بسم الله الرحمن الرحيم
انا ما اعرف فين اكتب هالمشاركة ..
احتاج الكل يقول اللي يعرفه عن هالظاهرة ..
مثل ما انا كاتبة بالعنوان تماما ..
انا عمري بالثلاثين .. كنت سابقا عبقرية , متفوقة بتعليمي ، موهوبة ، احب اقرا كتب ، واكتب شعر ، واقرا شعر كثير جدا ..
حافظة لكتاب الله من كان عمري 15 سنة ..
اي شي اسمعه احفظه من اول مرة او ثاني مرة
حدث علي حادث وبعده بسنة تطلقت عن ثلاث ولادات ..
والان تزوجت وانجبت طفلي الثالث ..
كون احد اولادي السابقين ولد متوفيا ..
صارت لي صدمات عاطفية ، اجتماعية ، نفسية ..
كل من وثقت به خذلني ..
المهم ، حاليا انا صايرة غبية جدا جدا لدرجة اني ما اقدر احفظ معلومة صعبة شوي ...
وكمان ما افهم السالفة الا بعد تكرار وشرح واحيانا اعجز عن فهمها مهما وضحوا لي
اهوجس كثير .. بس اذا فقت من الهواجس ، اشوف ظلام وصمت .. انا وين كنت تو !!
احس اني اهوجس ، بس ما فيه شي ما اتذكر !
اروح اماكن اشوفها مرة ثانية اقسم بالله ما اتذكر اني قد شفتها ..
كنت شاعرة ، بس الحين صرت احس انه معجزة اقول بيت شعر !!
صاحباتي متضايقين مره من فهاوتي وبرودي وشرودي ،
امانة وش هالحالة !! وش قصة هالنسيان !!