برأيي صارحيه بأكثر شيء من الثلاث أشياء مضايقك
وترين أنه ينغص عليكِ حياتك ويفقدك طعم الحياة معه.
لأن مصارحتك بالثلاث أشياء دفعة واحدة قد لايتقبله وقد يرى أنكِ تتصيدين أخطاؤه .
وبالنسبة لآخر شيء يضايقك منه، برأيي لايحتاج مصارحة ، المصارحة قد تجعله يجاملك وهو ماله خلق
أرى أن تفرضي نفسك بإختصار وتلزقي بالعامي
وقولي : ماوحشتك ، ما اشتقت لي ، وتدلعي واحضنيه واعملي اللي يريحك عاطفيا وفي نفس الوقت لا تتوقعي منه توقعات كبيرة

ابشري سمي
سأكتفي بموضوع النفقه فقط
وهو فعلا يكره العتاب ويخاف منه
ويعتقد انه باب للمشاكل
فامتنعت عنه تماما
الثالث ياحليلك مايحتاج توصينن
لأَنِّي اتعامل معه بعفوية مشاعري
لكنه كرهني بإسلوبه
ان هليت ورحبت وبانت فرحتي
فشلني وقال شوي شوي اركدي
وان جيت ابضمه قال انتبهي الروج
ولايسمح لي بضمه حتى يلبس قميص البيت
ان تعطرت انهبل قال فيني حساسيه الله يصلحك ليش
تحطين شاوريني قبل
ان شغلت المكيف قال برد طبعا هذا بالصيف
ومايطالعني ابد وانا اطق كل زيني ثم انقهر
انت تشوفني ناظرني شف زيني
يرد اشوف كل شيء
الله يصلحه بارد وفيه غفله شوي وخواف ع صحته مرررره
وكنت لما اركب معه أمسك يده يقول الناس
لما زهقت وطفشت وصرت جامده الا اذا هو بادر
جيته كلي مابادر بسلامته الله يحفظه
شيبوا بنا هالرجال الله يحفظهم لنا
ويجعلنا نشكيهم مانبكيهم
ويسخرهم ويرزقهم العدل

بحكم

مواضيعك السابقة

أظن الأفضل لك أن تفضفضي وترتاحي

بشرط في الوقت و بالأسلوب المناسب

لا تهدري وقت أكثر

وفقك الله

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

آمين واياك اخي محب

حتى هو حافظني صم يعرف اذا انا مرتاحه او بخاطري شيء لو مابينت

بحكم اني واضحه وضوح الشمس ويبان علي

انتظر الوقت المناسب وافاتحه بموضوع النفقه فقط

غيره أمره بسيط ان شاء الله

لا انصحك بالمصارحة
في وضعك المصارحة تعني عتب
والرجال يكرهون العتب واللوم
ثم لنفترض أنه وافقك ووعدك خير
ستدخلين بشعور اخر
هل يضمني لاني طلبت منه؟
او لانه فعلا مشتاق لي؟
وهكذا ببقية الامور

الافضل ان تغير المرأة زوجها
دون الحاجة للجلسات والكلمات
فموضوع النفقة مثلا
اطلبي منه مباشره مبلغ معين
او شراء غرض معين تحتاجيه
لو سألك عن مالك
قولي انك زوجته وبحاجته
لو رفض هنا اعملي جلسه مصارحة

اما جلسه مصارحة دايركت
صعبة
باختصار سيقول ليه ما قلتي؟
ليه ماطلبتي؟
انتي ساكته ماتكلمتي


كذلك سلوكه الغير لطيف
تجاهليه وافرضي سلوكك انتي
حتى يعتاد على سلوكك
يتبرمج عليه بعد فتره طويله
بعدها لو نسيتي يوم سيتذكر هو
بحكم الاعتياد


الله يوفقك عزيزتي
ويسخر لك زوجك

آمين واياك غاليتي أم روان
ويصلح شأنك مع زوجك ويردكما لبعض ردا جميلا
ويعرف قدرك ويضعك تاج ع راسه
لأنك تستحقين


كلامك أقنعني جدا ومناسب لشخصية زوجي
يكره العتاب والتشره كرها عظيما
وانا منذ لمست هذا الشيء بت اركز ع الايجابيات
وامتدحه بها فيسر ويسعد واتغافل عن مايضايقني لانها مازالت أمور الحمدلله بسيطه
ومقدور عليها دام الموده والرحمه والاحترام موجود بيننا
مشكوره حبيبتي

