السلام عليكم ارجو منكم الراي السديد بمشكلتي متزوجه من ست سنوات لم تمر سنه م فكرت فيها بالطلاق لكن الان تعديت مرحلة التفكير للتخطيط و انا خايفه من الفكره زوجي برغم من انه انسان طيب و حنون الا اني لا اشعر معه بالامان في بداية الملكه سمعت من احدى القريبات انه كان ناوي يخطب بنت غيري و رفضته البنت طبعا جن جنوني لان كان معيشني جو اني حب الطفوله كيف بعد رفضته جا يخطبني !!رفض هالكلام و قال كذب و انا صدقته مرت اول سنه حلوه و حملت و كنت اقوله ابي اسمي ولدي ****هالاسم مميز و عزيز على قلبي و قليل جدا في مجتمعي كان رده وقت الولاده يصير خير انا جدا متعلقه بهالاسم المهم فالشهر الثامن تعبت فجاه جاني الطلق وخفت ورحت للمستشفى ونسيت جوالي فالبيت المهم طلعوني ع الترقيد ف زوجي عطاني واحد من جوالاته اللي فيه نت علشان اتواصل مع اهلي هم في مدينه ثانيه ورجع للبيت كنت تعبببانه و لا عندي نيه افتش جواله لكن دخلت الواتس ابي ارسل لخته تجيب لي اغراض اتفاااجى باسم بالواتس نفس اللي باسميه ولدي و انا متاكده زوجي م يعرف احد بهالاسم و دخلت ع الحاله و الصوره الا انها بنت بحثت بالنمبر بوك طلعت نفس البنت اللي كان خطبها ورفضته مع العلم انها متزوجه الان و عندها اولاد لكم تتخيلون التعب اللي جاني خوف الولاده و صدمه الخيانه كرررهت زوجي وللحين حاقده عليه طلعت من المستشفى ورحت لاهلي وانا مقرره الطلاق وولدت بالسلامه و لكل م سالني هاه بتسمينه ***"اتذكر خيانة زوجي و انقهر طبعا سماه زوجي اسم ثاني لان كرهت هالاسم كنت مقرره افضحهم لكن استشرت اختي وقالت اصبري وفكري زين راح تخسرين جامعتك و عطيه فرصه ثانيه رجعت له ع شرط يوضح لي كل شي و م يكذب علي لكن بدا بتاليف الكذب انه اخته تراسلها قلت كذب لان انا متاكده ان اخته نهائي مم تتعامل معها و لو كان صادق ليه غير اسمها بالاسم اللي مختارته لولدي!!المهم انا م صدقته لكن كنت ابي الحياه تمشي هالفتره تعب نفسيا وجسديا كان يكذب بكل شي و م يعلمني بشي شخصيته م حبيتها اهلها دايم قبلي بكل شي اهم شي اهله انا لو اموت عادي صار يدخل مشاريع و يخبي علي اكتشفت بالصدفه قلت ليش م تعلمني قال انتي تقولين ماله داعي وبتكثر ديونك علشان كذا بريح راسي قلت طيب انا م راح ادخل بس لا طحت بالديون لا تجي تشكي قال طيب و ع هالموال ثلاث سنين و هو من خساره بخساره حتى صرنا ع الحديده انا صابره كل الفتره ع امل يتغير لكن للاسف نفس الشخص اللي تزوجته قبل ٥سنين م اتغير الا للاسوا م يحب اطلع يغار بشكل مجنون حابسني فالبيت انقطعت عن العالم يحش بي عند اخوانه هذا الشي عجزت اهضمه خييير يقول لاخوانه عن مشاكلنا احس طابت نفسي منه كلمت عن الطلاق قبل كذا يقول بتحسين بقيمتي اذا اطلقتي ؟؟يعني انا ماني صغيره فاهمه وعايشه مع مطلقات و عارفه المعاناه وادري شي مو سهل بس يمكن ارحم من حالي الان الان ولدي كمل خمس سنين و الي الان م حملت لاني اخذ حبوب مانع زوجي دايم يسوي مشاكل يبيني احمل لكن انا رااافضه اولا ماني قادره اسامحه واحسه كذاب و ما يعرف يتفاهم اقوله انا مفروض ازعل انا اللي يروح عمري م حملت بسببك لو رجل صادق و مو معيشني بفقر كان حملت انا الحين ٢٨ اذا صار عمري ٤٠م عاد احمل وانت لو يصير عمرك ٧٠تقدر تجيب عيال يعني انا مفروض ازعل
مشاكلنا شبه يوميه تعبت من الفقر و لو ديون ع شي يسوى بصبر وانا صابره لكن كنت احذره من المشاريع م يعطيني وجه وهاذي النتيجه اهله يتدخلون بكل شي واكثر شي موضوع الحمل وهو ساكت الان طاااابت نفسي منه و بديت اخطط لطلاق اول شي تخلصت من اغراضي الخاصهة ملابس و اشياء م احتاجها رميتها بالزباله اخذت اوراقي و اوراق ولدي المهمه و حطيت اغراضي المهمه ع جنب باقي البوم الصور افكر احرقه مابي اخذه مع لاهلي م ادري كيف اخبر اهلي!!زوجي قلت له لكن م اعطى الموضوع جديه مفكر انه مثل كل مره اروح شهر وارجع له !ابي نصحيه كيف تمر هالفتره بسلام الان باقي ع سفري لاهلي اسبوع هل افتح موضوع الطلاق مره ثانيه ام اسكت لحد م اوصل لاهلي ؟؟؟؟

تم تعديل العنوان ليتناسب مع الموضوع