مادري من فين ابدا بس الامر كل مره يزيد
صاير زوجي يتضايق من تصرفاتي مره
وكم مره يزعل ولايكلمني
ويقول لما تتركين الخوف الزايد ارجعلك افضل من قبل
لان اللي فيك مرض تعدا مرحلة الخوف
السبب خوفي على اطفالي
ربي رزقني ب2بعد تعب وادويه ومستشفيات
انولدو خدج ماكملو 2كيلو وشفت معاناتهم مع التحاليل والابر
فاهتميت فيهم
صرت الشوف الحياه بعيونهم
ادبتهم وربيتهم افضل تربيه
ربي رزقهم جمال وهاديين وذكيين
ومااخليهم يغيبو عني
زوجي متضايق من هالشيء
يبغا ياخذهم معاه ويطلعو وياخذهم لاهله وعند اخوانه يقول ترا انا اخاف عليهم اكثر منك
بس انا ارفض اخاف عليهم مره
طبعا انا مااخليهم يتكلون علي اعلمهم يعتمدون على انفسهم واراقبهم من بعيد
بس مااخليهم يغيبو عني
حتى لما نروح مكان فيه العاب كهربائيه ويبغى يلعبهم
اضطر اقوله صاحب العبه يقول خطيره عليهم واجيب حجج عشان مايركبهم
فيني خوف كثييييير عليهم
ادري كل شيء مقدر ومتكوب لاكن ودي يخف الخوف عندي بس كل ماله يزيد

اخاف بعد على زوجي
لو طول مارد علي
او سافر لوحده
اوودقيت وجواله مقفل
وقتها اقعد ابكي خوف مو طبيعي

انا مااجيد لغة التعبير ولامن الناس اللي تشتكي
اتمنى يكون شرحي واضح
اقدر اقول مشكلتي باختصار هي
خوفي من فقد زوجي واطفالي او ان يصيبهم اذا

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

الله يعيننك والله
هالخوف يعاني منه كثيرين و فعلا شيء ينغص الحياة
انتي حصنيهم زين زين باستمرار و استودعيهم الله و عطيهم زوجك
او عطيه كل مرة واحد
وخلااص توكلي على ربك

يوه يااستنكار مااقدر مااقدر افارقهم

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

لازم تعودين نفسك
عطيه الكبير بالبداية لوقت قصير وزيدوه تدريجيا
الابن بالذات محتاج لابوه يتعلم منه خصوصا بهذا العمر
لان فعلا التعلق على وجودهم باستمرار يجيب الكآبة لو غابوا عنك فترة😥
و صحيا ماهو شيء طيب هذا التعلق.

هل حليتي مشكلة الخوف السابقة "التشنج اللارادي" اللي قبل سنتين تقريباً؟

ماهي الخطوات التي اتبعتيها لحل هذه المشكلة؟

__________________

اي نعم عن طريق عمليه جراحيه

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

اولاً يا آختى اذكرى الله
وقولى بسم الله ما شاء الله
لا قوة الا بالله تبارك الله


واحفظيهم بآية الكرسى
والاخلاص والمعوذات


وكذلك بالاذكار


وربى يحفظهم لك
ويحفظ اولاد المسلمين
جميا يا رب العالمين


كلنا مثلك
ولكنى بصراحة اشعر
ان هذه الآمور تزيد عندما
ابعد عن الله او اقصر فى
جنبه سبحانه


حفظ الله لك ابناءك
وجعلهم ذرية صالحة
وكل المسلمين يارب


اللهم آمين يارب العالمين

__________________

جزاك الله كل خير ابومريم
انا قريبه من الله واحمد الله على ذالك
وانا من ان كنت صغيره احافض على الاذكار
صارت جزء من حياتي والان هم يحفضونها

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

الخوف اللي يجيك ع زوجك واولادك بالضبببببط جاني بعد ولادتي واكتشفت انه اكتئاب مابعد الولادة
الحل بسيط وسهل وهو انك تحجزين موعد عند اخصائية تتكلمين معاها وتعلمك ايش تحتاجين
المرضوع مو توكل على الله او قوة قلبك او الخ من هذي الاسباب لانك تعديتي المرحلة هذي ،
طيعي شوري وروحي استشارة فقط اعجبك كملي ما اعجبك اطلعي من عندها
اكلمك من تجربة لان القلق كان يقتلني قبل يقتل غيري ، كنت اقوم من نومي مفجوعة ومقدر انام
متوترة وخايفة ومدري ايش السبب
محد يقدر يحس باللي تحسين فيه صدقيييييني انتي جالسة داخل دوامه لازم تتوكلين على الله وتشوفين اخصائية نفسية ..
انا صرفت لي حبوب طبية ماتسبب الادمان لمدة قليلة وقالت لي الحبوب مسستحيل تسبب لك ادمان لانها عبارة عن اعشاب طبيعية .. ومادققت بالموضوع ولا بحثت عن الموضوع
لكن الحممممدلله الف شفت الراحة وراح القلق والخوف وجالسة اعيش يومي بشكل طبيعي اللهم لك الحمد ❤

__________________
سبحان الله وبحمده ، سبحان الله العظيم

انبح صوت امي من كثر ماتتكلم معي ومافي فايدة
قالوا اقري قران ومافاد
قالوا استودعيهم الله وبرضو مانفع صار يجيني هاجس ان هذي منية بنتي وربي بياخذ روحها
قالوا اشغلي نفسك برضو بعز انشغالي افكر وابكي واترك اللي بيدي
محد كان فاهمني لا امي ولا زوجي ولاصديقاتي
كنت احس بخوف مو طبيعي ، كان قلبي مقبوض طول الوقت كان حجر كبير فوق قلبي
كنت متوتررررة جدا .. طول الوقت
اروح لناس وتفكيري واحد :. بالموت
اروح لزواج افكر اقول اكيد بيشوفوني بعدين بيقولون هذي المسكينة اللي ماتت بنتها 😅
احس اني بكون ارملة وبيموت زوجي ، اذا قال لي كلمة حلوة بكيت احس بيمرت وبتذكر كلماته !
اذا جاء يقبل بنتي اقول قلبه حاس ان منيته قريبة وبيموت 😂
واذا رحت لاهلي وشكت امي من شيء قلت بسسس هذي اعراض ماقبل الموت 🤦🏻‍♀
لدرجة كنت اصلي واببببكي ياربي يارب خذ من عمري وعط زوجي ما اتحمل تكبر بنتي بدون اب !!

كنت امر بمرحلة قنوط ويأس .. وماكنا ادري ان هذا اكتئاب ..

__________________
سبحان الله وبحمده ، سبحان الله العظيم