زوجي قال لي: أرجوك لا تتخلين عني!!(المشكلة حلت و لله الحمد)

03-10-2007, 03:09 PM

أم وداد

عضو نشيط جدا

تاريخ التسجيل: Aug 2006

المشاركات: 1,771

زوجي قال لي: أرجوك لا تتخلين عني!!(المشكلة حلت و لله الحمد)

السلام عليكم ورحمة الله وبركاته

كيف حالكم .. ؟

كثير الي يعرفون "أم وداد" (أنا) ومشاكلها مع زوجها واهلها واهل زوجها .. الي ماتخلص.. ومادري متى اتخلص..

مثل ما انتو عارفين انا وزوجي صارلنا اشهر كثيرة بعاد عن بعض.. واسمع كلام من الناس واصل البلاد المجاورة .. بإني تطلقت وزوجي مايبيني.. والطلاق ماحصل بعد .. وان شاء الله مايحصل الا اذا كان فيه خير لي..

من فترة بعيدة كان زوجي يتصل فيني ويكثر من اتصالاته وانا ماكنت ارد عليه .. لان هو بطبعه يعصب ويتنرفز وبعدين يقلب كل المشاكل علي.. وانا مادري كيف انتهي اتاسف...

وبعدها راح لأبوي مه ابوه.. وقال لها انا ابي زوجتي وبنتي عندي.. بالبدايه استانست قلت الحمدلله زوجي يبيني.. لكن حسيت من كلام ابوي ان زوجي قال كلام مو زين عن امي.. وبانها واقفه بدربنا.. ومخربه علاقتي فيه .. وبان انا وهو مابينا مشاكل بس الاهل خربو علينا.. اهلي واهله .. وقال انه مستعد يوفر لي كل الي ابيه ..

وانا مانكر ان امي واخواني كلهم يكرهونه بلا استثناء.. وبانهم يبوني اشوف المعطيات .. يعني لما اتذكر السنة الي عشتها فيها وباه بغض النظر عن الحب الي يكنه لي.. مافيها طعم .. يعني لا امان ولا استقرار ولا كرامه ... بنقول امه ماعليه لكن هو سمح لها تتدخل في كل كبيرة وصغيرة في حياتي لحد ماخلتها جحيم لا يطاق.. وبعدها امي صارت لها ردات فعل.. وكملتها!!!!!!!!!!!!!!

روحته لابوي خربت علاقتي في ابوي.. وابوي قال لي يا ترجعين ولا انا مالي دخل بك ابدا ابدا...

انصدمت .. واتحطمت .. وقررت اشتغل وادرس عشان اأمن حق بنتي حياة مريحة ...

وللعلم ابوي .. ماشاء الله عليه عنده املاك كثيرة وغني.. ماشاء الله ...

بعدها زوجي اتصل في بنت عمه وقال لها ان انه يببيني.. اتصلت فيني وانا كنت بفترة الصيف كلها اقلب بمخي.. وحسيت واتذكرت مواقف من زوجي كدرت خاطري.. فقلتلها انا مابيه قوليله يعتقني.. ويسرحني.. هو رفض هالشي.. وطلب منها انه يكلمني وانروح نتلاقى في مكان .. جلسة اخيرة بيني وبينه نتفق على كل شي .. ويا يحصل الطلاق او نستمر مع بعض..

المهم كلمني وكلمته .. ومن حبي الشديد له .. سامحته بسرعة في خاطري لكن بينت له اني للحين زعلانة ومترددة لاني قلتله اني مو واثقه كثير منه خصوصا اني صورته عن اهلي ملاك وبعدين خيب ظني بأفعاله وبروده ..

وقعد يحلف لي انه يحبني كثير ... وانه مستعد يسوي اي شي وندمان ..

مشكلتي هي باني لما اكلم زوجي مادري ليش كل كلامي يطير.. كل الي بخاطري يروح .. ابي اعبر ماقدر..

ليش ؟ ضعفا مني؟

وبعدين قال لي يا ام وداد .. انا بسوي اي شي .. بس لا تتخليــــــــــــــــــــــــــــــــــــن عني!! ارجوك..

قلتله ان شاء الله .. بس اهم شي انت ماتفشلني.. وقال ان شاء الله ..

اليوم اتصل فيني قال يبينا نطلع انا ووداد عشان يشوفنا لانه على حسب قوله مشتاق..

اطلع معاه واشوفه ولا أأجلها ليوم ثاني؟

امي مسافرة .. لكن خواتي واخوي موجودين وكلهم يكرهونه لا يمكن يتقبلون الفكرة .. ويمكن يزعلون مني..

اطلع من غير مايدرون عادي... ؟!

وبعدين اخليه يتفاهم مع اهلي يوم ثاني؟ ولا كيف؟

ارجوكم ردو علي.. ادري ان السالفه مصخت .. بس شو اسوي...

واسمحولي على الاطاله

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...

03-10-2007, 03:26 PM

little dreams

كبار شخصيات المنتدى

تاريخ التسجيل: Sep 2004

المشاركات: 2,778

ياحبيبتي لاتكررين أغلاطك ..!

قولي مالي كلام معك لين تتنفذ كل شروطي وبس ..

لاتتعبين نفسك معه، وخليلك كلمة واضحة ...

03-10-2007, 03:32 PM

أميرات

كبار شخصيات المنتدى

تاريخ التسجيل: Jul 2007

المشاركات: 5,090

ياهلا ...

بصراحه اختي ام وداد انا ما اعرف بالضبط وش مشكلتك .. بس ما حبيت اطلع من الصفحه من غير ما ادعي لك ان ربي ييسر كل امورك و يجمعك مع زوجك و بنتك ..وربي يسعدك ..
أميرات ..

