شهر مبارك عليكم وتقبل الله طاعتكم

موضوعي كالتالي

انخطبت خطبه رسميه من اهل العريس
بعد تردد وحيره مني ماكنت موافقه

ابد
واستخرت الله كثييير لعل الله يشرح صدري

لقبوله

طبعا الخطيب هذا انا مو موافقه عليه

للاسباب

اولا انه من قبائل البدون وماعنده هويه سعوديه

ولسا منتظر تحسين الوضع

بدوون وظيفة ولا رراتب ولا دخل محترم

اهلي للمعلوميه اغلبهم رافضين لكن تحت اصرار اهله وترددهم وووعودهم انه مستعدين لكل طلباتنا وان الوضع بيتحسن وافقنا

من الاسباب بعد غير متعلم مايقرا ولايكتب

امي
ومايعرف يسووق

وانا معلمه وتفكيري مختلف عنه تماما

وطبيعي يكون في توافق في التفكير
و الحاله المادية على الاقل يكون مقتدر

وافقت على مضض وسوينا حفله والكل فرحان مو مصدق اني انخطبت لاني طوولت ماتقدم لي احد

من فترة والكل فرح لي طبعا الناس لهم الظاهر

شكل العريس واهله وحفلة الخطوبه كانت هدايا وعشا والكل منبهر اني انخطبت اخيرا

اهل العزيس اطيب منهم ماشفت
طيبة تسوي الدنيا ومافيها

امه ماتنوصف خلوقه وحبوبه وطيوبه
تموت فيني لدرجه انها من فرحتها على موافقتي بكت

الموهم

قترة الخطوبة متفقة مع خواته ان الهدف منها

تعارف اما نكمل مع بعض او ننفصل ومايكون حصل عقد

كلمته اكثر من مكالمه في الجوال

شخص عادي طيبب وحنون ومستعد ينفذ كل طلباتي كل ماقلت شي قال طيب

ولايهمك وكل الوقت يدعي ان ربي يجمعنا
عمره نفس عمري في الثلاثين ماسبق له الزواج مثلي

طبعا انا فكرت في كل شي في تعليمه واسلوبه ومايسوق وجنسيته مافيه شي مميز يجذبني له حتى كلامه مكرر وممل
وصرت اجامله واتهرب من اتصالاته

اما اني اتخلي عن كل شي واتزوجه في مقابل اصير ام وخلاص

او اني ارفضة عشان العيوب الي قلتها وانتظر من ربي يسخر لي الاحسن

طبعا انا تكلم بدون ترتيب وقلت كل شي بصراحة فابي منكم رايكم بصراحة

جزاكم الله خير وتقبل منكم صالح الاعمال

اختكم انسانينة جدا

وضعك مهدد

وانتي حرة

معروف مصير البدون هنا

عيالك بيكونون بدون.. عادي عندك؟

اسالي نفسك هل اهم شي تصيرين ام.. وعادي تجيبين عيال تعذبينهم وانتي عارفة بهالشي قبل ماتجيبينهم؟

لا اثبات ولا تعليم ولا صحة؟

العريس واضح انك ما اقتنعتي فيه.. لا تتزوجين واحد ماعنده الحد الادنى على الاقل بالنسبة لك!

__________________

اختلافي عنك لا يعني اختلافي معك

انا مو موافقة عليه ومو مقتنعه فيه فعلا بس امي الوحيدة الموافقة وظاغطة علي خايفة على عمري

جزاك الله خير على ردك وتمنيت اسهاب منك

باختصار شديد

وضع ماتبينه.. لانختارينه

انتي مانتي شايفة فيه ميزة وحدة..

ولا انا اشوف فيه شي مقنع بصراحة..

ومافي تكافؤ بينكم ابدا

__________________

اختلافي عنك لا يعني اختلافي معك

والله يا أختي بكل صراحة هذا يعتمد علي المقومات اللي عندك

مستوي جمالك ظروفك الاجتماعية

وإذا إنتي من اللي ما يقبلن الا بأعزب ,, وافقي عليه

والله يا اختي انتي استخيري كم مرره ..
والله يكتب لك اللي فيه خير ..
بعض الرجال صرااحه يستاهل تزوجه حتى لو ماهو متعلم ..
قد يكون افضل من غيره بكثيررر ..
لكن مسألة الجنسية اسألي عنها قبل كل شي اذا كانت امهم سعودية هل الابناء يستحقون الجنسية او لا !!..

انا استشيركم ولمستشار مؤتمن
حيرتوني اكثر

حطو وضعي وضع ابنه او اخت بتوافقوون

وجزاكم الله خير

نسيت نقطه زائد انه مدخن شره

اش مصير عيالك ؟؟

والله يا اختي استشارتك متأخرة....

يعني ما ندري عن وضعك.. الا ماذكرتي .. انك معلمة و بالثلاثين..


وهو اشياء كثيرة.. اصلاااا يكفي انه بدون جنسية..
هذي لحالهااا معاناه مو لك انتي ..

لأولادك.. وضع صعب جداا.. تخيلي مستقبلاا انهم بيظلون كذا!

حتى بالزواج راح يعانون..

فالافضل لك الانسحاب.. و انتظار ربك بيعوضك... افضل..

__________________

::
♤¤ مااضيق العيش لولا فسحه الأمل ¤♤
::