السلام عليكم ورحمة الله وبركاته اولا مبروك عليكم الشهر ثانيا حبيت افضفض لعلى وعسى من منكم يفيدني او ينصحني اعتبروني اختكم انا ع 31 سنه مطلقه من الملكه من 5 سنوات انا الي فسخت مافي نصيب ماارتحت وصار الي صار والحمد لله على القضاء والقدر الان انخطبت من واحد مو نفس قبيلتي من قبيله ثانيه وعمره مثلي او انا اكبر منه بسنه او اشهر مو هنا المشكله المشكله اني متردده لانه مطلق مرتين المره الاولى تزوج بنت تقرب له ولاجلست عندة الا اسبوع واحد وتقول امه ان السبب من البنت لانها ماتبيه وطلبت الطلاق لانها تحب ولد خالتها وان ابوها غصبها عليه هذا الكلام قديم وانها مجبوره عليه علشان ماترجع المهر هذا السبب الي قالته امه ولا ادري وين الصواب بصراحه والمره الثانيه عقد قرانه على وحده بس لم يتم الدخول وطلقه وتقول امه ماصار نصيب انا هنا خفت والا الان مااعرف هل هو عنده وظيفه ثابته او اعمال حره انا بصراحه جدا محتاره اوافق او لا خايفه استعجل وارفض واجلس بدون زواج وخايفه اتورط وش اسوي


تم تعديل العنوان ليتناسب مع المضمون

__________________
[

خلي اخوانك وابوك يسالوا عنه كويس
جايز كلام امه صح او لا
الله اعلم
استخيري وخلي اهلك يسالوا عنه كويس

اي الحين جاري البحث عنه من طرف اخواني بس ابوي متوفي بس سؤالي من مبداء مطلق مرتين

__________________
[

إيه ليش ما صار نصيب بالزواج الثاني ؟!
أمه كذابه
اسألوا إمام مسجدهم وهو اللي بيعطيكم الصدق

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

سبحان الله الاعذار صارت موضه بعد !
قبل سنوات كان كل مطلق يقول ان السبب انه مسحور حتى الزوجه يطلقها و يتعذر لها انه مسحور
الان كل مطلق السبب ان زوجته تحب ولد خالتها و مغصوبه عليه !!
والله سمعتها من اكثر من مطلق و كلها تدل على الكذب الصريح
كيف مغصوبه البنت عليك و تتزوجك غصب و بعدين بكل جراءه تقول انا احب ولد خالتى
لو كانت جرئية كان قالتها من قبل الزواج او من المكله ..
يعنى حتى لو تحبه على اساس بيتزوجها ان تطلقت ؟!!

اقول اختى مطلق مرتين اسالى عنه كوويس و الكتاب باين من عنوانه ..
لو مراة قلنا ضعيفة و الطلاق ماهو بيدها و كثير يتهاون بطلاق المطلقه
اما رجل و مطلق مرتين .. الله يستر

هلا اختي رنا كل عام و انتي بخير

انا مقدر وضعك وظروفك لكن هذا ما هو مبرر لاجل انك تغامرين بنفسك

شخص مطلق مرتين الوضع ما يطمن ابدا

وانا ما اشهد عليه لا بخير و لا بشر

ومع الاسف الشديد في مجمتعنا الرجل لو يطلق 100 مره يلقى مين تتزوجه و تقبل فيه

لكن البنت خلاص ينهونها من الوجود ومن الصعب احد يفكر فيها

عشان كذا استخيري الله مره ومرتين وعشره

الله يرزقك بزوج الصالح اللي يسعدك واللي تتمنينه

انتي و جميع اخواتي العازبات

اللهم امين يارب العالمين

استخيري مرة واثنين ومليون مايعلم بحقيقته إلا الله

واسألوا عنه كثيييييير كثيييير ولا تهملين أي نقطة سلبية تسمعونها عنه بزعم إنه بيتغير بعد العرس

وحكمي عقلك .. وأعطي قلبك إجازة وإنتي تفكري في هالموضوع .. مطلق مرتين تدور حوله علامات إستفهام ..

وأمه أكييييد بتشهدله بالصلاح والفلاح .. لأنه ولد بطنها !

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

يمكن كلام امه صحيح !!
أسألوا عنه وبقوووووة لأن وضعه مريب ومش واضح ..
أسأل الله أن يرزقج ما تتمنين ..

__________________
"إنه ليقف خاطري في المسألة والشئ أو الحاجة التي تشكل علي فأستغفرالله تعالى ألف مرة أو أكثر أو أقل حتى ينشرح الصدر وينحل إشكال ما أشكل"-ابن تيمية.

الحمدلله ان هناك أستخارة ..
وب هذه الاستخارة يكتب لك ماهو خير لك ..بأذن الله ..

الله يكتب لك اللي فيه خير ..

__________________
كن ثرياً بأخلاقك , غنياً بقناعتك , كبيراً بتواضعك ..

سألو اخواني عنه يمدحون ابوه وعمه اما هو نفسه لا مابعد اتضح شي الا الان والمشكله ان ابوه امام مسجد الي جنب بيتهم وأمه مابينا لنا وش اصله وش وظيفته وشكلها حالتها حاله وحزينه على ولدها 😞😞😞تقول ان ولدها كان يشتغل في مؤسسه بعدين فصل منها بعدين صار عنده سيارتين يشتغل عليها مافهمنا وش طبيعة عمله وش هم من عائله بضبط الوضع غامض بنسبه لي من ناحية امه وربي وربي انها تشكي تشكي عن حالته ولدها انه طلق في أسبوع والثانيه عقد قرانها والمشكله ان الاولى الي طلقها بنت خالته كيف يقولون عنها كذا ؟؟!!طيب والثانيه ليه ماتمم الزواج وطلقها ؟!؟!خواتي حييييل خايفين علي وخواني مو متحمسين ولامرتاحين لهذا الخاطب ياربي وانا خايفه اني اطرد واجلس عانس تعبت نفسيتي دلوني وش اسوي المشكله ان ابوه امام مسجد

__________________
[