السلام عليكم يعطيكم العافيه

انا من اسبوع ملجت وكنا حيل مبسوطين

ولكن اتفقنا اذا حصل بيننا اي مشكله نحلها بنفسها


وحاليا متزاعلين

بسبب انها زوجتي تعودت على الخروج مع صديقتها للمولات

ولكن انا رافض هذا الشي ومن حقي

مع ان انامعاها علاقتنا سمن على عسل

بس طلعنا مع بعض يومين وبعدين قالت ابيك توديني المول مع صديقتي

اول مرت قلتلها لا مااخليك تروحي المول اوديك مثل السائق ورجع اخذك

تقول اهلي يخلوني قبل الزواج ماتجي انت تحبسني

قلتلها ماقلت بحبسك لو تبغين تروحي عند صديقتك في بيتها ماعندي مانع اما مولات وكلام هذا ماكو

بس مره ثانيه انا خطأت ووديتها من كثر ماتحن وتلح علي وراحت

وبعد ماعرفت امها راحت خذتها من المول وقالت لي زي تخلي زوجتك تروح المول
حتى لو تبكي عليك لاتوديها وخلك على كلمتك انا ماابغى بنتي تروح المول خلاص هيا متزوجه ماعليك منها


سواءا وديتها المول ولا رفضت رفض قاطع بتصير مشاكل يعني بتصير مشاكل

واتصلت علي زوجتي وقالت ليش قلت حق امي كل حاجه بيننا

يعني اهيا اتصلت وقلتلها بنتك في المول ليش اكذب عليها مثلا؟

ومن بعدها البنت ماتبي تكلمني ولا تتصل علي خليتها يومين ماتتصل تبغى بس انا اتصل
وروحلها البيت وتكلمني بنفسيه

تقول انت كذا راح تخرب كل حاجه بيننا

عرفت انها تبغى رجال تمشيه على كيفها
يعني لا تخليني اطلع على كيفي ولا خلاص
مع انها من قرايبنا ماهي غريبه البنا


من بعدها قررت مااكلمها حتى الوتساب حذفته من جهازي عشان لاتكلمني فيه


ولله العظيم وربي فوقي اني موبخيل عليها ولا خنتها وهي عارفه اني رجال نظيف لابنات ولا دخان
وهي اعترفت بهالشي

لكن ماتوقعت تتصرف كذا

انتوا شنو رايكم اطلقها ؟

ولا اخليها لين تتصل ؟

بان بصراحه انا مومتزوج عشان انفصل

انا ابي ارتاح ابي اعيش مثل اي اثنين متزوجين وعارف ان لازم تكون في مشاكل

بس شنو هذي البنت اللي تبي رجال عادي يخليها تروح المول وعادي


انتوا تعرفون يا اخوان اللي يخلي زوجته تروح بكامل زينتهها شنو يسمونه ؟

ولو اني اثق فيها ثقه العمياء ولكن انا لايمكن ارضى بالشي


ابوها واهلي لايعرفون عن هذا الموضوع


لكن تعبت ماني عارف شنو تبغى البنت مني ليش تزوجتي ماني عارف تعبت من التفكير

يا خوي .. كُن رجل !!
المرأة تمشي على رأي زوجها و رغبته ..
إذا ما خالفت شرع طبعا !!
مارس عليها القوامة لكن برفق ولين وليس بقسوة !!
بصراحة اللي تسير المول بكامل زينتها هي وصديقتها بس يفرفرون تخوف
واشك في انها مؤهلة لزوج وبيت و اولاد !!
اتكلم عن من هذه شخصيتها بشكل عام ، اما زوجتك انت اعلم بها منا ..

__________________
"إنه ليقف خاطري في المسألة والشئ أو الحاجة التي تشكل علي فأستغفرالله تعالى ألف مرة أو أكثر أو أقل حتى ينشرح الصدر وينحل إشكال ما أشكل"-ابن تيمية.

يوم انك عارف كل هذا عنها قبل ماتخطبها..

ليش خطبتها؟؟؟؟!!!!

اسال نفسك هالسؤال قبل ماتسال ليش تزوجتني :/

اسوا شي انك تخطب بنية تغيير الطرف الثاني!

وكذلك بالمقابل ان البنت ترضى بواحد بنية تغييره!

__________________

اختلافي عنك لا يعني اختلافي معك

أحسنت بتصرفك معها ورفضك تقبل فعلها
حط لها حدود ماتتجاوزها وخلك صارم

مرحباً أخي

إللي فهمته إنك متملك عليها ولم يتم حفل الزواج بعد

لذلك أقترح عليك التالي :

إذا تعلم أن خطيبتك فيها خير ودين وبنت ناس ومتربيه وفيها مواصفات تعجبك... فأجلس معها بكل صراحة... وأرسم لها طريقة حياتكم كيف ستكون ... وأنك ترغب بالإلتزام بشرع الله قدر المستطاع والبعد عن العادات والسلوكيات الغير جيدة

فإن إستجابت لك أو هناك بوادر فأعطها فرصة من الوقت إلى أن تتيقن أنه تم التغيير ... وإلا فالأمر راجع إليك



أعانك الله

اولا ماهو المخالف لشرع الله
اذا خرجت زوجتك للسوق بمفردها !
طالما هي فتاة محتشمة ومتحجبة!!

صراحة يجب ان نفرق بين ماهو حرام شرعا
وبين ما جعل الشرع فيه فسحة
ليت كل رجل مايضيق على البنت
وليت ايضا كل امرأه لا تتمادى مع الرجل في ترك بيتها

وسبب طلاقكم ( تافه في نظري )
ارى ان تخبر والدتها برغبتك بالانفصال ان كنت جادا لهذا السبب
وايضاً اخبرها عن طبيعة الحياة التي تريد ان تكونا عليها بعد الزواج
مع ان هذه الامور من الافضل ان تطرح بكل وضوح قبل عقد القران

الله يصلح مابينكم
والله يهديكم

عاملتها بالبدايه باللين ولكن مافاد للأسف
هذي غلطه اللي يصير طيب بالبدايه وقالت خل اتحكم فيه مع اني قلت هذا الكلام في البدايه ولكن انت عارف بعض الحريم تعاند

ومن ناحية رجال رجال ونص

انا سألتها بالخطبه وتقول انا ماحب المولات الا حق الحاجه مثل شراء ملابس وغيره

ولكن تفاجأت انها تروح مع صديقتها كل ماكلمتها في الوتساب !!!


ان كلمتها باللين ورفضت ماكو فايده
وان كنت قاسي هم ماكو فايده

وان خليتها على مزاجها وعلى كيفيها اهني مصيبة أعظم


يعني بنت الناس المفروض لي تزوجت تعرف أن الرجال لايمكن يترك زوجته تروح المولات على كيفها
حتى لو كان يسمح لها المفروض ماتسمح لنفسها تروح وتخليه

لان كل ماقالت بروح السوق وبخليك

الرجال راح يصد عنها ويخليها ويشوف غيرها

لأن هذي موحق زواج


قلنا تروح مع أهلها او تشتري حاجيات

اما 24 ساعه مولات ومولات هذي للأسف اكتشفتها انها مومتأهله للزواج

الحمدلله انا محسن تصرفي معها ولكن مايجوز اخليها على كيفها يا أخي

حطيت لها حدود بالبدايه ولكن هيا مصره يا انك تخليني على كيفي يا اني ازعل منك


بنات هالوقت مشكله !!

حياك الله اخي الكريم
وكل مشكله ولها حل ومشكلتك سهله جدا وخصوصا عند المستجدين وعلى شان تنحل مشكلتك شيل من راسك امر الطلاق ولاتلجئ له الى في الاخير بعد ان تتقطع عليك الاسباب وتبذل الغالي والرخيص من اجل صلاح زوجتك وصلاح بيتك و تخلي ذمتك عند الله وبعدها القرار لك
ياااخي الزواج يحتاج لصبر وتقديم التنازلات والتضحيه والحزم وعمل كل ماهو واجب عليك امام زوجتك وبحكم انك الرجل فالحمل عليك اثقل ............. تم
مشكلتك يتحمل معك مسؤليتها اهلها ايضا بماانك ذكرت انها كانت تخرج قبل زواجك بها
وهذا جانب ايجابي في المشكله حيث وانك ذكرت تجاوب ام زوجتك في الموضوع فمابالك بوالدها واخوانها اذا مالحل الخص لك الحل في بعض النقاط من وجهه نضري انا
اولا دعها في بيت اهلها حاليا واذهب االى اهلها واخبرهم بالموضوع والزمهم يانك تريد زوجه عاقله وطائعة وعارفة حدودها جيدا وحملهم مسؤلية مابدر منها حيث وانهم هم من فتحو لها هذا الباب وعودوها عليه قبل الزواج وهذهي مشكلتهم وليست مشكلتك اخبرهم ان لايسمحو لها بالخروج مهما كانت الاسباب الى بعد الرجوع اليك وهذا من حقك مادامت زوجتك لاتشرك اهلك في الموضوع حاليا مهما كانت الاسباب احتراما لاهل زوجتك وزوجتك
اهجر زوجتك وحسسها انك غضبان عليها ولاتلتفت لها حاليا لكي تراجع نفسها احزم امرك معها وراقبها من بعيد باتصالك باهلها من حين لاخر ومتابعة المستجدات معهم بفكر وعقل رجل ناضج وبدون اي ضعف وابقى على اصرار ك
المقصود من كل ماذكرت ان الاهل هم من سوف يوجدو لك الحلول لان حجتك عليهم قويه مثل ماذكرت لك سابقا وانت ستبقى بعيد ومبسوط وعالجت الداء بالدواء المناسب
اهلها تلقائيا راح يحرموها من صديقاتها ومن الخروج والطالح والجي يلومها وهي ماراح تتحمل حتى لوطولت شوي وسوف تلجئ لك.... هنا ضع شروطك وخذها بعزم وكن صارما معها بس بالحق والقرار بيدك
وبعدها اذا ماشفت الصلاح في زوجتك يمديك تتخذ اي قرار في حقها ولاعليك قصور
الخلاصه انك تجد وتجهد في الموضوع وتخلي ذمتك امام الله وربي يعينك ويوفقك ويصلح زوجتك

__________________
تمنيت حبـاً يدوم طويـلاً .. فـدام الحب وَ رحل الحبيب.