.. اشكركم اخوتي الاحباء لمشاركتم لي بذكرياتي .. حفظكم الله من كل مكروووه

السلام عليكم حصه..

أنا اليوم وأنا أفكر جتني أفكار لأن من جد قلبي عليك..

‏~شوفي عزيزتي ليه كل أسبوع تخصصين يوم أويومين تعزمين فيه خواتك المتزوجات وأولادهم
وتنادين ابوك ,,,وتعيشون مع بعض يوم حلو أوحتى جزء يوم جمعه على وجبة غداء أو عشاء يعني تعويض بسيط عن لمة العائله..

‏~وبسألك حبيبتي ابوك وين عايش,,ليه ماتروحين له أنتي وأخوك ثلاث مرات بالأسبوع وتاخذين معك الأكل الي يحبه ,وتقعدون معه وتوسونه يمكن كذا يبدى يتعود عليكم ويرجع للبيت..

‏~وبعد حسيت أخوك يحتاج لوسط عائلي بمعنى ,,حاولي تطلعينه كذا يوم بالأسبوع للأماكن الي يحبها,, بس مو لحالكم مري أولاد خواتك وخذيهم معك وأذا خواتك بعد يروحون معكم بعد أفضل..

للتوضيح عزيزتي



اثنين خواتي من الوالد من بنت عمه مطلقنها .. كبار ومعرسات وعندهم عيال
وحده بالكويت
الثانيه في العين مع عيالها خليها على الله


من امي وابوي

3 بنات
3 اولا د
غناتي فديت روحج انا ابويه يوم يقعد معانا كله ساكت او على الاخبار مايرمس بشي
وبعدين جربت اطبخله كل يقولي حلو بس موب احلى من المرحومه الغاليه يقصد امي
او انه تحصلينه في مزرعته مايفارجها وين الغنم .. والا مسافر ...

واخوي ذياب المتوسط هذا الله لايراويج وايد قريب من المرحوم بطي الحين لو اجوفينه حياته طول الاسبوع يدرس بالعسكريه فطبيعي يكون في السكن
ويوم ينزل مايقعد كله الصناعيه او مع ربعه في تل مرعب وهالسوالف عندكم يسمونه هجوله وفي ايجازاته يسافر مع ربعه يسيرون العمره وقطر ويسير الكويت يسلم على وحده من خواتي هناك في الكوييت
مايحب يقعد ابدن

انا سافرت الكويت مع اخويه الصغير بروحنا عند اختي كذا مرة بس احس انا مثجلين عليها ..
اختي اللي اكبر مني كله بشغلها وريلها او مسافره شغلتها حساسه مابطريها هني وكله مشغوله يعني باختصار
واخوي سافر معاها كذا مرة بالايجازات بس ..

اما اختي الثانيه في العين مع زوجها طول الاسبوع تدرس بالجامعه صعب تيينا واخر الاسبوع تحصلينها مع ربيعاتها
او مع خوات ريلها
ومرة اخوي خليفه طلع معاها ومع ولد ريل زوجها بعمر خليفه 14 .. ورد من وهو يصيح يوم عرفت السالفه


سالفه سخيفه خلتها تجرحه من غير لاتحس
والسالفه صارت وهم رادين بالسياره
وقفوا عند باسكن روبنز اخوي طلب ميلك جيك كالعاده يحبه
وولد اخو ريلها طلب ايسكريم عادي .. في السياره الولد غير رايه وسحب ميلك جيل من الكيس واخوي قاله انا طالب ها الولد منصور عصب قال انا باخذه ودز اخوي
راحت اختي تقول لاخوي يااخي ازعجتنا كل فانيليا بتموت لو ماكلت ميلك جيك

اخوي يته صيحه بس سكت قال ماابا اكل شي

والله العظيم الغاليه اخوي نزل وهو بجيبه دافع انا مااخليه يطلع من غير فلوس
رد البيت يصيييح وخبرني السالفه وانا طلعت في الليل معاه وخذتله ميلك جيك واختي من يومها مااحب اطلع خليفه معاها وفوق هذا تضاربت معاها وقالت عني راح اضيع اخوي بدلالي له

الغاليه انا اعرف اهلي واعرف وضعهم وماباالومهم
الغاليه كل واحد طلعله ظرووف الله يعلم فيها



بس لاتخليني اندم اني شاركتكم حياتي .. انا ماباج تفكرين فيني وماباج تحملين نفسج هم مالج خص فيه

الغاليه فديت روحج ياغصه فراااق انا كسبت مخوة طيبه بمعرفتج ..

بس اذا على اهلي .. ترى ماالومهم بعد الكل يدور عذر يهرب من الوضع في البيت
بيتنا يخوف الغاليه يخوف
وكل واحد يحاول يهرب باعذاره ...


