السلام عليكم ورحمة الله وبركاته
الشهر عليكم مبارك
ابدخل بالموضوع ..
خطيبي انسان طيب وخلوق و خجول بعد والححمدلله
وبعد يمكن وحيد له فتره 3 سنين بالغربه لحاله ..
المهم .. انو هو اقترح ان تكون مكالمته معي اسبوعيه ... طبعا ماقدرت ارفض كاني ميته عليه ..
الشي الثاني طول الاسبوع يكلمني واتس يسولف معي كاني صديقه .. مره يحرجني ومره احرجه ومره يقول كلام مافهمه ويقول مو لازم ويصرف وانا عارفه انه يلمح على شي .. بس انه اذا كنا رومنسيين يخرب الوضع بمزحه
المهم مره وانا اكلممه قال انا اتعب من المكالمه >من كثر ما تكلمني ترها مره بالاسبوع المهم قلت خلاص يلا باي رفض يسكر
ومره بالواتس قال انا عيوني تعورني من الجوال انتي ما تتعبين المهم مشيت الموضوع عادي وقلت ريح عيونك ويلا باي
وقبل يومين واحنا نسولف عادي ونمزح قال انا زعلات ويلا باي بروح الدوام وماراح اكلمك الا بكره >هنا انا عصبت خير على كيفه .. بدون سبب المهم خليته جا بكره صبح علي .. رديت يبي يسولف ماعطيته وجه وجا ثانيه ولا عطيته وجه واليوم المفروض يكلمني ولا كلمني لان لي من امس ما ارد على كلامه الا بفيسات لانه قهرني اسلوبه ..حسسني اني مضايقته .. حتى لين دقيت عليه يقول هاه وش عندك بمزح بس خير يقهر ..
انا قررت اني ما اكلمه ولا احاكيه واخليه ولو دق ما ارد بس مدري كيف اعلمه عن اسلوبه معي وغلطته... وعلى فكره الحين يمكن لي شهر مملكه صح يقول حبيبتي وقلبي بس ما احس اني فعلا حبيبته احيانا افكر انه كذا اسلوبه واحيانا اقول يمكن مايعرف يتعامل مع البنت بس مدري هو طيب ومزحه احيانا ثقيل وشغله كثير بس انا خطيبته لا يحسسني بكذا اني ثقيله انا والله ما ادق عليه تخيلو الا لما قال انه تعبان دقيت عليه وقال هاه وش عندك صح كان يقولها باستهبل بس اول مره ادق قهرني ..
كيف اتعامل معه انا لي يومين ما كلمته واليوم ما كلمني ولا كلمته ولا حتى دق انا ماراح ادق ولا اكلمه بس كيف اوصل له انه هو حسسني باني ثقيله عليه وانا ما ارتاح مع احد يحسسني بهالاحساس محد مجبور ..
اقترحاتكم لان ماعندي خبره في هالموضوع ولا اقدر احكي لاحد مدري انا مكبره الموضوع ولا معي حق .. انا اشوف المخطوبين حولي 24 ساعه مع بعض انا اتحمل مزحه ونرفزته واستهباله ولا اعصب ولا ازعل بس خلاص طفشت انا ابي احس بمكانتي عنده وسحب علي مير
ولاحظو ان كلامنا اغلبه واتس واذا كلمني فون للحين استحي لان مكالماتنا قليله ..

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

اهلاا وعليكم السلام..

مبارك علينا وعليك بالخير والبركة..

والف مبروك الملكة... ''
اما عن الشب الحلو.. شكله متعبك..

طيب بسألك اول..
هو لما يكلمك.. يعرف يتكلم رومنسيه وكلامه كثير او قليل؟
هل لما تكونوا تتكلمون واتس.. بالساعات او اقل؟
هل تكونين مبادره بالرسايل له؟ وهو كيف يراسلك بالبدايه؟
..
بعدهااا اقولك'

__________________

::
♤¤ مااضيق العيش لولا فسحه الأمل ¤♤
::

المراسلة في الواتسب او غيرها ما تكشف لك انطباع الشخص الي قدامك
ممكن تكشف لك حوالي 60 ٪ كذا
عشان كذا هوني الموضوع
و قولي له ترا انت تحسسني اني اثقل عليك و كذا و كذا
و قولي له الي بقلبك
و انتي لا تدققين كثير في المراسلة
ترا بعض الشباب يحب الاستهبال كثير
موفقه

والله لما اتذكر مواضيعي مع زوجي ايام الملكة أقعد أضحك .. باقي قدامك مشوار حبيبتي..

الله يتمم لكم على خير...

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

شكله خطيبك بخيل أجل واتس ها ومكالمة مرة بالأسبوع كويس ما قالك نزلي برنامج لاين عشان نتكلم بلوووشي 😅😅

حبيبة قلبي لما يكلمك مرة ثانية قوليله أنا سوالف ع الواتس ما أعرف أقول ولا أحب أكتب إذا تبغى تطمن علي رقمي مسيف عندك وبالمرة اعملي نفسك بطيئة في الكتابة عشان يعاف الواتس معاك 😅 .. مو شرط 24 ساعة يجلس ع السماعة ساعة يوميا ماراح تخرب بروجرامه !

بعدين الواتس ينفع للسوالف مع الأهل والصديقات مو خطيبك اللي لسه بتستكشفيه ! غيير كذا الكتابة عمرها ماتوصل الإحساس ولا توصل الشيء بالطريقة الصحيحة مهما إستخدمتي إيموجي .. أحيانا أكلم حد ع الواتس وأكتب كلمة وانفهم غلط مع إنه لو قلتها له كلاميا ماراح يزعل هالشخص لأن نبرة الصوووت لها دور كبييير 😊

بما إنكم توكم مملكين فأعيدي ترتيب البروجرام اللي هو حاطه لكم، لا تضيعي هالفترة في مكالمة مرة في الأسبوع وطقطقة ع الواتساب ..! ما أقولك الواتس لا بس مو هو وسيلة تواصلكم الأساس .. 😊

وإذا هوو ساكن بنفس المدينة خليه يزورك أسبوعيا عشااان تتعرفي عليه أكثر .. وخليك نبيهة وحاولي تعرفي أطباعه وتدرسي شخصيته لا تضيعي فترة الملكة بس في كلام فاضي يتبخر من الصباحية 😅 ما أقولك خليك ثقيلة دم لا .. كوني ذكية ساعة دلع وحب وساعة جد 😘

بالتوفيق ..

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

الله يبارك فيك
لما يكلمني فون لا مافيه رومنسيه نادر ماذكر اصلا
اما كلام عادي ايه نسولف ساعتين او ثلاث

بالواتس كل يوم دايم حتى بالدوام يكلمني واتس وعلى فكره دوامه طويل حتى باليل عنده دوام

المبادره انا قليل اروح اكلمه لاني ادري انه بالدوام ومدري متى يفضى اما اوقات اللي اعرف انه طلع عادي ابادر بس هو اغلب كيف عادي يدخل ويسال او مزح نفس العاده وهذا الغالب (انا ارسل رساله نصيه رساله شعر او غزل او تصبيحه في هذي انا اللي ابادر دايم ومايجيني رد منه ) الا اذا كانت تصبيحه

لان احيانا اذا كلمته واتس وهو بالدوام مايرد الا لين طلع وجا ينوم يجي يقول تصبحين على خير ولا يرد على كلامي

بس سالفة مكالمات ماعرفه الا بالاسبوع مره مااحس باهتمام لان اغلب كلامه عن اشياء عاديه واول مكالمه قال انه مو راعي واتس ولا مكالمات

ملاحظه * هو يقول انتي بالواتس غير المكالمه يعني بالواتس جريئه وبالمكالمات استحي >>>>احس طبيعي دام ما تعودت عليه حتى هو مو جريىء

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

وانا عشان كذا متضايقه وخاصه انه يقول تعرفين مع العشره .. مو معقوله اجل ليه فترة الملكه !!
فكرت اقوله .. اللي ببالي بس انا مابي اهتمام مصطنع ابي من نفسه يعرف او طريقه ما تبين اني اطلب هالشي
لاني احسه يحس بضغط لو اطلب يكلمني فون دايم مع اني ما قد طلبت ولا لمحت

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

لا مو بنفس المدينه وهذا اللي مصعب الموضوع يعني غير انك بعيد يالله تكلم !!
ما احس انه بخيل لانه ما يقصر والله
بجرب بس هو عنده الرجال يكتم مشاعره مدري من علمهم هالحركات لانه مره قالها
وادري انه يغليني من اشياء يسويها بس ما قد اعترف لي ..
انا معد كلمته واتس كلمني ولا اخذت وعطيت بس ارسلت رساله نصيه عشان يدري ان السالفه مو زعل بس مابي واتس
افكر اصارحه بس انا ما احب طلب الاهتمام اكره شي عندي
لاني ادري بتعوف نفسي هالاهتمام
مدري كيف ابين له ان هالشي ما يكفي عشان نتعرف على بعض
بجرب طريقتك بدون ما اتاخر بالرد لانه جربني وانتهى بمسألة الواتس

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

الله يسعدك
ههههههههههه ياشيخه الله يستر بس المشكله دايم يقول الله يعينك علي عشانه مو رومنسي مدري ليه كذا .. الله يسخره لي بس
و الله يوفقك ويسعدك و يسخر لك زوجك

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

عادي صارحيه اخبطيها بوجهه مثل الطابوقه ههههههههههههه

قولي له بالواتس انت ليه ماتحب تكلمني

وعددي له المرات اللي يصرفك فيها وان هذا اللي فهمتيه

وبطبيعة الحال الزوج بفترة الملكة دائماً يتقبل الملاحظات ويكون هادئ

بعد الزواج راوغي باحترافيه ووضحي اللي يضايقك اما الآن اشوف الافضل تصارحينه