انا بنت مقيمه عمري 20 بالسعوديه اخوي االوحيد مدمن حشيش انسان ضعيف شخصيه وانطوائي مايحس بذكوريته الا بصوت العالي وضربه ل امي ولو انا تكلمت ودافعت عن امي يبدا في ضربي بقوه واخرتها اليوم ضربني بقوه ع راسي وجسمي وضرب راسي بجدار حاسه بحراره بجسمي وحرقان بمكان الضربات وقالي مفكره ابوك راح يحميك بشيء طبعا هو واثق انه ابوي مارح يسوي شيء زي كل مره غير النصح والكلام والحال هذا استمر اربع سنوات انااا تعبت منه ومن الحال هذا ماقدر اسكت واشوفه مستقوي على امي ولو تدخلت انا انضربت وين الجاء وين اروح لاتقولو لي اقاربي لان سبق وتكلمت معاهم وحلو الموضوع بالكلام فقط وبعدها بفتره شفت معايره واستخففاف انه انه ماوراي سند بشكل غير مباشر
قولو لي شسوي لو بكره ابوي ماتصرف وكان حازم مع ولده انا ماقدر اتحمل اكثر من كذا التعب النفسي والجسدي مرضت بالقولون العصبي وجاتني حاله نفسيه اني ماقدر اواجه المشاكل بمجرد اسمع صوت عالي وصراخ اصير ارتجف وماقدر اوقف من الرجفه رجلي ويدي وجسمي يرجفو حتى لو كان شخص اصغر مني وانا وياه محتد نقاش تصيبني الحاله هذي ولي فيها سنتين وانا ماكنت كذا اول لو بسكت وبتحمل اكثر بتسؤؤ حالتي ساعدوني الله يفرج همومك

تبدا المشاكل طبعا لمن يطلب فلوس من امي تعطيه وامي ترفض لانه يوديها بالحشيش ومرات لوشاف فلوس يسرقها مننا واحنا صرنا نخبي فلوسنا محنا ناس وضعنا المادي عالي احنا ع قد حالنااا ويطلب ممناا ندبر فلوس واحنا حريم البيت موموظفات وابوي شخص متزوج زوجه ثانيه ويبات عندها بالليل وطول النهار بشغله مايجي لنا الا ساعتين بالظهريه فقط ومحمل امي مسوووليه الي يصير وامي برضو تحمله المسؤوليه وانا ضعت بينهم ولا واحد فيهم يبي يتحمل مسؤووليه

ايش الجهات الي تساعدني بالسعوديه وتنصف حقي ولا مالي حق وانا مقيمه ولست مواطنه

بسم الله الرحمن الرحيم

السلام عليكم ورحمة الله وبركاته

غاليتي ليس الحل ليس لدينا ؛ بما أن أخيك مدمن أي شبه فاقد العقل ؛ ولن ينفع به كلام أو غيره .لأن عندما يذهب تأثير المخدير سيرجع وبعنف لسابق عهده ..

لذلك أرى ياغاليتي

إن تجلسي مع أمك وأبيك وتطلبي منهما ؛ أن يذهب بأخيك إلى مستشفى الأمل ؛ لسحب السموم من جسده ويعالجاً نفسياً ؛ وإن شاء الله سيتم شفائه من هذا البلاء .

وإذ رفضا ؛ قولي لأحد من عائلتك ويتميز بالحكمة وحسن التصرف لأقناع والديك بذلك .

أما بالنسبة لك ..لايمنع أن ترقي نفسك بالرقية الشرعية أولاً ؛ والإلتجاء لله جل جلاله بتقوية نفسك ؛ وإذ لم تزالي على ماكنت عليه بعد الرقية الشرعية أذهبي لطبيبة نفسية وتكلمي معها عن ماتجدين في نفسك ..

أسأل الله العلي العظيم أن يشفي أخيك من هذا البلاء ويرده إليه رداً جميلاً غير مخزي ولافاضح ./ آمين

اللهم صل على نبينا محمد صلى الله وسلم

__________________
إِيَّاكَ نَعْبُدُ وَإِيَّاكَ نَسْتَعِينُ

=====================