لحد الحين مارديت عليه لا اتصالات ولا رسايل ... يقول لي ...
ابوي زعلان ومايكلمني بسببك انتي مكبره المشكله ماكان يحتاج تكلمينه بس مو الغلط عليك الغلط علي يومني اتزوج وحده مو عاقل ومبزره مثلك تجي تتشكشك خليكي عند امك اذا كبرتي وانفطمتي ذيك الساعه تعالي

وبعد ساعه يرجع يراسل ... اعقلي وارجعي مافي شي يستاهل تزعلين كل هالزعل
وبعدين رجع سوالي حظر ... واليوم الصباح فكه .. وارسل لي صباح الخير
على باله إني بنقهر مثل اول على الحظر ... الحين ماصار يهمني شي
كان ودي ارسله ... ماني راجعه لو اموت ... ابيه يدري اني شايله فكرة الرجوع من راسي ... ومستحيل ارجع .. كرهته كرهت اسلوبه ...

__________________
-

فأجبر خَاطري .. بفيّض نعَمك ❤ ....

الحمد لله على سلامتك يااختي 🌺
وعوضك الله خيرا
دائما اسمع ان الاجهاض للمرأه متعب ومنهك لها ولنفسيتها
حتى أن الحمل والولاده اسهل من الاجهاض
هذا الذي اسمعه دائما من والدتي وغيرها
لكن لا ادري لأني لم اجرب الاجهاض والحمدلله
وزوجك ياعزيزتي لازم له درس
لأنه لم يحسن لك
وبإذن الله سينصلح حاله
أدعي ربك كثير
وارتاحي هالفتره
اعتبريها فترة نقاهة
وربي يصلح احوالكم ويهدي زوجك
لكن اذا امكن _ ليس اليوم _
تردي على رسايله
وتخرجي مابقلبك
وبيني له قوة زعلك منه
ولا ترددين كلمة كرهتك واكرهك
الله يلم شملكم ويهدي الجميع ⚘

سمورة حبيبتي..

احنا اتفقنا إنج مب غلطانة صح؟

هذا هو المهم فقط .. المهم إحساسج بنفسج ونظرتج وتقييمج لتصرفاتج.

عشان جذي لا تنساقين ورا المسجات وحركات البلوك .. لا تبينين أي رد فعل ولا إنج متضايقة أو حتى مب هامج .. ولا تبررين اللي صار مع عمج .. ولا تبلغينه بأي قرار حالياً .. تجاهلي رسايله تماماً تماماً ولا تردين بحرف.

للأسف مب كل الناس ينفع معاهم أسلوب الحوار الراقي والنقاش البنّاء .. في ناس تناقش عشان تنتصر وتطلّع نفسها هي الصح .. وللأسف زوجج من هالنوع.

عشان جذي أي رد منج بيعطيه مجال للف والدوران والبحث عن ثغرات عشان يطلّعج غلطانة .. لكن الصمت التام بيخليه يحس إنج خلاص وصلتي حدج وبإذن الله يراجع نفسه.

لكن طبعاً إذا عمج كلمج مثلاً فلازم تردين عليه.


ولا تقررين شي الحين يا سمورة .. بعدج منفعلة واتخاذ أي قرار في الوقت الحالي غلط .. اعتبري نفسج في فترة نقاهة وإجازة مفتوحة لكن لا تقولين لنفسج: مستحيل أرجع.

وحتى لو عمج أو زوجة عمج كلموج أو سألوج عن رجعتج ققولي محتاجة وقت عشان أرتاح .. إذا كنتي فعلاً لازلتي تحسين إنج محتاجة وقت زيادة عند أمج.

لكن مع ذلك وفي كل الأحوال استخيري دايماً قبل أي شي تبين تسوينه.

__________________


اللهم طِيبَ الأثر .. وحُسْنَ الرحيل.

اميين ... الله يسلمك حبيبتي ارواح ... جزاك الله خير ...والحمد لله على كل شيء ..، في الوقت الحالي مستحيل ارسل له ... شكرا لك حبيبتي ...

__________________
-

فأجبر خَاطري .. بفيّض نعَمك ❤ ....

وهذا اللي خلاني ارتاح .... اجماهكم اني مو غلطانه ... للحين يامهره مارديت على اي رساله ،،، حتى لما يتصل ما ارد ولا حتى اكنسل ... متجاهلته مثل ماقلتي ... ولا بخليه يستفزني بشي .... صحيح زوجي من هالنوع عشان كذا انا اللي اتعب وبالاخير احس نفسي بموقف غيي لما اتناقش معه ... عمي اتصل علي امس اللي بس يسألني عن حالي وإذا محتاجه شي ولا لا ...الله يجزاه خير ... ان شاء الله مابقرر الحين بتبع نصايحك حبيتي وربي يجزاك خير ... وأنا لسى محتاجه اجلس عند امي فترة اطول شوي ... شكرا لك حبيبتي مهره ...

__________________
-

فأجبر خَاطري .. بفيّض نعَمك ❤ ....

مساء الخير ... زوجي امس ارسل رسايل يقول انه بيجي ياخذ الصغار وقال لو تبين تجين معهم تجهزي باخذكم ... مارديت عليه .. قال اني بتطنيشه هذا حيسبب انفصالنا .. مارديت عليه .. قال اوك اخر محاوله بجي بكره او بعد بكره و بعدين لي تصرف ثاني وانتي اللي جنيتي على نفسك ... مارديت عليه ابدا ... عطوني نصايحكم الله يعافيكم .. اكلم عمي او اخليه يجي وماطلع له .. لاني مابي ارد عليه ابدا ولا اكلمه ولا اشوفه ...
امي درت بكل شي بس وصيتها ان محد من اخواني يدري .. وارتحت لما كلمتها .. قالت لي اني غلطانه لاني اعطيه مجال يستفزني بكل صغيره وكبيره .. وان المفروض اطنش ومدري ايش .. قالت خليه يجي نشوف يمكن بيعتذر وينصلح حالكم ... حاولت افهمها انه دايما كذا ويرجع يعتذر وبعدين يرجع باسلوبه ... تقول عطيه فرصه ...
امي مو فاهمتني هي اساسا تحب زوجي وتحترمه وتعتبره مثل ولدها عشان كذا تبيني ارجع له ... وانا مو مستعده ارجع له .. قلت لها برتاح شوي عندك ... وسكتت قالت براحتك ،،
ابي نصايحكم الله يعافيكم ويجزاكم الجنه

__________________
-

فأجبر خَاطري .. بفيّض نعَمك ❤ ....

الله أعلم هل هو جاد أم أنه مجرد تهديد وكلام فقط!

ولكن بصراحة يا سمورة أن ترجعي وهو يعتقد أنكِ خفتِ من تهديده فهذا أمر سيء.

على كل حال كلام الوالدة معقول .. انتظري لين يي وشوفي كيف الوضع بيكون .. وبناءً عليه قرري.

ولا تنسبن الاستخارة.

__________________


اللهم طِيبَ الأثر .. وحُسْنَ الرحيل.

الله يجزاك خير يامهره ... كلمت عمي يقول ايه احنا بنجي انا وولدي لانه هو طلب ويبي يجي يعتذر واعترف انه الغلطان .. كان ودي اقوله هو دايما يعتذر ويرجع بس ماكنت حابه اطول معاه .. ومالي خلق اتكلم ... ومابيهم يجون بكره ... لاني ماحروح معهم ... وحضرته ماوقف رسايل واتصل على امي واخواني يقولهم خلوها ترد علي ... بصراحه انا اول مره اقعد كذا ما ارد عليه .. عشان كذا قالب الدنيا بحركتي هذي على قولته ... وانا حالفه اني مارح ارد عليه الين يعدل اسلوبه معي ... ويعاملني كزوجه ... ويحسن معاملتي ويتكلم زين معي

__________________
-

فأجبر خَاطري .. بفيّض نعَمك ❤ ....

السلام عليكم ... عرفت انه يبي يجي لان عمي هو اللي اجبره يجي ويعتذر .. هو اللي قال لي كذا .. انه مايبيني بعد اللي سويته ذاك اليوم ... واني اهنته وحطيته بموقف ضعيف .. وان امه زعلانه مني .. قال كلام يقهر وربي .. استفزني كلامه .. مسكت نفسي ولا رديت عليه .. بداخلي نار بسببه ... وابي عمي يدري بكلامه ... وبنفس الوقت مابي المشكله تكبر ... هم بيجون اليوم باقي لهم ساعتين ويوصلون ... اقولهم اني ابي وقت ارتاح .. او اعلم عمي الرسايل او وش اسوي .. افكر اقول لعمي الموضوع واللي يصير يصير .. مو فارقه معاي

__________________
-

فأجبر خَاطري .. بفيّض نعَمك ❤ ....

طيب ليه جايين ياخذونك غصب انت توك اجهضتي والمفروض ترتاحين عند امك لهذا السبب بغض النظر عن المشكلة الي بيناتكم..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم