم امزح عم امزح عنجد ربي يحميهن بس ما بقدر اتحمل بهنيكي انو بعدك بعقلك وعم تحكينا كلام مفهوم

هلئ مستعجلة كرمال رايحة مشوار بس ارجع بحكيلك عن فصول ابن اختي الوسطانية لدرجة اختي الصغيرة قالت التوبة عالزواج عقدتوني من الاولاد قبل ما اتزوج

المشاركة الأصلية كتبت بواسطة Realgirl

اللي ترمي عياليها على الناس
بدون ماتفكر في ظروف الناس او الوقت مش مناسب لوجود اطفالها او انه وقت راحتهم
واطفالها ممكن يزعجوهم، هذي وحدة ماتستحي
وعندنا مثلها نموذج والحل معها تعطيها في وجهها وتكوني صريحة ولا تستحي .
احنا مرة زوجة اخوي رسلت اطفالها عندنا البيت في نفس اليوم اللي كان عندنا عزيمة في الاستراحة،
مدري نشوف تجهيزات العزيمة ولا نشوف اطفالها؟!