صارت احداث كثيييير خلال الفترة اللي فاتت ..

اخر حدث اخر رمضان ..
كان فيها مد يد .. انا اللي بدأت وماني ندمانه ..

تصالحنا .. طبعا رجع باس راسي وحلف اني يحبني وانه وانه .. اعتذار ما تجاوز الدقيقتين ..

قبل مايسافر.. جلس عندي 3 ايام كانت على احسن ما يكون .. كنا نضحك ونخرج ونسولف .. لكن قلبي مجروح منه .. وماااااازال

العشره الايام الاولى من سفره تقريبا .. كان هو اللي يتصل عليا ويسأل وانا استقبل بكل ادب بدون اي عتاب .. يغيب يوم او يومين ولا اسأل..

مرا الصباح مرت علي كلمات جميله عن الصباح باليوتيوب ورسلتها له ..
شافها ومارد .. قلت بنتظر كم ساعه .. وماجاني رد..
كتبت له : تمنيت القى رد منك
قال النت بطيء وإذا بتمني لا ترسلي
قلت انا مامنيت انا تمنيت ترد لو بفيس
قال : خلاص لاعاد ترسلي باي
كتبت كلام كثير المفروض ما اكتبه لكن انفعلت .. قلت له انت حتى وانا اعبر عن شوقي لك تجرحني .. انت أساسا البعد عنك راحه.. وماراح اكتبلك ولا أرسلك شي حتى لو خرجت ماراح اديك خبر ..

طبعا حظرني.. تصرف سخيف معتاد عليه
نسيت اقولكم اننا اوقات نتزاعل ويطلع بالساعات الطويله ولا ارسل ولا حرف وبكذا تجنبت أسلوبه بالحظر .. لكن الظاهر اشتاق لهذا التصرف ..

طبعا زعلت مرا واتصلت عليه بالليل من جوال ثاني وقلت له اتصل ع جوالي ضروري وإذا تبغى تحظرني بعدها براحتك

اتصل .. كان كلامه اني انا الغلطانه وليش اكتب كلام كثير وانه من زمان قال مايحب الحرمه اللي كلامها كثير ..
قلت له طيب انت كالعاده تحاسبني ع ردة فعلي وماتشوف غلطك لكن ماصار شي ترى انا احبك وانت بلحظه وحشتني ورسلت لك وتمنيت ألقاك تحبني زي زمان
قال انا كيف احبك وانا بعيد ؟؟؟؟
قلت له طيب يلا متى ماصار النت تمام عندك كلمني بنتك بتشوفك .. قال طيب وقفلنا... بالله مو انتهى الموضوع ؟!

راح حظرني من جديد.. صراحه ما اكتشفت الا ثاني يوم لما كنت بطلبه فلوس .. عصبت .. اتصلت ع امه وسلمت عليه وسألتها عنه .. قالت والله مو موجود راح يجيب اهله بينكم خلاف ؟ قلت مو خلاف كلام بسيط ياعمه وهو كبرها .. لكن تعرفي ياعمه مانستغني عنه ابغى اكلمه .. قالت صادقه يا بنتي والله الحرمه مالها الا زوجها وووو لكن انا اكلمه ..

كتبت انا له ببرنامج الايمو اني ابغى فلوس ..

اتصلت بعد ساعه لقيته مرجعني لكن جواله مقفل ...

ثاني يوم الصباح حول لي فلوس .. جاتني رساله.. وكتبت لي بالواتس انه وحده من صحباتي اتصلت ع رقمي القديم وانه حول لي المبلغ وكتب باي وحظرني ..

اتصلت عليه من جوالي الظهر لقيته حاظرني .. كلمته من جوال اختي رد قلت له انا ايش سويت لك قال وانا ايش سويت لك ؟ قلت له ترى استحي اقول لاهلي انك حاظرني لانه مافي شي يستاهل تتعامل معايا كذا .. قال طيب خلاص انا اكلمك بعدين .. وسحب عليا ومازال حاظرني ..


بالايام .، غاب عني وماسألت .. لكن انه حاظرني كذا بدون سبب وربي شي يقهر

يحلف انه يحبني بالله هذي تصرفات انسان يحب ؟!

انا قلبي مجروح منه من زمان وأحاول اهدي قلبي ناحيته وارجع احبه زي اول .، وهو كل ماتقدمت خطوة رجعني خطوات ..



اللي يعرفوا مشاكلي زمان هما اللي يقدروا يفيدوني اكثر



ما صرت اتكلم عند اهلي عن مشاكلي حتى المضاربه الاخيره امي ماتعرف شي عنها بس من امس وانا زعلانه ليتني مارسلت له فيديو .. ليتني ما اشتقت له وتجاهلته ع الأقل كنت حافظه كرامتي ..

وانا عارفه اذا رجع بكلمتين منه ولا كأنه صار شي بالنسبه له .. لكن الان ماني قادره انبسط .. طول يومي استغفر واحوقل .. جمعات وخرجات وانا قلبي مو مبسوط ..،

جالسه افضفض .. واستشير . .

كالعاده خذوا راحتكم بالنصيحة لاتجاملوني



الان الان كيف اتعامل مع تصرفاته تجاهي ؟ احظره؟ ولا اتجاهله ؟ ولا ارجع اكلمه ؟

وإذا جا ايش الصح اللي اسويه استقبله بزعل ولا أدفن زعلي بقلبي ؟


صارت أشياء اكبر من هذا الموقف وتجاوزتها .. مدري ليش احس اني بطق والله


كالعاده كتبت بدون ما أراجع الكلام .. هذا اللي بقلبي بين يديكم .. كلموني نفسي قلبي يرتاح وبس

مستجدات الرد21

http://66n.com/forums/showpost.php?p...6&postcount=21

__________________