03-10-2007, 03:59 PM

الــدمــعــة

عضو دائم

تاريخ التسجيل: Feb 2006

المشاركات: 59

يا أختي الكريمة برك بوالدتك لا يكون على حساب خراب بيتك .

يعني والدتك"حفظها الله" أو إخوانك لا يستسيغون زوجك ولا يحبونه ,هذا شأنهم وأمر يعود إليهم ولا لك خلاص فيه , إلا إذا كانوا يكرهونه لسبب لم يتم ذكره ويكون سبباً مقنعاً .

ومن الملاحظ من كلامك انك رضيتي على زوجك وهو راضٍ عنكِ ويريد ألا تتخلي عنه
فلماذا تقحمين أهلك في أمركم الزوجية الخاصة؟؟؟!!!
نصيحة لكِ إذهبي مع زوجك بلا تردد ولا تنسي أن بينكما إبنة تحتاج إليكما .

03-10-2007, 04:06 PM

أم وداد

عضو نشيط جدا

تاريخ التسجيل: Aug 2006

المشاركات: 1,771

شكرا لك جنة الدنيا على مرورك .. انا ماودي اكرر اغلاطي.. وادعيلي اني اكون اقوى بقراراتي

أميرات .. ياهلا بك .. مشكلتي او مشاكلي تلقينها لو سويتي بحث باسمي... ومشكورة على الدعاء يالغالية

الدمعه .. مشكور اخوي على مرورك .. صحيح كلامك .. التراكمات وبروده وسكوته على اهله يوم تطالوا علي .. هالامور هذي كلها خلت اهلي يكرهونه

03-10-2007, 04:08 PM

little dreams

كبار شخصيات المنتدى

تاريخ التسجيل: Sep 2004

المشاركات: 2,778

انتبهي تروحين قبل لاتتنفذ شروطك !!

ترى بتنعاد كل مشاكلكم مرة ثانية ! وساعتها ماراح يوقفون أهلك معك مرة ثانية ....

03-10-2007, 04:18 PM

saud fahad

عضو نشيط

تاريخ التسجيل: Jul 2006

المشاركات: 153

حبيتي أم وداد حلي مشاكلك معاه بعيد عن أهلك لأنه الأهل دايم ما يحبون يشفون بنتهم ينغلط عليها وهم ساكتين عشان كذا ما يبونك ترجعين لكن أنتي الزوجة شفتي منه الخير والشر فمن الممكن تصفحين عنه وتسامحينه من أجل بنتك ودائمه هو طيب بس العيب في أهله فأكسبيه وأترك أهله ترى أنا عيش حيات شبيه بحياتك كثير لكن فرقي عنك أنه عمري ما رحت لأهلي ودخلتهم في الموضوع وأنا أعيش مع أهل زوجي في البيت ومورني الظلم بأنواعه الله يسامحهم لكن بعد ما أستشرت أختي في الله وفي المنتدي صائمة لله بالموضوع حلت لي مشاكل كثيره أنا أعيشه
الله يرجعك لبيتك سالمة أنتي وبنتك وزوجك ويعم عليكم السعادة يارب...آمين
حبيتي بالنسبة أنك تطلعين معاه من وراء أهلك ما أنصحك مفضروض في شخص واحد كبير يعلم بالموضوع ويعطيك رأيه
وآسفه على الأطاله
ويارب تنحلى مشكلتك

__________________
سبحانك اللهم وبحمدك

03-10-2007, 05:04 PM

oOعبير الرياضOo

قلم مبدع

تاريخ التسجيل: Oct 2006

المشاركات: 2,065

مافيها مشكلة هو للحين زوجك

أطلعي معه اليوم لعل الله يكتب الصلح بينكم في هذه الطلعه

حاولوا تصفون حساباتكم و فهميه أنت وش تبين منه بالضبط و حددوا يوم ترجعين فيه له بعد ماينفذ وعده لك

لكن يا أختي لا تكثرين الشروط و المماطلة لأنه مصيرة يبي يمل و يتركك

لا يغرك أنه متمسك فيك حاليا يمكن بكرة ماتدرين ألا ورقة طلاقك واصله بيتكم وكله من عنادك

ولا تدخلين أهلك في بيتك مالهم شغل ألا في أمور كبيرة و مشكلتك مو منها

الله يصلحك ويخلي لك زوجك

03-10-2007, 06:11 PM

أم وداد

عضو نشيط جدا

تاريخ التسجيل: Aug 2006

المشاركات: 1,771

صحيح كلامك جنة الدنيا بس انا ماقصد ارجع له .. انا اقصد اطلع معاه وارجع بيتنا ...

عبير الرياض: انا ماتشرط لكن ياخوفي يكلم اهلي ويحطون له شروط تعجيزية عشان يطلقني... ادعيلي يالغلا

اختي saud fahad انا مادخلت اهلي .. اهله تدخلو وبعدين امي اكتشفت ان كلام ام زوجي لها كذب صارت الحرب من بينهم .. انا كنت احاول اطلعهم بصورة حسنة والله

03-10-2007, 06:44 PM

#10

المنبجسس

عضو دائم

تاريخ التسجيل: Mar 2007

المشاركات: 87

الله يوفقك وييسر أمرك يأم وداد

ألي أشوفه أن زوجك قاعد يترجاك تعطينه فرصة على أساس يصحح غلطه
بعدين فكري بوداد و بعدين أعتبريها آخر فرصة له

للأسف أنت وزوجك صرتو ضحية لتصفية حسابات بين أهلك وأهله والخسر الوحيد (( وداد))

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه