كلام سليم
سلمت يمينك يامهره 🌹
الله يسهل أمورك ياسموره ويهدي زوجك ويبطل حركات الاطفال

الحمدلله يامهره قدرت اضبط اعصابي ... حتى لما قال بتعايريني حسيت يبي هوشه فماجاريته وسكت ... الله يهديه ويكبر عقله ...

سديم حبيبتي المشكله اني وعدت عمي اني برجع مع اخوي...
من امس قاعده اكلم نفسي بسبب حركته التافهه .. فشلني وكأنه يقول لو تبيني انتي تعالي ... افكر اذا اتصل عمي اقوله اخواني مو فاضيين واذا تبوني ارجع خلي ولدك يجيبني او بنتظر الين واحد منهم يفضى ..
كل شوي اقول مابرجع له وبأدبه على حركته .. بس اتذكر وعدي لعمي واقول ليتني ماوعدته..
كل ماتخيل اني ارجع مع اخوي وكيف بيحس بالانتصار ينحرق قلبي ... بيقول هذا هي جات وراي ... هذا تفكير زوجي وانا اعرفه .. وحيذلني كل يوم فيها ... بس لو خليت عمي يكلمه يجيبني بسبب شغل اخواني برجع وانا مرفوعة الراس لا مذله ولا اهانه لي ... مدري تفكيري صحيح ولا انا ابالغ؟
زوجي عقليته مره صغيره وابي ارجع من غير ماتناقش معه وبتجنبه قد ما أقدر..

__________________
-

فأجبر خَاطري .. بفيّض نعَمك ❤ ....

مهره وعبير صحيح كلامكم ... والله اكثر شي متفشله من عمي ... وان هو اللي وداني لأهلي .. بس هو كل يوم يتصل علي يتطمن علي ... واليوم قلت له اني بخير وان شاء الله اخلي اخوي يجيبني عندكم ... وبنتظر كم يوم واذا اتصل اقوله مشغولين اذا ولدك فاضي خليه يجيني ... بس بقوله له بأسلوب حلو .. او خلاص اخلي اخواني يودوني في اي يوم فاضيين ؟ طالبه مشورتكم

__________________
-

فأجبر خَاطري .. بفيّض نعَمك ❤ ....

السالفه كلها مو مستاهله يحاول يستفزك وأنتي كنتي تعبانه وإنفجرتي عادي تحصل بأي وقت لكنكم كبرتوها ، ورجعتك لبيتك مع إخوانك أبدا ماهي مذله خصوصا إن بينكم قرابه تعوذي من الشيطان مقبله علينا أيام فضيله إرجعي لبيتك وإنسي المشاكل وتفرغي للعباده .

__________________
الحمدلله حمدا جزيلا ...

حبيبتي الوفا ... لو قال لي اياها بطريقه عاديه .. مثلا يقول خلي اخوك يرجعك ... والله كان رجعت من غير ماقول كلمه .. بس قالها بطريقه مستفزه ... من حركته كأنه يقول لو انتي تبيني لحقيني .. ماحقدر افهمك .. انا اساسا كنت ناويه ارجع مع اخوي وانسى كل اللي صار وارجع اتعامل معه طبيعي بس اتجنب النقاش وامسك اعصابي ... اصلا هو طبعه كذا مستفز ... انا ماقهرني غير اسلوبه في الكلام وكأني انا الميته فيه

__________________
-

فأجبر خَاطري .. بفيّض نعَمك ❤ ....

يا سمورة يا حبيبتي .. هل لاحظتي لما قلت لج شوفي وقت إخوانج متى يسمح؟ .. واطلبي من حد فيهم يرجّعج حسب وقته واستطاعته؟

إنتي مب مضطرة ترجعين بكرة أو بعد بكرة .. إنتي بترجعين لما حد من إخوانج يكون فاضي يرجّعج .. يعني مب ميتة على الرجعة.


