مارايكم بمشكلتي هل الطلاق راحة - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

موضوع مغلق
قديم 30-06-2009, 05:21 AM
  #1
somastar86
عضو جديد
تاريخ التسجيل: Jun 2009
المشاركات: 43
somastar86 غير متصل  
مارايكم بمشكلتي هل الطلاق راحة

اختي متزوجة من ابن خالتي عمره 29 وماشي بال30 وهي 23 وماشية بال24 كل من يعرفها يعلم عنها جميع الصفات الجميلة الحلوة وكل الاهل يحبونها ويصفونها بالخير من امامها ومن خلفها ولا احد يشك في ذلك منذ ان اتخطبت له وهما في مشاكل كلنا قولنا كعائلة انها ستزول بعد الزواج لكن ماحدث العكس تماما هما اتخطبوا سنتين اعتقد ان قولنا شهر فقط منها حلو ابقي ببالغ لانه الحلو دايما مش بيكمل وبمجرد زواجهم من سابع يوم وهو بينكد عليها كل يوم ويخترع بالمشكلات حتي اللحظات السعيدة ينكد عليها فيها وكنا نقولها انا وماما اصبري بكرة يتغير ويبقي احسن وللاسف ظننا فيه طلع اسوء ماكنا نتصور تحول زوجها في المعامله من سيئ الي اسوء وكلما تزيد عدد الخلافات والمشاكل يتحول من اسوء الي اخطر من السوء لغاية مااختي خلاص وصلت معاها للاخر وقالت مش عايزاه وعايزة اطلق ودعوني اشكل لكم في نقاط شكل العلاقة منذ البداية بين العائليتين ايه
*خالتي اقرب واحدة لينا هي واسرتها كلها واحنا كمان اقرب الاهل ليهم وبنات خالتي ال3 اخواتنا واصحابنا انا واختي واخواتنا الكبار الولاد 2اصحاب جدا وجوز اختي واخويا اللي بسنه ليهم كلام ولعب مع بعض يعني الخلاصة علاقة طبيعية جدا وحلوة جدا جدا
*ابن خالتي اتجوز في بيت اهله بشقة خاصة فوقهم بالعمارة وكانوا بياكلوا الغداء مع بعض من اول اسبوع جواز في منزل اهله
*بصراحة العلاقة بين ابن خالتي واختي قبل الخطوبة عادية جدا يعني ازيك ازيك وبس من غير هزار او كلام في مواضيع او عن اي شئ تاني ,ولما خطبها مش عن حب او كلام مابينهم او اي شئ زي كده كمقدمات يعني خطوبة زي الصالونات تقريبا بس كمان هو اللي صمم عليها وقال انا عايز اتجوز دي ومفيش حد فرضها عليه من اهله
ايه بقي اللي مفجر موضوع الطلاق اقولكم بعض المشكلات:
1- معاملته ليها مش كويسة ابتديت بانت ليه بتحبي اهلك -هما مش بيحبوكي انت متمسكة بيهم ليه -وتدرجت انت لازم تحطي اهلي علي راسك غصب عنك وتدرجت للاهانة انت مش زوجة انتي لسه بترضعي من اهلك -غوري -تولعي بنار -انا هتجوز عليكي -انا هحرمك من اهلك وهسافر برة الدولة وهخدك معايا عشان ماتشوفيش حد منهم -انا هحبسك ومش هخلي حد يشوفك ابدا ..الخ من الفاظ بذيئة وجرح للانسانة اللي قدامه
2- امتدت الاساءة لمد الايد مش ضرب ده كانه عامل زي الغل النفسي كده بقي يحرك ايده علي خدها بقوة كانه بيضربها -يمسك رقبتها بشده -يشدها من ايديها ال2 ويرج فيها جامد ويزقها علي كنبة الانتريه او علي السرير مع انها حامل
3- لو تعبت يستهزء بيها لدرجت انه مرة كان بيقلدها وهي قاطعة النفس ويقولها انا اقدر اعمل كده وامثل تقوله تعبانة اتصلي بماما او خالتي ال2 لانها اقرب ليها بالسكن في الوقت ده يستهزء بيها ويقولها انا هتصل باابويا يجي يتفرج ولا اقولك اتصلك كمان بخالتي فلانة (البعيدة ) تجيلك وفعلا اتصل بابوه الاول ولولا ماخالتي قالتله اتصل بخالتك الصغيرة تجيلك لغاية مااجي لولا ماتصل فعلا وبعدين كلمنا روحنا عندهم قبل ماهله يوصله مع اننا كنا بنفس المكان وهما معاهم عربية ملاكي واحنا قعدنا ندور علي سيارة اجرة تجيبنا بس لما وصلنا لقيني وشها ازرق اقرب للسواد وكانها بتموت وقاطعة النفس اتريه سابها اكتر من ساعة وهي بالحال ده مش راضي يسعفها ولايجبلها حد يشوفها
4- كل مشكلة كبيرة وصغيرة يحكيها لابوه لدرجة انها لو طلبت خضار للبيت يقوله ولما يتخانق معاها ينزل علي طول ويزعق تحت ويقعد يشتكي منها ويزعق وبس بصوت عالي ويخبط في بيبان شقته ويعمل هوليله
5- قبل كده عمل مشاكل وهو اللي اشتكي منها وراح جاب خالي الكبير سنه 57 سنه يدخل مابينهم ولما سمع خالي منهم كل واحد لوحده اكتشف طبعا غلط ابن خالتي من تحت لفوق بس قال لاختي عديها المرة دي وانا هتكلم معاه ومع باباه ومامته عشان تبقي الامور كلها واضحة وفعلا حصل كده بس الظاهر هما دخلوه فاكرينه هيجي معاهم ضد اختي فمعجبش كلامه - وقبل كل ده اخويا الكبير كلمه وقاله ايه حق الزوجة والشهادة لله كمان كلمها هي علي حقوق الزوج لكن ابن خالتي عدي الكلام زي الهواء -وعمل مشاكل الدنيا بعد كده وماما كلمته بصفتها خالته طبعا مقبلش منها كلام فراح بابا ادخل بناءا علي كلامه اللي قاله انه هيكلم رب البيت وملهوش دخل بكلام الحريم ده (يقصد اختي وماما)وطبعا مقبلش بكلام بابا كمان لانه عايز شخص يوافقه علي فعله ويقويه علي سوء معاملته -فادخل عمه والحمد لله طلب من اختي تقول ايه طلباتها علي طول من غير دخول بتفاصيل المشاكل فهي حددت انه ملوش دخل بحبها لاهلها وميقولهاش اكرهيهم وكمان في الوقت نفسه ملهوش دخل بعلاقتها ببنات خالتها اللي هما اخواته -طبعا مايمدش ايده عليها بهزار ولا جد -ويتكلم معاها بطريقة كويسة ويبطل الالفاظ اللي بيقولهالها وعمه وافقها علي طلباتها دي وكلمه قدام باباه ومامته برضه وطلعه غلطان
المهم ابن خالتي ده بقي يعز النكد والخناق بقي يضرب كل الكلام عرض الحائط ومش عامل اعتبار لاي شخص كبير او صغير قريب منه ويتمادي بالغلط بالالفاظ والايدي اللي بيمدها علي اختي لغاية ما وصلت لاخرها مع اختي وسابتله البيت وقالت انها مش راجعه ليه وطالبة الطلاق
*-اختي بقالها 4 شهور عندنا مفيش شخص سال عنها منهم بستثناء خالتي طبعا بصفتها خالتي يعني سؤال طبيعي تقريبا في ال4 شهور 5 او 6 مرات بالتليفون بس اختي كانت حامل لا جوزها سال عن ابنه ولا ابوه ولا اخواته ولا عنها هي كمان وبدا مشوار الكبر والعناد في طلب الصلح من جانبهم احنا كمان بصراحة مابداناش بحاجة زي دي لانه هو اللي غلطان جدا ومن البداية واختي حست بالاساءة ليها ولكرامتها واحترامها لنفسها في مدي 7 او 8 شهور عاشت كزوجة معاه -المهم لما ولدت اختي ولما خالتي جات العيادة حبت تدفع فلوس العملية بس اختي رفضت وماما كمان لان الزيارة باتت عملية واجب فلوس وبس يعني شكل خارجي ومظاهر ولا حماها كلمها علي مدي ال4 شهور ولا لما ولدت ولا اي حد تاني منهم.
المشكلة بقي في كل اهلنا اللي خارج الموضوع بيضغطوا علي اختي عشان ترجعلوا او تبدي رضاها بعملية صلح وتنسي كل اللي حصل عشان ده ابن خالتها وعشان بنتها تتربي قريبة من باباها
طبعا اختي اتقهرت اكتر لان الناس جات عليها بمصلحتها النفسية والجسدية في الزواج ويقوللها استحملي وملكيش اي ضمان بعد كده انه يبقي كويس معاكي لو رجعتي - والله ده نص كلامهم
طبعا والله العظيم شاهد علينا احنا اسرتها كلمناها من البداية للنهاية وقولنا نحاول الاصلاح مع اننا نعلم ان الشخص الاخر اللي هو الزوج مش هينفع ابدا بس قولنا يمكن لسه في مشاعر جواها لكن هي رفضت وقالت لا انا اللي عشت واتبهدلت ومش هكرر الحكاية تاني وهي طالبة الطلاق بس لسه ماقولناش القرار ليهم واحنا كاسرة ماما واخواتي الولاد الكبار ايدوها بالانفصال لانه لاجدوي من المحاولات البائسة - لكن بابا نفسه ترجع بيتها ومش مشكلة تستحمل وخلاص او تقعد كده من غير طلاق طبعا عشان الناس او عنده امل .
انا ماقولتش ليكم ان جوزها سافر وساب الدولة كلها عشان يستجم قبل ولادتها بيوم مع انه عارف معاد الولادة وطبعا انا ماحكيت تفاصيل المشاكل ولااسباب ثورانه عليها لانها حاجة تكسف بجد
ومش عارفة ايه رايكم هي فعلا تطلب الطلاق ولا تحاول ترجعله عشان بنتها وتنسي نفسها وجرحه ليها
__________________
اللهم اهدي شباب المسلمين واجعلهم منصورين بالاسلام محافظين علي قيمه
قديم 30-06-2009, 06:19 AM
  #2
GREEN222
VIP
تاريخ التسجيل: Jun 2008
المشاركات: 11,121
GREEN222 غير متصل  
المره الماضي تركها مقطوعةالنفس ولحقتوها بآخر لحظه


