تآئه للغاية وبحالة صعبة [ My complicated story ] !!
السلام عليكم ورحمة الله وبركاته
صباح الخير / مساء الخير لكم أعزائي
بصراحة أبطرح إستفساري أو بالأحرى مشكلتي هنا لأني ما عندي أي مكان أقدر أفضفض فيه وأتمنى تقدرون وضعي لأن أعيش بحالة نفسية لا يعلم بها إلا الله .
أنا شاب عمري 18سنة وداخل الـ19 بـ جمادى الأولى أدرس سنة تحضيرية بالجامعة وأحب بنت خالتي " وتصيرلي بنت عمي في نفس الوقت "
أكبر مني بـ سنة واحدة عمرها 19 وتدرس بالخارج صارلها سنة كاملة وراح تخلص دراستها بإذن الله 2015 وانا راح اخلص 2016 إن شاء الله .
تعلقت فيها لأني شفت فيها الإنسانة الي كنت اتمناها طول عمري رغم إني آخر مرة شفت شكلها وهي عمرها 14 سنة ، لكن انا معجب معجب بكل مافي الكلمة من معنى " معجب بشخصيتها بـ صفاتها "
البنت رزينة وذكية ومتفوقة في الدراسة وجميلة جداً وطيبة وفي حالها وما تعرف سوالف البنات المراهقات " بلاك بيري - برودكاستات حب وأشعار صريحة المعاني - ما تسولف مع غير محارمها ع النت - طلعات للأسواق والمجمعات بكثرة - غير متصنعة وطبيعية " يعني ثقيلة ورزينة وهادية وهذه الصفحات أعشقها في البنت ، وهالشيء الشيء محببني فيها لدرجة اني ساعات احس أنها تنجذب لي غير عن باقي عيال عمي وخالتي لأني قريب جداً من صفاتها وانا مو قاعد أمدح نفسي ترا :$ < يمكن أحس كذا لأني احبها ؟
عيد ميلادي في الفيس بوك كل سنة تكتب لي أما أبناء عمي أو خالتي الآخرين ما تكتب لهم بس زي ما قلت لكم البنت ثقيلة ومو حاس بـ أي شعور أو رد فعل محسوس تجاهها ،
انا نفس الوضع ما احب الزحمات و لا كتابة أشعار حب ولا أسولف مع بنات ما أعرفهم في الفيس بوك او الدخول في صفحات الأشعار والخواطر والضحك مع فلان وفلانة وعلانة
بعض الأحيان احول احتك معاها بأي شيء تحبه زي " تويتر - ask me - فيس بوك" بس في ردودي ما أوضح إني معجب بها او من هالقبيل
انا عشت معاها من يوم هي صغيرة في بيت واحد بس بعدين خلاص انعدمت العلاقة يوم وصلت سن الـ 14 سنة ، بصراحة أنا خايف على البنت تروح من إيدي وخصوصاً أن أي شاب يتمنى بنت زي كذا ، وساعات احمد ربي أنها في الغربة ومسافرة عشان ماحد يجي حولها ، والله العظيم فيه مرة قبل لا تسافر أنخطبت من شخصين وهم عيال عمي ورفضتهم لعدة صفات تكرهها وهي انهم " لزقة " إن صح التعبير وأنا أؤمن بالمثل إلي يقول " لا تكثر الجيات يملونك " ، والله اني أحبها حب صادق عفيف وأتمناها لي زوجة مستقبلاً وهذه ماهي مشاعر مراهقة أبداً أبداً والله يشهد .
انا خجلان أكلم أمي بهذا الموضوع او افتح لها قلبي وأقولها مشاعري الحقيقة ، اخاف تقول " كمل دراستك وماعليك من هالمواضيع هذه حالياً " ويجيني أحباط نفسي
- أما بالنسبة لـ علاقتي بـ خالتي ( أمها ) فهي جيّدة وتعتمد عليّ في أشياء كثيرة في ظل غياب أولادها . ونفس الشيء العلاقة مع عمي ( أبوها ) جيدة ولله الحمد و سمعتي جداً نظيفة في العائلة حتى أيام مراهقتي من 14-17 وبعيدة كل البعد عن المشاكل .
- ودي أصارح البنت بس خوفي من ردة فعلها وخايف أن هالشيء يأثر عليها في دراستها بالخارج ، ونفس الوقت خايف يجيها نصيبها بأي وقت وبأي لحظة ، من كثر من أحبها صرت أدرس بكل ما أوتيت من طاقة لأني حاطها في بالي وحاط المستقبل أيضاً في بالي .. هذه أول مره أحب في حياتي رغم ما أسمع وأشوف من أبناء عمي وأصدقائي وعلافاتهم مع البنات عبر الشكة أو حتى برا إلا أني ما زلت في ذيك الفترة متمسك بوصايا الوالدة أني ما أسويلي علاقة مع وحدة بالفيس بوك أو خارجه وتدمّر حياتي ودراستي الجامعية ، بس قبل كم يوم فتحت لها قلبي ( سالفة ورا سالفة ) وقامت تحاول فيني أني أفتح قلبي وتقولي منت على بعضك وانها تشوفني أرتبك وأضحك لما يجيبون طاريها !!
وفعلاً قلتها أنا معجب فيها بس ما قلت لها إني أحبها ومتعلق فيها لهالدرجة لأني مو جريء .
وهي كل يوم مكانتها تزيد " يوم بعد يوم ، وأحبها أكثر من اليوم الي قبل "
وألاحظها ( أمي ) هالأيام دايم تلمح لي على شغلات مثلاً " زوجنك أبغاها ثقيلة مو نفس بنات الحين ما تعرف غير البلاك بيري " ، وانا كل اللي أسويه اني أسكت وأعرّق :$
انا عندي أكثر من خطة أحاول أتبعها :
* الأولى : أني أخطبها رسمي وبعقد في السنة الثالثة لي في الجامعة وهي تكون مخلصة الجامعة بس اخاف تروح مني
* الثانية : أني احجزها من الآن والسنة الثالثة أنا >>> أعقد عليها وتكون هي مخلصة جامعة ، بس خايف من ردة فعل أمي وأبوي وبنت خالتي وخالتي وعمي < زحمة !! أخاف يقولون أني صغير على هذه الأمور
* الثالثة : أكمل سنة تحضيرية +نصف السنة الأولى ثم أكلم أمي تحجزها على الأقل لي
فـ برأيكم وش الشيء الأنسب ؟
* أنا جداً متأسف على الكلام الطويل هذا والأسلوب اللي فيه ، وعدم التنظيم ، بس والله اللي في قلبي على الكيبورد علطول وما عندي غير المكان أكتب فيه ، متأسف على الإطالة مرة ثانية وياليت ي أخواني / أخواتي تأخذون الموضوع بحمل الجد
التعديل الأخير تم بواسطة Love is Enough ; 19-11-2011 الساعة 07:07 PM
وعليكم السلام ورحمة الله وبركاته ... أنصحك بالنقطة الثانية إذا في عائلتكم نظام الحجز
أحجزها واخطبها رسمي وتعقد عليها بعدين ... دامك خايف إنها تروح عليك ...
ومسألة يقولون توك صغير صارح أمك بالحقيقة وحسيت من كلامك ان أمك متفهمة وعاقلة ...
لأن بعد ماتطير البنت منك وتنخطب لاتقول ليتني وليتني ... الحياء ماينفع بهالأمور ...
كلم أمك على جنب وأثبت لهم بالأفعال إنك كبييييييييييييييييييييييييير ...
وقلهم أنا ماقلت بتزوجها الحين أنا بس بحجزها لأني ماابي غيرها
والله وأنا أختك مايصلح إلا الصراحة بهالمواضيع أما مسألة أضحك وارتبك وأعرق لاجابوا طاريها ماتكفي هالأمور ..
أعقلها وتوكل وطبعا أتمنى من أعمآآآآقي إنها تكون مشاعر حقيقية مو عابرة ومؤقتة وماتكون مشاعر مراهقة ... وسلامتكم
اخطبوها خطوبة رسمية والعقد بعد التخرج الخطوبة ماايد انها تعلن الخطوبة بمثابة الحجز ماتدرون بعدين وش يصير
صديقة لي كانت مخطوبة ومكتمة على الموضوع سنوات يوم تحدد الزواج قالت انها مخطوبة من كم سنه لقريب لها وحنا طبعنا نادرراً ناخذ قرايب ومافيه عندنا حجز البنت وهالسوالف
الله يوفقك وييسر امرك بإذن الله تعالي
إذا فيها الصفات اللي قلتها لا تتردد وتخلي موضوع فرق السن عائق بينك وبينها لا تتخوف من عدم إمكان التواؤم والتفاهم بينكم، لانه كثير من الزيجات الله بيكتب لها النجاح وتكون اسره قويه متماسكه متواده انت دحين استخير وافتح الموضوع مع الوالده ونأمل إن شاء الله تعالى أن تبشرينا باخبار طيبه