السلام عليكم ورحمة الله وبركاته
اببدأ بمشكلتي وياليت تساعدوني
بعد اربع شهور زواجي اختار خطيبي الشقه بالحي اللي اخترناه وعجبتني انا ماشفتها لكن على وصفه انها نفس المواصفات اللي بغيتها والحمدلله تطمنت من هالموضوع
كلمني بعدها بيومين قال انه غير الشق واختار الشقه اللي انا رفضتها من البداية وهو بعد كان رافضها خير شر وقدرت اسحب منه الكلام وعرفت ان فيه كم شخص بالعيله هم اللي خلوه يغير رايه
وانا زعلت ليش يغير رايه المشكله كان يقولي لو اسكن بالشارع ما اسكن بالشقه هذي لكن الموضوع انعكس فوق تحت طبعا انا سويت مشكله معاه وتهاوشت انا وخطيبي لكن اخرتها رضيت بالامر الواقع والحين يريدني اختار اثاث الشقه على ذوقي لكني رفضت وقلت له اللي غير رايك عن الشقه خله يكمل معروفه ويختار الاثاث
اهلي هاوشوني قالو انتي راعيه مشاكل اقصري الشر ولاتصيرين ضده وهو بعد خطيبي احسه تضايق مني
لكن اقنعوني ياناس كيف اختار اثاث لشقه انا لحد الحين مو متقبلتها ؟؟؟؟

__________________
سبحان الله وبحمده
سبحان الله العظيم

وعليكم السلام ورحمة الله وبركاته

أختي الكريمه

أنا أشوف أنه إذا كان خطيبك رجل صالح ويستاهل التضحيه ارضي بالأمر الواقع والحمدلله

إذا كان خطيبك يتقبل النقاش ناقشيه عن أسباب تخليه عن الشقه الأولى اللي اتفقتوا عليها اثنينكم ورجع للشقه الثانيه اللي كرهتيها وكرهها هو يمكن يكون عنده أسباب ما تعرفينها وتعذرينه بها

توكلي على الله واختاري الأثاث واسألي الله عز وجل ان يبارك لكم في هذا المنزل وان يجعله منزلاً مباركاً واطلبي من خطيبك أنه يشغل فيه سورة البقره كامله

والرأي راجع لك

الله يسعدكم ويجمع بينكم على خير

هل الشقة فيها عيب ؟
ووضحي له إنك ماتحبين أحد يتدخل بحياتكم وقراراتكم سواء من أهلك أو أهله ,

بصراحه خطيبي يستاهل اني اضحي على شانه واساسا كفاية اني تهاوشت معاه ولاعديت الموضوع عادي واساسا خلاص هو استأجرها ودفع العربون
وان شاء الله الاسبوع الجاي بيأثثها لكن خايفه اني اختار لااثاث واتفاجا انه يغيره مثل الشقه ؟
والله يستر

__________________
سبحان الله وبحمده
سبحان الله العظيم

الشارع والحي مو عاجبني ولاعاجبه كيف يغير رايه بين يوم وليله ؟؟
انا بينت له ان ماحد يتدخل بيني وبينه لكن من يطمن لي ان اثاث الشقه لو اختاره مايغيرون رايه ؟؟

__________________
سبحان الله وبحمده
سبحان الله العظيم

اتكلي على واختاري اثاث مملكتكوبدري عالمشاااكل بدري😲


"لو" تفتح عمل الشيطان


لاتسبقين الاحداث ولكل حادث حديث

__________________
اللهم احفظ لي زوجي وسخره لي واحفظ لي اولادي

أنا معك تصرف خطيبك وتأثير الغير عليه فعلا شي يضايق

بس مافكرتي يمكن يكون فيه سبب!

يعني يمكن أيجار الشقه الي بغيتيها غالي ولايقدر عليه وماحب يقولك..

لا أنا ماني معك ابدا في تركك تأثيث شقتك
شوفي يمكن مع الأثاث واللمسات الحلوه والتنسيق وذا تصييييير الشقه حلووووووه وتتقبلينها..

بس كونك تتركي تأثيثها وأنتي ماتبي الشقه يفاقم المشكله وبالأخير هذي شقتك ومملكتك بأمكانك بذوقك تخليها جنه..

الله يوفقك ويسهل أمرك..

مرحبا ...
كلامي راح يكون قاسي عليك شوي تحملي
صدقيني انا لو مكان خطيبك ... راح افسخ الخطبه اقول هذي من بدايتها قامت تشرط هذي الشقه مابيها وهذي الاثاث مدري شنو .... راح اقول لا يعمي اتركها وادور بنت حلال تبي الستر وتبي زوج يحترمها وتحترمها وتعينه ويعينها
انتي بارك الله فيك مالك شغل بالبيت ولاثاث هذا شي خاص بالزوج اهم شي يكون البيت مقبول وترا الحياه الزوجيه ماهي مظاهر الحياه الزوجيه تضحيه واتنازل واحترام بعيد عن الماديات ....

__________________

اهلن وسهلن اولا حابة اشكرك على الرد
انا اتفقت معاه على الشقه يعني نهائي ماتشرطت وكانت وجهة نظره مثلي الشقه الاولى ماتصلح
اما من ناحية الاثاث والله لو ينقصها اي شي مراح اطلبه ولا اتشرط عليه لأني عارفه ضروفه
اللي قاهرني بالموضوع ليه يغير رايه بين يوم وليله ؟؟انا منقهره من الناس اللي تدخلت بحياتنا والله يستر من اللي جااي

__________________
سبحان الله وبحمده
سبحان الله العظيم

اشكرك على الرد يعني هذا رايك بس والله كارهه الشقه خير شر

__________________
سبحان الله وبحمده
سبحان الله العظيم