أخواتي و أخواني

ما رايئكم في تهرب الخطيبه من خطيبها و ما تفسيركم لها ؟

و كيف كانت فترة ملكتم هل كانت وردية ام العكس ؟

برأيي اللي تتهرب من خطيبها غالباً تكون عايفه
لأن اللي تبي تثقل اسلوبها غير.. ويكون واضح انها تبي تثقل
يعني يتمنعن وهن راغبات..
واللي مستحية هم يبين عليها الحيا

.


😊 عن نفسي وردية و لله الحمد
كان دايماً عندي احساس ان هذا شخص سبق و قابلته في مكان ما... وكان فيه بيننا شيء قبل لا نعقد!
يعني حسيته شخص قديم في حياتي و رجع...

__________________

حاجة الناس إليكم من نعم الله عليكم ، فـ لا تملوا النِعم ☁✨

ما شاء الله تبارك عليكم الله يحفظكم و يزيدكم حب و سعادة

الله يرد لك زوجك رد جميلا عاجل غير اجل

يا رب .. الله يستجيب منك
و يرزقك الزوجة الصالحة ..
عندي نصيحة من أخت لك و لوجه الله.. واقولها لك من تجربة

كان لي تجربة سابقة في الزواج
وانتهت بإني خلعته لأسباب منها انه كان يخوني

عموماً ، ظليت فترة ابحث في الأسباب
ليش يخون ؟!
يمكن قصرت ؟ يمكن ما عجبته ؟
تقدم لي 3 مرات عشان اوافق شلون ما عجبته ؟
شلون قصرت وهو من اول اسبوع زواج لقيته يخون ؟
يمكن ندم ؟
يمكن شاف فيني شيء ما حبه ؟
قعد معاي فترة في العقد وكنا نطلع و نروح و نرد و نسهر مع بعض تيلفونيا او وجها لوجه... يعني طول هالفترة ما شاف شيء ما حبه و لما تزوجنا اول اسبوع شاف ؟
كان عندي طريقين
يا إن استمر ابحث في الأسباب و نهايتي بستجن و بستخف وبوقف في طابور وزارة الشؤون عشان آخذ 100 دينار
أو إن استمر بحياتي...
قبل لا اتخذ أي الطريقين اسلك
وصلت لنتيجة ...

مو شرط يكون فيه سبب لخيانته
أو بعده
أو تهربه أو أو أو ...
يجوز لو رحت لها أو رحت له وسألتهم ليش ؟
يمكن اصلا ما يكون عندهم جواب واضح
بإختصار مهي نصيبك...
مو الشخص اللي رب العالمين اللي قرر لك انك تمشي حياتك وياها...
يجوز الله اختار لك و لها الأفضل...
يجوز هذي فرصة عشان تراجع نفسك و تكون دقيق في اختيارك...

على فكرة اتصور ان هالمسج و صلني من رب العالمين
ان لازم اكون دقيقة في اختياري وابتعد عن التهور...
كانت قرصة لطيفة

ويقول المثل كل طراق بتعلومه

الله يوفقك يا رب

__________________

حاجة الناس إليكم من نعم الله عليكم ، فـ لا تملوا النِعم ☁✨

وازيد على ذلك يكون عندها خوف بسبب تعرضها لتحرش سابقا ويصير تنفر من الرجال وتتهرب لأني قرأت قصه مشابه لذلك
الخجل والحياء الزايد بحكم تربيتها المتشدد

التهرب له أسباب إحنا نخمن بس لكن مانقدر نجزم ، فيه اللي تتهرب لأن أهلها يمنعونها تتواصل معك لاتستغرب في عوايل عندهم ممنوع تتواصل البنت مع زوجها لين تروح بيته! ، ممكن تتهرب من نصايح الحريم إثقلي عليه و ألخ ألخ ، ممكن إنسانة ماعندها ذكاء عاطفي وإجتماعي ماتعرف تتعامل مع الأشخاص الغرب أو الجدد في حياتها ، يمكن فعلاً مجبوره على هالزواج أو تحب شخص ثاني ، أنا أنصح المتزوجين الجدد لايصيرون لحوحين مو من البداية تبي مكالمات طول الوقت ورسايل حب وغرام الأفضل التواصل يكون مره بالأسبوع إنسى العواطف في البداية خلك جنتل أفهمها سولف معها إكتشفها تعرّف عليها مو معناته صارت زوجتك غصب تحبك المشكلة إن الرجل يجي مندفع والبنت حذرة ويصير سوء تفاهم ، لو ماكنت فارض نفسك وناشب والبنت تتهرب أنا هنا ممكن أعذرك بس قبل الإنفصال لازم تكون صريح يابنت الناس أنا أحس إنك ماتبيني وتتهربين مني إنتي مغصوبة؟! أنا بديت أفكر إني أطلع من حياتك إذا ماتبيني قولي وأنا أوعدك إني أخليك لكن لاتعيشين معاي وإنتي كارهه بعدها أقطع كل تواصل معها وإنتظر ردة فعلها يابتخاف وترسلك وتحاول تفهّمك يابتقول زين جت منه وتسحب عليك و وقتها لكل حادث حديث ، إذا مو غلطانة إنت فسخت العقد الله يعوضك ويعوضها خير إذا مافيها إحراج إنت تكلمت معها ولا فاجئتها إنك بتتركها؟ وأيش كانت ردة فعلها؟

__________________

وبدأت تحدي إنقاص الوزن الهدف إن شاء الله 55 كيلو

بالنسبة لي كانت فترة الملكة وردية جدا ولله الحمد ..ومثل ما تفضلت الأخت زين من أول يوم شعرت أنه قريب جدا من قلبي ومألوف كأني أعرفه من قبل ..ربما ﻷنه بسيط وصريح جدا..ولو انه كان دفش شوي ..بس سبحانه الذي يؤلف بين القلوب..كان زوجي بفترة الملكة حالته المادية ضعيفة وتوه متوظف ..وكانت هداياه بسيطة جدا لدرجة خواتي كانوا يضحكون عليه بس انا كنت شاريته لدينه وكنت امنع اي احد حتى يعلق عليه بشي يزعجني...كنا الاثنين نتعطش للقاء ولو قصير ولو بين اﻷهل..وما زلنا بعد 17 سنة وانجاب الاولاد والبنات نتذكر تلك اﻷيام ونضحك على أنفسنا كيف كنت نتحين فرض غياب الاهل لنقترب من بعضنا

أما لما تهرب الخطيبة..والله أعلم إما أنها غير مقتنعة بالشخص..او خلل في شخصيتها بحيث أي أحد يؤثر عليها..عندي اخت تقدم لها شخص فيه الكثير من الصفات الجميلة..وجلست معه اكثر من مرة قبل الملكة بين الاهل للتعرف .ووافقت.وكان طيران من الفرح بها ووعد من حوله بتحلية اذا تم الموضوع..فجأة غيرت رايها ﻷن والدي هداه الله علق عليه بأنه أصلع ..وزعلت قالت والله ما آخذه ..واحنا البنات نقولها حرام عليكي ايش هالسخافة وهي ابد تقول لا والله...وفعلا لم يتم الموضوع..الشاهد انه بعض البنات ثقتهن مهزوزة من الداخل كلمة توديها وكلمة تجيبها..اهم شي انك تثق بالله أن ما حصل خير..وأنا عندما قرأت موضوعك عندما فسخت العقد وقرأت انتقاد كثيىر من اﻷعضاء بأنك متسرع..قلت لا والله عين العقل حسب معطيات الموضوع..عوضك الله خيرا منها

كم عمر خطيبتك ؟ اعتقد انها كانت صغيره ..

لأني كنت مثلها اتهرب من زوجي ايام ملكتنا ... مع اني احبه ... بس مدري ليه كنت اتهرب منه واطرده إذا طول عندنا ... الحين ندمت اقول ليتني استمتعت بهالايام ... وقتها كنت صغيره ماعرف ايش اللي اسويه وايش الصح وايش الغلط ... لدرجة ان كان يراسلني يقول بجي اليوم اقوله لا لا تجي !! . واكثر من مره ... واحيانا انا اللي اطلبه يجي ..

بصراحة أرى انك تسرعت كثير بتركها ... الله يعوضكم خير

__________________
-

فأجبر خَاطري .. بفيّض نعَمك ❤ ....

تلسلمين أختي زين كلامك في منتهى الروعة و الحكمة

لا تربيتها ليست متشددة و ما عندها خجل زايد خجلها طبيعي جدا و اقل من الطبيعي

أشكرك أختي ترانيم الفرح