السلام عليكم ورحمة الله وبركاته

ابشركم اني خطبت ولله الحمد مطلقه وعندها بنوته صغيره ورحت خطبت رسمي قبل اسبوعين وتم القبول واتفقنا على كل شي وطبعا هم من الجماعه بس من بعيد وناس اجواد وطاروا فيني طير الله يسلمهم
وحتى المهر الاب رفض يطلب شي وقال انا ماابي شي ابدا وقالي ادري انك توك جاي من المانيا واكيد ان عليك ضغط مادي من السفر والعلاج
ورفضت انا وارسلت اخوها لهم وقلت اسألهم وش طلباتهم ورجع قال يقولون الشور شور ابونا
والحقيقه اني تمنيت انهم يطلبون لان كذا راح وش ماعطيتهم راح احس انهم برضو متجملين
وفعلا بعدها بيوم اتصلت على اخوها واعطيتهم 50الف وبعدها بيوم اتصل علي ابوها وقالي ابيك وجيته وقالي ياوليدي هذا واجد وانت وراك مصاريف ورجع 30الف ورفضت وجلس يحلف ومن هالكلام حتى اخذتهم
وقالي حتى العرس مو لازم واتفقنا يوم الاربعاء الجاي عشا عادي و تتم الملكه واخذها من بيتهم
الحقيقه بالرغم انها من جماعتي وعندنا مافيه نظره شرعيه ولكن بعد تعامل اهلها والله لو هي اشين خلق الله راح تكون بعيني قمر
والحقيقه اني من زمان ماصرت مرتاح لشي مثل ارتياحي هالمره اسأل الله التوفيق
واللي حريص منه الحين ان مافيه احد يدري لان اذا وصل الخبر لطليقتي راح تحاول تخرب الموضوع


تم الزواج الرد 56

http://66n.com/forums/showpost.php?p...0&postcount=56