مكرونة صينية...لا تفوتكم(صور)
السلام عليكم
اليوم جايبة لكم طبق عشا
لذيذ وسريع وما ياخذ وقت والطعم جنان<<<<<الاخت جايعة تسوي رجيم
من قبل كنت اموت بشي اسمه اسباغتي من كانتون
لكن بعد ما جربتها بالبيت سويت له مقاطعة لانه اللي بالبيت طعمه احلى
نبتدي بالمقادير:
بصل، ثوم، جزر، فلفل رومي، ملفوف، دجاج صدور،
صوص الصويا، بهارات او مكعب ماجي، اسباغتي مسلوقة
الطريقة:
-اولا نحمس البصل والثوم لين يحمر
-نقطع الدجاج قطع صيغيرة مربعات
-نقلي الدجاج لعدة دقائق في شوية زيت عشان ياخذ شكل حلو
-نحط الدجاج على البصل مع مكعب الماجي او البهارات ونحمسه معاهم
-نحط عليهم ماي ونتركه عشر دقايق على نار هادئة ومغطية
-نقطع الجزر والفلفل والملفوف قطع طولية
-نحط الجزر على الخلطة ونخليه عشر دقايق (راعي الترتيب لانه الجزر ياخذ وقت في النضج اكثر من الملفوف والفلفل)
-نضيف الفلفل والملفوف
-نحط عليهم ملح وفلفل اسود وصويا الى ان يصبح لون الدجاج بني
-اخر خطوة نضيف السباغتي المسلوقة للخلطة
-ويقدم الطبق
هذي صورة الخلطة جاهزة قبل اضافة السباغتي
وهذي صور السباغتي بعد ما خلص
__________________
تعبانة يا يمة من جد تعبانة
واحوالي يا يمه ما اظنها تسرك
تعالي ردي عن قلبي احزانه
محتاجه يا يمه ابكي على صدرك
((لا تبخلوا بالدعاء لأمي ولجميع مرضى المسلمين بالشفاء))
التعديل الأخير تم بواسطة شمعة الجلاس2005 ; 17-02-2008 الساعة 07:49 PM
السبب: تعديل الصور لاحتوائها روابط خارجية + شعار التميز
17-02-2008, 02:10 AM
ضوابط المشاركة
العرض الشجري