من ناحية النفقة .. انتي قولي له جيب معك كذا و كذا. ومتطلبات البيت
اطلعي معه للسوق واشتري كم غرض معه
شوي شوي حتى يتعود و تتعودينً
اما السلوك الغير محبب انصدمت😁بس هذا ..الاغلبية كذا.. عادي انتي عوديه مو تامرينه
اما ترجعين البيت عشان كذا والله ما يسوى😎
لكن الله يعينك لانك تتذكرين المتوفى رحمه الله و تقارنين هي المقارنة اللي تذبح لكن ان شاء الله بعد مدة بتندمجين جدا

هلا حبيبتي
صدقتِ مره ع استحياء طلبت منه أغراض للمطبخ

اقصد مواد غذائيه وأحضرها فورا

لكن ماعمري اصطحبته للسوق ع الاقل حتى الآن

اما السلوك ههههه
تخيلي استنكار نفسك من كم ساعه تضبطين
وتسنعين ولابسه لبس جديد وحلو ومسويه لوك جديد
وروائح عطريه تجنن
وكل ماتفعله الزوجه تجملا لزوجها
وفوق هذا قلبها يطير شوقا اليه لغيابه بعض الوقت
وتعلم علم اليقين انه بعشقها ويصرح بهذا دائما
لكن عند اللقاء يكون شخص اخر
تخيلي احس انه يستحي مني
مايحط عينه بعيني
مع انه حنووووون ورحووووم بس ماادري
مايجيك احباط وودك ترجعين بيت اهلك ههههههههههههه
لكن مثل ماقالت وحده من الاخوات
المفروض مااتوقع توقعات اخليها ع الله
ومثل ماتجي تجي وحسن التبعل لله ولمرضاته
ومثل ماقالت مبتعثه ادري انه مبسوط ومستانس بس مايعبر ابد
وعقب زواجنا كأنه ضمني خلاص وبدا يصير رسمي معي
وصارت علاقتنا احترام وتقدير بالمقام الاول

قبل شوي جتني رساله من زوجي ع الواتساب

فتحتها الا هي شيلة ياصاحبي

وهذي كلماتها

حيا الله اللي يغيب ويسرع الرده
اللي يجيني الا منه تباطاني

قلب يوده وحالي كنها القده
ودي بشوفه ودونه حوم عقباني

ياصاحبي جارك الله ويش هالصده
مهوب حق تولعني وتنساني

ان كان عندك حكى بي خامل السده
فأنت المصدق وأنا حقي وما جاني

أهرج على ما تورى والبخت بده
لا تستحي يابعد حيي وحياني


وانا اسمعها بدت دموعي تصب صب

وحسيت قلبي بيطلع من مكانه

هو حاسس ان فيني شيء وشكله قلق

رديت عليه

أحبك يابعد روح تعشقك

والظاهر ماراح أكلمه بأي شيء خلاص

تجي الدنيا وتجيب خير

ومافيه شيء يستاهل اخسر عشانه هالقلب الابيض الي يحبن

علما انه ماسألني مره ثانيه احتراما لرغبتي

في عدم الحديث
(ربنا هب لنا من أزواجنا وذرياتنا قرة أعين واجعلنا للمتقين إماما )

أثر راعي الشحنه مثل راعي الوسواس
لافزت شياطينه مع كل عصريه

على كثر مـ املك من صلابة وقوة باس
تبكيني الروحه ... وتفرحني الجيّه !!


الله يرحم فقيدك ياصاحبة السعاده ويجمعكم
في جناته يارب ويعوضك في رجالك خير


أنا أشوف ان الامور الثلاثة كلها ماتستحمل المصارحة
تحتاج كيد النساء بس ..

لعل أهمها النفقه وتذكيرك له بالنفقه بشكل صريح ومباشر يمكن يجرح رجولتة وكرامته ولعله فعلاً كان غافل وما انتبه والنفقه انت تقدرين تطلبين وتعودينه عليها ولاتستحين منها ابداً لأنها حقك شوي شوي مره اطلعي معه اشتري غرض مره وصيه يجيبلك شي وهكذا لين ينتبه


السلام الدافي والحضن فعلاً كبر سنه وطبيعته العملية تخليه ماينتبه ولاتاخذينها بحساسيه عادي انت ضميه وسلمي عليه واضحكي ووسعي صدرك

الباقي اعتقد انك اكثر ذكاء مننا وبتقدرين تسيطرين عالأمور بنجاح

الله يسعد قلبك يارب

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال