السلام عليكم ورحمة الله وبركاته

مساء الخير

آلحمدلله ربي رزقني من الضمان الاجتماعي 9000ريال
وصرفتها في ملابس وعطورات وكريمات غاليه الثمن واشياء كثيره كانت تلزمني لشرائها
إخوي سألني وعلمته بكل اللي شريته
قال انتي مبذره وأمي الله يحفظهإ نفس الشئ زعلانه وانا أشوف معها حق
توقعت إخوي بيساعدني في تكلفة العمليه وموعدها بعد شهر لأنه وعدني بيساعدني
لكن أختي الصغيره زل لسانها بدون قصد وقالتله إني استلمت من الضمان
مشكلتي الحين ماعرف أجمع أبدا أحب ادلع نفسي
صرت أنزل السوق وقبل مأادخل اقرأ دعاء دخول السوق واشتري
أحس بجرح وهم عظيم والم بداخلي مايعلم فيه إلا رب العالمين من الشئ اللي صار لي



كيف اقنع إخوي يساعدني أو يمشيلي مصروف شهري أو على الأقل يساعدني في تكاليف العمليه أو يوظفني لأنه عنده واسطه قويه الحين أرحم أمي لأنها شايله همي وودها إني متوظفه عشان أغني نفسي وعيالي

اللهم إني وكلت أمري لك فكن لي خير وكيل
لا إله إلا الله

آرائكم أتقبلها بكل رحابة صدر

__________________
《اللهم استودعتك أطفالي الذي لا تضيع ودائعه》

يا حبيبة قلبي
ربي يسر امورك ويغنيك من فضله عن منه الناس
ربي يسر امورك حبيبتي
ويجبر بخاطرك


انا مشغولة كثيييييير مع ضيوفي
لكن ما قدرت اقرا ردك وما ادعي لك.
(((((((سرقت كم دقيقة اشوف اخبار اهلي هنااا. ))))))))




ان شاء الله الاخوان والاخوات يساعدونك بعد الله بنصائحهم


ولي عودة ان شاء الله

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

اخوي الكبير قبل طلاقي وعدني انه يوظفني وقالي مستحيل أعطيك قرش واحد
وانتي على ذمة أبو عيالك إذا وظفتك الفلوس تروح في يده ويحظه في خرابيط
قالي انسحبي وماراح اتخلى عنك واخلف وعده وكاتمه كل شيء في نفسي

__________________
《اللهم استودعتك أطفالي الذي لا تضيع ودائعه》

[QUOTE=دوندرمه;2907910]يا حبيبة قلبي
ربي يسر امورك ويغنيك من فضله عن منه الناس
ربي يسر امورك حبيبتي
ويجبر بخاطرك


انا مشغولة كثيييييير مع ضيوفي
لكن ما قدرت اقرا ردك وما ادعي لك.
(((((((سرقت كم دقيقة اشوف اخبار اهلي هنااا. )))))))
اللهم أمين
الله يسعدك يكفيني دعواتك الطيبه اللي طالعه من قلبك الطيب
إنتي أختي اللي ماشفتك ولاعرفتك لله لإيحرمني منك

__________________
《اللهم استودعتك أطفالي الذي لا تضيع ودائعه》

كيف بيساعدك .. و هو شاف المبلغ الي استلمتيه صرفتيه على امور

هي بنظره .. من الكماليات ..

الصراحة ..

كان الاولى بك الاحتفاظ بالمبلغ للزنقات ..
و خاصة انه اولادك ماحد بيصرف عليهم ..

.
.

اطلبي من اخوك يبحث لك عن وظيفة ..

بس صعب تطلبي منه مصروف شهري .. خاصة بعد ما شاف انك بسهولة صرفتي المبلغ
على اشياء ماهي مررررة مهمة ..

كلنا نحب ندلع نفسنا و ما نحرم حالنا ..

لكن لازم نكون قدر المسئولية اللي على عاتقنا ..

مره ندمت أختي روح الطير لأني صرفتها في غير محلها
حتى إخوي يقول 1000عندي مثل الريال ماتهمني ويصرف فلوسه وانا ابدى من الغريب
والأقربون أولى بالمعروف والله لو عدوي احتاجني أعطيه عيوني
أختي الصغيره قالتله كل يوم نشوفك تساعد غيرنا وموب محتاجين أكثر من أختي وعيالها
الله يزيده بس المفروض ماينساني
شاكره لك ردك ونصيحتك المره هذي درس لي

__________________
《اللهم استودعتك أطفالي الذي لا تضيع ودائعه》

الله يسخره لي ويرزقني من واسع فضله ويغنيني بحلاله عن حرامه
متضايقه من حقي أعيش حياتي بما يرضي الله بعد ماستلمت
آلحمدلله في تحسن كثير في نفسيتي وشكلي

حبيبتي روح الطير
إخوي ماراح يوافق انه يوظفني
لأن أختي حاولت فيه يوطفها يالله بعد ماترجته وحاولت فيه وافق
وألا الآن ماراح يقدم أوراقها

__________________
《اللهم استودعتك أطفالي الذي لا تضيع ودائعه》

ماشاءالله من وصفك له .
انه مقتدر ماديا ؟

ليه طيب ما يساعدكم .؟

امك ماتقدر تطلب منه ؟

عمره أخوك مارح يتخلى عنكم بس هو يبي يعطيك قرصة أذن

حقك تدلعي نفسك بس اولادك اولى خاصة انهم في رقبتك

حاولي باخوك وقولي له يعطيك فرصة وانك بتكوين قد المسؤليه وبالأخير رزقك على رب العالمين وحده الجئ اليه ليسخر أخاك لك


الله يوفقك ويسعدك دنيا وآخره

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.