وأساساً إنتي ما رحتي بيت أهلج لأنج زعلانة .. إنتي رحتي لأنج أجهضتي ونفسيتج كانت تعبانة وكنتي محتاجة تكونين عند أمج ..... هذه هي الفكرة اللي لازم توصل لزوجج .. ولو تكلم في هالنقطة استهبلي عليه وأكدي على إنج رحتي لأنج كنتي محتاجة أمج وبس .. وكثر خير عمج إنه هو اللي فهمج وراعى نفسيتج ووداج بنفسه.


ولو عمج اتصل يسأل عن موعد رجوعج قولي له: حاضر يا عمي ومن عيوني .. أول ما حد من إخواني يفضى بيرجعني على طول.

جذي ممكن عمج من نفسه يقول لزوجج يي ياخذج .. وإذا ما قال له فعلى الأقل بترجعين مع أخوج براحتج.

لكن لا تطلبين إن زوجج هو اللي يرجعج بشكل مباشر.



أما سالفة المذلة والإهانة .. فلا تشغلين بالج بها كثير لأن مب بالضرورة هذه نيته.

__________________


اللهم طِيبَ الأثر .. وحُسْنَ الرحيل.

سموره لا ترجعين في كلامش ووعدش حق عمش مهما كانت الاسباب

استفزاز زوجش شي متوقع ، كلمي اخوانش وشوفي الوقت المناسب لهم ، اذا تكلم وبدى يقهرش قولي له انا عند كلمتي وما راح اغيرها

__________________
وهل من مصير اخر ؟

ايه لاحظت ياقلبي ... بس اخاف يقولون قومي يلا تجهزي😒
.. الحين فهمت حخلي اخوي يوديني بس راح اماطل شوي ... تصدقين يامهره عجزت افهمه امس واقوله مو زعلانه ... يقول لي الا زعلانه واللي يزعل بروحه يرضى بروحه ... اصلا امس كل كلامه استفزاز وانا ساكته بس رديت عليه بجمله وحده ... ليه ازعل وانا متعوده منك كل اللي تسويه مو شي جديد ... وهو غير الموضوع ... الله يجزاك خير وان شاء الله اعمل بنصايحكم ...

كوكي حبيبتي .. الله يجزاك خير وان شاء الله مارجع بكلامي واوفي بوعدي ... شكرا لنصايحكم ...

__________________
-

فأجبر خَاطري .. بفيّض نعَمك ❤ ....

الحين زوجك امس متعني مشوار 4 ساعات عشان يكلمك ويعطيك فلوس والا اساسا كان موجود.

أستغرب من الزوجات أو الأزواج

عندما يقولون إستفزني وإستفزيتوه .. وكل إللي بيتكلموه مع بعض ما تجي كلمتين .. وكل واحد يزعل من الثاني وياكل في نفسه .. ويروح للأصدقاء أو الأقرباء أو النت .. ويكتب صفحات من مشاعره وحزنه وتعبه وقهره

ولو أن الأزواج يكونو صريحين مع بعض ويوضحو معاني أقوالهم بالشكل الصحيح ونياتهم وهدفهم الحقيقي من الكلام وإيش كان قصدهم .. ثم بعد ذلك يحاولو ان يهدو نفوسهم ولا يضخمو المسائل .. لأنحلت كثير من المشكلات .. وقد يتعذر بعضهم أن مافيه نفس يتكلم مع الطرف الآخر من شدة زعله أو يتعذر بأنه حاول مع الطرف الآخر ولكنه صده .. وطبعاً مع الموظة الجديدة لوسائل التواصل أصبح هناك حضر للطرف الآخر كدليل على شدة زعله وعدم رغبته للتواصل

سبحان الله
بعض الأحيان تجد أن بعض الأزواج يعيشون حياة زوجية صعبة .. ماحد قادر يتنازل بسهولة او يمشي .. بل تجد أن كلام الأزواج مع بعض يكون على أعلى مستوى من الحساسية

أخيراً
أختي ارجعي بيتك واعلمي أن كرامتك محفوظة سواء في بيت زوجك أو عند أهلك .. فلم يحدث أمر في قصتك يستدعي التصعيد والتعقيد


أعانك الله