وأنت بخير أخ أبو مريم
آمين يارب

لو تسمع من والدي بتإيده يتزوج هههه

أمي لها أكثر من 10 سنوات عايشين كأخوان في البيت
زوجة أبويه الله يغفر لها ماأبغى أتكلم فيها وآخذ ذنبها لكن فيها شيئ لا يطاق وحاول إصلاحها من سنين ولا حياة لمن تنادي آخر محاوله منه الآن أشترى لها غرفة نوم فاخره جداً أنا لما شفتها في الصور جاتني غيره والله ماعرف حسيتها ماتستاهلها استغفر الله
أبويه أصبح مهمش في البيت للأسف حتى من قبل أخواني المتزوجين والشيئ الي كسر ظهره كلمة أمي الأخيره الي مو قادر ينساها لما قالت له الملحق فاضي نرتبه لك ودايماً نام فيه
وأمي ماألومها لأنه يزعل من زوجته ويجي بالأسابيع عند أمي وأمي تضغط عليها زوجة أبويه أنه شوفي كيف مايجي عندي ومن دا الكلام وأمي للأسف تحس انها مذنبه إذا سكتت فقالت له في يومها روح الملحق
وزجة أبويه مو حباً في والدي تبغاه لكن دخول والدي من جهة بيت أمي يثير وحده من جاراتنا الي لسانها طويل وتنقل الأخبار وتحرج زوجة أبويه ليه فلان مايجي عندك دايم أشوفه يروح عند فلانه
ولا هي قالت لي بنفسها أرتحت من أبوك

انت متخيل أنه رجل ينطرد من بيته ومن أقرب الناس له قالي هذا وأنا لازال فيني قوة كيف لو ضعفت إيش بيسو فيني
من بعدها فكر في مكان يرتاح فيه والزواج قالي انه وجد أجنبيه عمرها 45 سنه أمنيتها تعيش في مدينة رسول الله ورح تهتم فيه أهتمام بالغ أولادها كلهم متزوجين ومستقلين

أنا ماني قادره أقول لأبويه لا تتزوج لانه يشتكي لي من أشياء كثيره وساير حساس جداً يحس إنه حتى أخواني الي لسى صغار ماتزوجو مايبغوه ولا يبغو يسولفو معاه لانهم طول الوقت ع الجوالات ودايم في غرفهم
أنا حزينه عليه وفي نفس الوقت خايفه عليه

شكراً لك جنى ان شاء الله مايتزوج صغيره
علي والله ماأبغاه يتزوج ماابغى وحده تشاركنا فيه وتاخذه منا

في شيئ ماذكرته أخوي ابو مريم

والدي الله يطول بعمره مااستمتع في أمواله لخوفه إنا نختلف عليها بعد وفاته بحكم إنا عائلتين قاعد يوزعها من دحين علينا يقول ماإبغى أموت وأترك شيئ وراي تختصمو عليه يعني مو بالبساطه نرفض زواجه وهو يعطينا من فلوسه حتى وإحنا متزوجين
حتى لما قلت له من حقك تتزوج فرح مره ماتوقع اني اقله كدا
أنا عندي إيميله وأخترقته وشفت محادثته مع المرأه الي بيتزوجها أغلب كلامه معاها ممكن أولادي مايتقبلونك أنا رأيي من رأيهم
ع أنه والدي شخصيته قويه استغربت إنه يقولها كذا
وخفف سقف تطلعاتها من ناحية الماده وضح لها إنه مايقدر يسكنها في بيت ملك ع إنه قادر لكن يبدو إنه يختبرها
والمرأه واضح أنها طيبه والله أعلم