لج ارسل باقه ورد محمله باطيب الاماني لروحك الطاهرة

وبالنسبه لاقتراحج عزيزتي اطلع مع خليفه وامشيه بس هو يحب يتمشى مع ربعه بروحه وعيال اختي في العين مانشاوف الا بالمناسبات
انا وخليفه نزور امي وبطي ماتركناهم وهو بعد يذكرني اذا نسيت يقولي خلينا نروح ونقرى هناك وجي لازم اعلمه عشان مايقطعم ومرة لقينا ابويه هناك بالصدفه .. بس مانزلنا لين ماسار عنهم
ابوي كبير وحرام احسسه بالذنب قلبي مايطاوعني والله

عزيــــــــــــــــــــــــزتي ..

رحم الله والدتك الطيبة وأخاك وغفر لهمـــــــــــــا وأسكنهما فسيح جناته ..

عزيـــــــــــــــــــــزتي // الدنيــــــا هذا حالها .. سيرحل الأحباب عنا يوما .. وسيحل يوم ونحن من نرحل منها ..

أدرك مدى الألم والفراغ الذي تعيشين فيـــــــــــــــــــــــــه .. لكن عزيــــــــــــــزتي .. عايشي الدنيا بآلامها ومرارتها..

أوجدي لنفسك مساحة من الوقت .. أبعدي كل الهموم عنكِ .. كلما تذكرتيهما ادعي لهما بالرحمة

والمغفرة .. تصدقي عنهما .. وشاركي بالأعمال التطوعية الخيرية .. أدخلي على قلب والدتك السرور وكأنها معكِ ..

الوظيفة هو الحل الأنسب لحالكِ الآن..

لن يعود الماضي .. ولن يعود الأحباب .. تأملي النعم التي حولكِ .. أباك ما زال حيا .. لديك أخوة وأخوات ..

بيدكِ المال ولست محتاجة ولله الحمد ..

موضوعك ذكرني بأحد صديقاتي .. توفي أمها وأبوها وأخوها وأختها بحادث بذات اليوم .. وسبحان الله

شاءت قدرته أن تنجو هي من الحادث .. وتصحو وترى جثث أحبتها على الشارع وبالسيارة مضرجة بدمائها ..

عاشت سنين صعبة .. ولكنها واجهتها وتوفقت بدراستها ووظيفتها.. وقبل أسابيع تزوجت سعدت جدا

بزواجها .. ووفقها المولى بزوج محب صالح ..

أدعو لك عزيزتي .. أن يمن بالصبر على قلبك .. ويهدينا أجمعين لصالح الأعمال ..

__________________

‏~لاياغاليه لاتندمين ولاشي,,هي ليست شيلة هم بقدر ماهي رغبه بالتخفيف عنك,,وحب لمشاركتك,,ومحاوله لأيجاد حلول علها تخفف شي مما بك..
والمنتدى ماوضع الا لهذا الشي كلنا أخوه هنا,,نتقاسم مع بعض مايلم بنا,,

‏~بخصوص ظروف اهلك,,نعم قد تكون الدنيا بمشاغلها أخذتهم,,لكن هناك ظروف أقنعتني وأخرى لا..

‏~وبالأخير,,لاأملك لك الا دعاء بظهر الغيب..

حصه اسال الله ان يغفر لهما ويسكنهما فسيح جنانه ويجزاكم خير الجزاء على صبركم ويجمعكم في جنات النعيم وجميع موتانا وموتى المسلمين حصه حطي ببالك انه مافيه احد هنا الا وفقد له عزيز وغالي عليه وكل انسان يشوف مصيبه غيره تهون مصيبته وهذا ابتلا من الله سبحانه المؤمن مبتلى كل حسب ايمانه فيه ناس اعرفهم توفت كل العائله ومابقي الا شخص واحد من بين ثمانيه افراد وغيرهم كثير ...... حصه بسألك سؤال اذا هذا اخوك اللي بالصوره الرمزيه اذا ايه اتمنى تغيريها لانه تجدد الاحزان لك حبيبتي

الغاليه هاي صوره ذياب المتوسط .... بروايج صورة كان في مسيره قطر بس بمسحهم عشان مابا حد من ربعه يجوفهم موب حلوة بحقه
المشكله ماشي رسايل خاصه والا دزيتهم لج

والادراه الله يسامحهم مطرشه رساله من يومين محد رد عليا يمكن مشغولين
المهم حياتي اشكرك لكلماتج ومواساتج ..
عزيزتي
وان شالله لحقتي اجوفين صور ذياب لاني مسحتهم ..

حصوص حبيبتي لا والله مالحقت اشوفها الله يرحمه ويرحم امك وجميع موتى المسلمين