السلام عليكم و رحمة الله و بركاته

أنا عرضت مشكلتي من قبل و انحلت ..

الحين انا رديت لزوجي قريب شهر رمضضان .. كنت استغرب يطلع بعد الفطور و يرد وقت السحور !!
علاقتنا تحسنت بس كنت مستغربه منه..!

بيوم عيد الفطر اخترب فوني و هو عنده فون لشغله يقول حاطه فالبيت فيه باسوورد .. مره شفته يدخله و مانتبه لي ..

بيوم العيد قلت استخدمه اتواصل مع الاهل و منها فضول بداخلي ..

للاسف مسكته وشفت اللي ماينشاف بنات عالسناب و كلام و غزل كنت اتوقع انه يخون بس يوم شفت شي ثاني ..
كلمته وتم ينكر انه ربيعه مهكر الفون كله و انه يسوي هالشغلات هو ما يعرف لان بس يستخدم الايميل .. حاول يبرر و انا سويت نفسي مصدقتنه

علاقتنا وقتها ردت مثل العسل مافيه احلى منا ,,

تصير بينا خلافات و نرد .. المشكله الحين اني اشك انه بدا يرد صار ما يطلعني ابد ولا يحس فيني
ايي اشكي له اني ملانه من مقابله الجدران الوحده بتذبحني .. صار ييقول اني ما احس فيه و هو مضغوط وانا انسانه ما اقدره واني كله ابا اطلع و غيره من هالكلام

بالمقابل هو يطلع ويا ربعه ويسهر .. وانا مالي الا البيت صار لي شهرين ما طلعت الا بيت اهلي و هو عنده عادي مع انه كان غيير

واحس انه طفل عنده لعبه عالفون عليها طول الوقت و مسلسلات و افلام .. نحن نمر بظروف ما يفكر يتعب على نفسه يكد ينتظر الرزق يجي له عالجاهز اهم شي عنده راحته!!

احنا الحين متزاعلين و كارهه اكلمه او نتصالح ابا اشد بس ادري ما ينفع وياه .. بس تعبت منه صرت ما افكر الا بالطلاق

يمكن تشوفوا مشكلتي عاديه مو مهمه .. بس بالنسبه لي شي كبير


تم تغيير العنوان ليتناسب مع المضمون

غالبيتهم كذا سهر وأصدقاء وتاركينا بالبيوت

لكن ما جربتي تشغلين وقتك وتتركينه لما هو يدور عنك

حبيبتي انتي اطلعي مع صديقاتك وخواتك..مو لازم معاه ..اشغلي وقتك باشياء ايجابيه (قراءة كتب تحبينها-تسجلين في نادي-تطلعين تمشين الصباح)

هو اغلب يومه برع البيت فالدوام عقب يروح عند ربعه .. جربت اطنشه ف طنش ..

.

بالنسببه لطلعه شوي صعبه لاني انتقلت من منطقه اهلي لمنطقه ثانيه .. زوجي محد ف صعب علي اتنقل لين ما اطلع الرخصه بعد فتره

لا أنا ما قلت طنشيه قلت أنشغلي عنه يعني مثال :

جربي تسوين لك كوفي تروقين على الأيباد أو تطالعين فيلم كوميدي

يعني تبينين له أنك ماحسيتي بغيابه



جربي أنك تشغلين نفسك أتوقع بيجيك ركض

كل ماحس انك تتشرهين عليه وتبغين من وراه شي كل ما ابتعد عنك اكثر..بيني له انك مبسوطه بعالمك وهواياتك ..انشغلي عنه باشياء تفيدك وتسليك..وشوفي كيف بيركض وراك..حتى اذا جلس بمكان حطي له قهوته مثلا وانتي روحي بغرفه ثانيه واتسلي بكتاب او جهازك الكمبيوتر وبيني انك مشغوله ومو يمه..اقراي كتاب (تصرفي كسيده وفكري كرجل) جدااا مفيد