بسم الله الرحمن الرحيم

السلام عليكم ورحمة الله وبركاته

ابشركم فكيت الجبس في يدي

الموضوع ومافيه ، أهلي عقدوني من كثر التعقيد اللي فيهم ، أهلي أقصد فيهم أمي واخواتي الإناث

ما يقتنعون ولايشكرون يعني اذا كانوا توهم جايين من سفر من بكره يحنون فوق راسي ودنا نبي نطلع وانا رجال مالي خلق دايم ، احياناً الواحد يصير متعب وحتى لو جيت افكر اطلع اهلي الرياض ما فيه الا اسواق وانا ما احب الأسواق ، المشكله تكمن في أن أخواتي مالهم علاقات ابد ابد مع صديقاتهم ولا بنات خالاتهم ولا قريباتهم ، بينهم غيره لحد الجنون يغارون من بعض ويحقدون على بعض ويتكبرون على بعض وما يتواصلون مع بعض ، والطقه تجي في راسي انا ودنا جبنا ملينا طفشنا طيب انا وش ذنبي اذا ما عندكم علاقات مثل حريم العالم ، البنات اخبرهم يروحون ويسيرون على بعض حتى لو فترات بعيده ومتفاوته لكن يشوفون بعض أهلي لااا ابداً
ودايم يلقبوني بالمعقد ليش اني ارفض بعض طلباتهم ولا يشوفون الأشياء الثانيه اللي اخدمهم فيها ويحبون يكرفوني ود وجب وحط وهات وارفع آه بس هذا غير الوالد رافع ظغطي 24 ساعه ، طرحت عليهم فكره نروح نعتمر بالطياره ورفضوا من صار المعقد انا ولا هم ؟ ، ويعني انا انسان بيتوتي ودايم معهم واسولف واحاول اغير جوهم لكن برضه ما يقدرون قيمتي بينهم ودايم ينتقدوني واذا صار اي سوء تفاهم في البيت يلفقون المشكله فيني انا !

وش اسوي معهم

انجنيت وانهبلت

__________________
استغفر الله الذي لا إله إلا هو الحي القيوم وأتوب إليه

-شيء معروف.
-(ودنا جبنا ملينا طفشنا) كلمات نسائية معروفة.
-اضحك يا عزيزي..كثير من البيوت هكذا، وكثر من النساء هكذا، وليس أهلك.
-ماذا تعمل معهم؟!
1) من وقت لآخر قدم اقتراحات بالخروج للنزهة...إن خرجنَ فجيد، وإن لم يخرجن فقل: لقد قدمت ما عليّ.
2) إن شمعت هذه الكلمات المعروفة (ودنا جبنا ملينا طفشنا...احنا طفشانين...انت ما تطلعنا...الخ) فاضحك.
3) أحضر بعض الشوكولاتة لهنّ، وانظر للابتسامات والضحك منهنّ.

دعواتك

سواقة الحريم هي الحل

أمزح لحد يقتبس ردي وينزل تهزيئ

تصدقين
إذا جاء موضوع قيادة المرأة .. قلت لأخواني عسى ربي يخليكم لي مالي ومال السواقة طالما أنتم أخواني
قالوا لا لا سامحين لكن تسوقن وأنت بالذات نتوسط لك
أنقلبت الآية

الله يفرج همك عاجلا غير اجل..

__________________
يآربْ يَآوآفيّ ( العطَا ) جنبنِيّ درُوبْ [ الخطا ]
وإغسلنيّ بــ ثلجّ " العَفُو " وألبسنيّ منْ ستّرك | غطَآ

عليكم السلام والرحمه،،

عادي ودهم وجبهم بس موب كل يوم عااد خصص لهم بالاسبوع مثلاً مرتين لثلاث مره سوق ومره منتزه ومره اي مكان ثاني يااخي ذولي خواتك يمكن لان علاقتهم فيك قويه وحاسين انك القريب لهم يطلبون منك واذا كنت بذاك اليوم مرهق تعبان قلهم خلنأجله لليوم الثاني واكيد بيقدرونك احتسب الاجر اخوي بكل عمل لك والله يوفقك يارب.

__________________
1-5-1433هـ
الحمد لله رزقت بأجمل بنوته ربي يخليه ويصلحه ..

والله ضحكت من قلبي


مواضيعك لطيفه جدااا وفي الصميم وكل بيت


مثل ما قال اخوك البليغ احضر لهم شوكولا وشوف ضحكتهم

انا اذا حدا قل لي اوصلك اقول له :ليه خير ان شاء الله ما بعرف اسوق ؟؟؟؟؟؟؟؟؟؟

وسع صدرك وكون الحنون الله يعينك كم اخت عندك

شايف حتى ما تعدد وتكتفي بزوجه واحده فقط هههههههه

__________________
http://live.gph.gov.sa/
اللهم اني استودعك اولادي

بهذي الديره أنت مخرجهم الوحيد أنفعهم لايحتدون لغيرك والشباب على قفى من يشيل

ليه ماتوفر لهم سواق؟
أنت مسئول عنهم شرعا" وعرفا"

أهلي بعض الأحيان تتطلع عليهم مثل هالحركات،،

تتوقع وش أسوي..؟؟

أتبع المثل (( أشغلهم قبل لا يشغلونك ))

بمعنى اطلب أنت منهم ولو تافه مثل إنك تبي شاهي أو قهوة أو فنجال يعني أي شي.

وإذا جت أختك تطلب أي حاجة،، قل لها: جابك الله، واطلب منها.

أبداً صدقني إنه بعد مدة يبون يقولون لك: حنا نبغى الحاجة الفلانية بس إنك يا غريب ما تصدق إننا ندخل عليك إلا وأنت تتطلب منا.

وبهذا تكون تتبع سنة المدافعة،، مدافعة الحق والباطل..

جرب وعطنا النتائج،، إن فادت وإلا ما ضرت.

أنا أخواني إذا عصب واحد أروح للثاني وإذا عصب الثاني أرجع للأول وهكذا دواليك

أول شيء لازم تحتسب الأجر .. هذي خواتك شعرت وجهك (صدق وش معنى المثل هذا ) .. ومتى ما كنت فاضي أو نصف مشغول وسع صدورهم.
لكن قد ما فيك حاول توازن.
خصص يوم أو يومين في الأسبوع .. وغيره قل أسفة أخياتي