المحادثه قديمه وماعاد شفت لهم رسائل جديده وأمي عرفت الايام هذي

__________________

شكراً لك أخ أبو مريم

أحبك الله الدي أحببته فيه

صحيح ماذكرت التفاصيل لانه كان همي الشقه أمي مصره عليها إيش الحل فيها

بالنسبه لأمي جاء دورها اتحدث عنها ورح تعذرها
هي مرضت مرض روحي قبل العشر سنوات وكانت بتخرج من البيت لشدة عدم تحملها البقاء
وراحت وجات ع شيوخ وخفت الحمدلله لكن طلبت من والدي أنه يعذرها وانه شي خارج عن إرادتها وبالفعل أنا شفتها بنفسي لما كنا نشغل قران كيف ينقلب حالها الله يشفيها
بعد ماخفت بكثير كنت أطلبها أنا واخواتي تتقبل والدي وهو أشتكى لي إنه مو مصدق إنها سوت كذا ونزل وزنه وقتها
حاولنا معاها تقريباً 5 سنوات وكانت ترفض وتزعل بشده وتبكي أحياناً
الآن ماأستطيع أن أفتح معاها الموضوع الا من باب المزاح لانه عندها ضغط وخايفه يسير لها شيئ بسببي
لكنها قائمه بجميع مايحتاج أبويه من اكل ولبس وتنظيف
وهي ماهي رافضة زواجه غيرة عليه لا
رافضه لأنه المشاكل بينه وبين زوجته الثانيه رح تزيد أكثر
وزوجة أبويه تدخل أمي في كل شيئ وأمي تتعب لما تشتكي لها
لانه عندها نفور من والدي والكلام عنه يزيدها
تصرخ في العماره اذا حصل مشكله بينهم وتنادي أمي
وأمي تنفجع ويرتفع الضغط عندها
عصبيتها مررره ماتطاق
وهددنا زوجة أبويه لا تدخل أمي ومنعناها من زيارتنا وسارت تدق عليها بالجوال في غيابنا
كلمنا أبويه عنها مافي فايده
وفي شي تاني ابويه كريم اذا زعل من زوجة أبويه أمي تقوم بضيوفه وتتعب بالرغم انه في شغالات لكن برضه الاكل هي تسويه
وزوجة ابويه مرتاحه وتقول أمي يعني أنا للكرف وهي للفراش

ماقلت لكم بيحصلي إنفصام في الشخصيه من أمي وأبويه🌚

و أيش رأي زوجة الثانية بالموضوع؟
أنا أحس من واجب على أبوك يعدل من سلوك الزوجة الثانية، لأنها شخصيتها ممكن تحطم هدوء زوجة الثالثة، خاصة أن أمك تتأذى منها، فالله أعلم كان زوجة جديدة بتكون طيبة و بتدخل قلب أمك أو شريرة و بطلع أمك و حق أمك من الثانية

أنا من رأيي تشتروا شقة لأمك و تأجروها، و إذا حدث عدم إتزان ف الحياة ف بيت أبوك، تنتقل لشقة. و لازم قبل ما تشتروا شقة تفهموها أن من حقها الشرعية الفراش مثل ما هو حق أبوك و أن هي مب ذاك زود من شيب حتى تنفر منه، أخبروا أبوكم ليش بتشتروا شقة مب عشان غيرة لكن مخاوف من أمك و عدم ارتياح للفكرة. و أبوك لازم يظهر بعض قوة شخصية على ثانية و أنها ف نهاية امرأة.


و الله ولي توفيق...

طيب ع كذا ماشالله كويس بس ان شالله تطلع زينه لا تأمنولها بسرعه

رأيي يا متفائلة ان لا تدخلي بين والديك خير شر
ولا تقفي مع والدك في امر تتأذى منه امك .
لماذا لا تحاولين التقريب بينهما عبارتها انها للكرف ولالاخرى لفراش فيها دلالات مازالت تغير لكنها تعبت الله يعينها

الزوجه التانيه كانت قبل تخاف انه بتزوج وأخواني لما يحصل بينها وبين والدي مشكله يروحو لها ويقولو لو مابتتعدلي بنزوجه 😅تهتم يوم وترجع اليوم التاني
الآن مستبعده إنه يتزوج لكبر سنه

أمي لو أشترينا لها شقه قبل مايحصل الزواج أخاف كل ماتضايقت راحت فيها
حتى لو ماتزوج بتسويها
وبعدين صح أمي لها حريه البقاء او الخروج لكني أنا ماأبغاها تخرج من بيتها الكبير بحوش وكل واحد فينا له غرفه لشقه صغيره
الفلوس الي معانا مارح تجيب لها دور كامل

رح نشترط ع أبويه مايدخلها العماره لو بيدخلها أنا أول وحده رح أوافق ع خروج أمي