المره القادمه ما رح تقدرو تلحقوها


هذا انسان غير سوي والله يعوضها باحسن منه


ما حد يقول تصبر

حراام هذا معقد نفسي ومجنون
__________________
http://live.gph.gov.sa/
اللهم اني استودعك اولادي
قديم 30-06-2009, 10:12 AM
  #3
فلهاوربك يحلها
عضو مميز
 الصورة الرمزية فلهاوربك يحلها
تاريخ التسجيل: Feb 2009
المشاركات: 1,043
فلهاوربك يحلها غير متصل  
خليهاتستخير
اوتدخل طرف خير بينهم

الله يعينهااويصبرهاا

وتستخيربالطلاق واوتاخذموقف وتزعل عشان يعرف قدرهاا

اوتكتب رساله وتقولهاا اويجلسون ويناقشون مشاكلهم

ياعمري كبري هي يارب فرج همهاوعوضها كل خيريارب
__________________
دعواتكم لي
الله يجزاكم خير
قديم 30-06-2009, 03:02 PM
  #4
*وردة الجوري*
عضو جديد
تاريخ التسجيل: Jun 2009
المشاركات: 32
*وردة الجوري* غير متصل  
انا من رائي انها تطلب الطلاااااق

لانه هالشخص مو انسان ولا فيه ذره من الانسانية

ويعتبر اختك صبرت عليه بما فيه الكفااااية

لو وحده غيرهااا كانت طلبت الطلاااق من زمااان

عيش كريم ولا تعيش مع شخص يذلها

اعتلي يانفس واعقل ياخفوق
.وارقدي ياعين وارحل ياهوى

بنصحك ياقلب لايطويك شوق
روحته مع جيته عندي سوى

من يحطك تحت لاتعليه فوق
ومن يحطك فوق يبشر لانوى

الكرامة مايوطيها امخلوق
والنجم لاطاح قالوله هوى
قديم 30-06-2009, 03:35 PM
  #5
أطيـــــــاف
كبار شخصيات المنتدى
 الصورة الرمزية أطيـــــــاف
تاريخ التسجيل: Apr 2008
المشاركات: 3,280
أطيـــــــاف غير متصل  
وفقكم الله

تم نقل الموضوع إلى( قسم المتزوجين ) مكانه الأنسب

الإشراف
__________________
سبحان الله و الحمد لله و لا حول و لا قوة إلا بالله
.

رغم كل الصعوبات ... استمتع بجمال الحياة ...

::
قديم 01-07-2009, 09:03 AM
  #6
somastar86
عضو جديد
تاريخ التسجيل: Jun 2009
المشاركات: 43
somastar86 غير متصل  
المشكلة انهم بيضغطوا عليها بحجة انه ابن خالتها وهي تستحمله او عشان بنتها تطلع تلاقي باباها عايش معها ببيت واحد وياريت هما عايزين يحلوا مشكلة من جدرها مافيش حد فيهم يقدر يضمنوا من هنا لغاية بكرة ده مش بيقعد مرتاح من غير نكد والله انا غلبت احل في هذا الموضوع كنت انصح اختي بانها تصبر وتطنش المشاكل وتعتبره ابنها وكل ده اثناء عز المشاكل ببيتها ولما كلمته هو ماقولتله ماتتخانقش معاها لكن قولتله اتخانق بس بهدوء وماتدخل حد بينكم ولا تطلع صوتكم لاهلك احنا كلنا بنتاثر وانتوا لو ماحد سمع يمكن بتتصالحوا بسهولة اكبر ومع كل ذلك الخير اللي عملته معاه اتهمني اني عايزة اخرب عليها ومش عارفة اوصل للي هي فيه وقال لاختي كده وكمان سمعت من خالي الصغير انه بيقول عليا اني حطيته بدماغي وبمعني ادق مش عايزاه مرتاح يعني او كاني بحرض اختي عليه
بالله عليكم اسالكم الدعاء لها
__________________
اللهم اهدي شباب المسلمين واجعلهم منصورين بالاسلام محافظين علي قيمه
قديم 01-07-2009, 01:05 PM
  #7
فلهاوربك يحلها
عضو مميز
 الصورة الرمزية فلهاوربك يحلها
تاريخ التسجيل: Feb 2009
المشاركات: 1,043
فلهاوربك يحلها غير متصل  
يارب تكتب لهااللي فية خير وتهدي سرها وتسعدهاوين ماكانت
__________________
دعواتكم لي
الله يجزاكم خير
قديم 01-07-2009, 01:47 PM
  #8
زوجة عبدالعزيز
عضو نشيط
تاريخ التسجيل: Jul 2007
المشاركات: 109
زوجة عبدالعزيز غير متصل  
هي مش مجبوره تتحمله بسبب انه ولد خالتها
والله سبحانه يقول : فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ "
لكن ان كان في امل تتحسن اخلاقه معها فحاولوا معاه.
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 05:31 PM.


images