السلام عليكم
بصراحة أنا لا أجيد التعبير ابدا ويمكن من كلامي يظهرلكم الموضوع سخيف جدا بس ارجوا انه تركزوا عالمضمون اكثر .

الموضوع باختصار في بنت احبها جدا وناوي اخطبها بس يتعدل راتبي ( ان شاء الله في خلال سنة ) لكن هنالك عدة امور هاماني بشكل هائل :

البنت اكبر مني ب 6 شهور , هذا الشي مايفرق معايا تماما لكن نظرة المجتمع لها راح تسبب ازمة نفسية واخاف تسير مشاكل من هذا القبيل وكثرة الكلام عن هذا الموضوع من الناس يمكن يضايقني كمان شخصيا لكن انا فعليا مايفرق معايا تماما

البنت سمرا وقصيرة وانا ابيض وامي حلم حياتها تزوجني وحدة بيضا بعيون ملونة ( تبغى اولاد حلوين ) تقولي انت ابيض ووسيم ومهندس وطويل والله ماازوج الا البنت الي تستحقها ..انا أشوفه كلام فاضي بصراحة يعني انا احب السمار والقصر واحب البنت تكون كبيرة قدي يعني عشان اتفاهم معاها وزائد مرة وريتها صورة البنت على اساس انها ممثلة مشهورة عجباني وماعجبتها ابدا ..الناس قد يشوفوها مو حلوة لكن انا اشوفها أجمل بنت في العالم حقا أعشقها من قلبي وأتمناها والموضوع هاممني مرة مو قادر افاتح اي احد من اهلي .

اعرف البنت من 8 سنين البنت محترمة جميلة اخلاق رفيعة , اتكلم معاها تاخذ وتعطي بالكلام عقلها كبير واعية ومثقفة وماعمري في حياتي اتوقع اني اقدر احب غيرها نفسي اتزوجها اليوم قبل بكرة لكن مهموم احسها راح تنظلم معايا من اهلي ومن كلام الناس
وحتتغص عيشتنا .

الملخص :
مجتمع ...... البنت بيضة يعني خلاص لا يهتموا بشخصيتها ولا روحها ولا جمالها اذا كانت سمرا خلاص وكمان قصيرة والمشكلة الاكبر انها اكبر مني ب 6 شهور . يعني احس الموضوع راح يشكل ضغط هائل عليها : (

جد محطم وتايه , ايش اسوي ؟ ..

مستجدات
الرد 23
http://www.66n.com/forums/showpost.p...9&postcount=23

بينكم علاقة ?
صداقة او ماشابه

اكبر منك ب6 شهور عادي وماتحسب

لو خمس ست سنوات معاك حق تفكر
بس ست شهور ماتحسب ابدا ولا تقدم ولا تاخر

بس باقي الامور حسب عاداتكم وتقاليدكم

jnaa

اكيد في علاقة لكن في الحدود الضيقة جدا بسبب المجتمع

ملكة الآحساآآس
هي ماتنحسب بس اشوفها صعبة احد يتقبلها غيري يعني انا عمري 25 وهي 25 . أحس اني بدخل بصدامات عديدة , واخاف بالشكل الأكبر يكون فيه تأثير نفسي عليها يعني ظلم لها لأنه العادة عنا انه الولد في أسوأ الحالات اكبر من البنت بسنتين

طيب متى بدات تفكر بالزواج منها

انت اللي مكبرها ي اخي دامك الرجال تقدر تقنع اهلك بالحسنىبدون حتى م تجيب طاري


للمعلومية انا اكير من زوجي ب 6شهور وم عرفت الا لما ضافني ببطاقة العائلة وتفاجأت جدا،،


الان مستحيل احد يتكلم لي بهالموضوع لانو زوجي صارم فيه جدا ،، واللي بيفتح لسانه مزح يسكره !

ووحدة من الجماعة زوجته اكبر منه بشهرين كل ماشاف ناس ف بيتهم يروح يقول لامه تصدقي فلانة اكبر مني

كل اللي حولهم عارفين انو اكبر منه😑😐،،كأنو شيء عيب او مو كويس ،،



ع العموم اذا تبي البنت فعليا لاتجيب طاري ابد للعمر واذا احد ألتفت قول انا ابيها ولا اشوف فرق ،.



سكر افواه اللي حولك من الان تتسكر افواه المجتمع ،،

__________________




ربِ هب لي من لدنك ذرية طيبة أنك سميع الدعاء

فرق العمر بسيط وما يستاهل تعتبره مشكله عموما لا تذكره لأحد من اهلك ،، بعدين انت الرجل وقرار الزواج بيدك حتى امك تقدر تقنعها بالبنت حتى لو اخذ الموضوع منك اشهر وانا اشوف واحده تعرفها وتعرف اخلاقها وطريقة تفكير افضل مليون مره من واحده تخطبها امك وتكون شي مجهول ما تعرف هل هي مناسبه او لا ،، واذا ع البياض قول لأمك مو شرط يطلعوا الاطفال على لون الام ممكن يأخذوا لونك ،، بعد الزواج اذا هي عاقله راح تفرض احترامها على اهلك

أهم شئ انك ما تكون تحت تأثير الشهوة : )

الله يوفقك ويجعلها من نصيبك

الحب شيء جميل فعلا .


الأخ تكلم عن توافقه العقلي معها
من رحمة ربي اختلاف الناس عن بعضهم والحمدلله

ياخوي ..

عندي قريبي .. ابيض ماشاءالله و لون شعره فاتح
و أمه تبغى تزوّجه وحدة على مزاجها .. و وحدة عجبتها
بيضا و حلوة .. و عجبت اخته كمان

هو خطب وحدة - سمرا - سمار الهنود .. بس جذابة ماشاءالله
و حلوة .. بس من شروط الام انها تكون بيضا ..

المهم الرجال تزوج .. و الام كتمت مشاعرها
بس كانت مرات تفضفض و تقول ( سمارها مثل سمار الشغالة الفلانية ) و ليه ما قلتوا لي ..
بس الام ما تبغى تنكد على ولدها ولا تحسسه بشي و تخاف ربنا
بس تقول ما حبيتها .. لكن كانت ما تظلمها

في الأخير ..
الام توفت الله يرحمها .. و زوجة ابنها تدعي لها بالخير لانه ماشافت منها شي
و الرجال و زوجته هما الي عايشين مع بعض الان .. و هو مبسوط بها الحمدلله

القصد ..
انه انت الي في الأخير راح تعيش معاها - بقية عمرك -
لا المجتمع و لا والدتك ..

تزوج الي انت مقتنع بها

و الفرق بينكم عادي ..
ماهي قاعدة