السلام عليكم

ما رأيكم في الزواج من دار الأيتام ما هي الشروط والمتطلبات وهل يلزم إقامة حفل زواج وما هي تجاربكم أو معرفتكم بأحد تزوج منهم

أنا شاب عمري 28 موظف حكومي راتبي بين 6 و 7 الاف لي شهرين متوظف وطفح عندي الكيل ما أبغى أنتظر وأجمع أو أخذ قروض وأقعد طول عمري أسدد

وتشتكون من العنوسة شوفوا الشروط والمغالاة في المهور والدلع وتبغى شغالة
وتكليف الزوج فوق طاقته وتبغى شهر عسل خارج المملكة
رأسي صدع 😠😬

عشان كذا أبغى أتزوج من يتيمة أكسب فيها أجر وأريح رآسي من دلع كثير من بنات هذا الزمن

كل من لديه مشاركة ووجهة نظر فليتفضل مشكورا


تم تعديل العنوان ليتناسب مع المضمون

ليش لا تفكيرك سليم

شكرا على التأييد ورفع المعنوية

ياليت من عنده معلومات ما يبخل ما هي الشروط والمتطلبات وهل يلزم إقامة حفل زواج وهل فيه شوفة ونظرة شرعية وهل يمكن الاختيار او اختيار المواصفات التي اريدها
وما هي تجاربكم أو معرفتكم بأحد تزوج منهم وأي أراء أخرى نرحب بها

ولكم الشكر

على حسب ما اعرف ان فيه معونة منهم 60 الف ..
وانهم يتأكدو 100 % انك منت لعاب وناوي عشان 60 الف وتطلقها بعدها..

وغالبا هم يزوجونهم للايتام مثلهم لتطابقك البيئة والمعيشة والضروف..

فيه قرض الزواج 60 الف ريال تبدأ تسدد من بعد ستة اشهر من نزول القرض بقسط 700 ريال ..


وتفكيرك سليم 100 %

نصيحتي:
فيه جمعيات المساعدة على الزواج. مثل جمعية وئام بالشرقية، او مشروع ابن باز هناك فيه قسم التوفيق ويساعدو على ايجاد زوجة.. ليش ما تروح لهم..
بالعكس راح تلقى بنات كثيير يبون الستر وما اتوقع يبون مهور وطلبات كثيير. بالاضافة ان الجمعية تساعدك بالاثاث وشغلات كذا..

اضافة الى ان البنات يتدلعون ويبون شغالة ومن ذا..

غير صحيح.. مو كلهم يبون شغالة وسفريات.. اعرف من قريباتي بيوتهم كبيرة ويكرهون الشغالات . ولا يسافرو الا قليل وشاغلين وقتهم ..

والمهور كثيير منهم مهورهم حول 30 الف وهذي معقولة.. بالاضافة فيه عوائل مثل في القصيم العرس يكون على والد الزوجة..

جزاك الله خيرا وما قصرت
مشكلة اذا هم ما يزوجوا الا ليتيم ومثل ظروفهم واذا التأكد مني يأخذ شهور طويلة
انا ما همتني ال 60 الف الي يعطوها
واكيد مو كل البنات مدلعين بعضهم ينحطون على الجرح يبرى ويبون الستر لكن وين نحصلهم هذول وأيضا فيه كثير مدلعين

أخي عليك بالدعاء ثم الدعاء ثم الدعاء
وتذكر قول الرسول صلى الله عليه وسلم: «ثلاثة حق على الله عَوْنُهُمُ: الْمُكَاتَبُ يُرِيدُ الْأَدَاءَ، وَالْمُتَزَوِّجُ يُرِيدُ الْعَفَافَ، وَالْمُجَاهِدُ فِي سَبِيلِ اللَّهِ»

وعليكم السلام ورحمة الله وبركاته

اخي ايضآ يوجد بنات يتيمات كثير خارج الجمعيات ، مثل مناطق الاسكان الخيريه
يوجد بها ارامل لديهم بنات يتيمات ، ويوجد يتيمات لامعيل لهم الا الله ثم اخوانهم
ابحث هناك افضل ليتيسر لك السؤال عن الفتاه واخلاقها ودينها
اعرف شخص لاوظيفه ولابيت وضروفه جدأ صعبه
تزوج بيتيمه ( جميله ومتعلمه وهاديه جدآ ) من الاسكان لا اب ولا ام ، وافقت بعد مارفضه الجميع
وسكنت بغرفه عند امه والبيت مزدحم جدآ جدآ وكانت تخدم امه وتقوم بضيوفها ، وكانت امه تصرف عليهم
وهالسنه توظف وطلع بشقه ورزقه الله بنت من كم اسبوع ماشاء الله
وسبحان الله عشان وقفتها معه العرسان طوابير ع اخواتها ومو اي اي عرسان ، رجال متوظفين ومتدينين
توكل علئ الله اخي واحسن الاختيار
وعامل اليتيمه بإكرام واحسن لها انت وعائلتك

__________________







بين منطُوٓقّ لم يُقصَد ،
ومٓقٓصُود لمُ يُنٓطق ،
تٓضِيٓع الكٓثِيرٓ مٍن المحٓبة . . .


هديتك لخطيبتك ، النظره الشرعيه ، ليلة الدخله
تدخلات الاقارب ، اختيار شريك الحياه ، نصائح ذهبيه
تجهيزات وترتيبات شهر العسل ، مكالمات ولقآءت الملكة
هديتنا للمقبلين والمقبلات علي الزواج

مفضلة المقبلين على الزواج 2014

وإذا يتيمة .. ما تستاهل حفل زواج؟!!!

اللي يبا الأجر ما يبخس حقوق الناس.

__________________


اللهم طِيبَ الأثر .. وحُسْنَ الرحيل.

ياااكثرهن اللي يبغن ظل راقل ولا ظل حييطة .. وياكثرهن اللي ماعندها شروط بس تبغى تتزوج .

خلي أمـك تدورلك مزبوط لو من خارج محيطكم راح تلاقون بالهبل من النوعيات اللي كتبت عنها فوق ..

ماعندي فكرة عن إمكانية تزويج اليتيمات اللي في الدار .. بس أحب أقولك ترى حتى اليتيمة من حقها تتدلع وتتنفس وتشوف الحياة وليش مستكثر عليها .. إنت ماتبي الأجر يا يا آخي كون صادق مع نفسك تبي الرخص وهاذي هي الحقيقة !!

صدق أخوي يوم يقول أصحابه بالدوام يقولون اللي تجي ( برخص ترضى بالرخص الظاهر هاذي قناعة عند كثيير منكم يالشباب ) !!!

عموما الله يرزقك الزوجة الطيبة .. اللي تقدر ظروفك وتسعدك وتسعدها . وأعتذر لو كان كلامي قاسي .

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