خادمتي ستسافر.. ماذا أعلم الجديده؟ - منتدى عالم الأسرة والمجتمع
logo

الملاحظات

العلاقات الأسرية والإجتماعية أفضل الحلول لقضايا الأسرة والمجتمع والمراهقين والأطفال .

موضوع مغلق
قديم 18-02-2008, 06:31 PM
  #1
Cotton Candy
عضو نشيط جدا
تاريخ التسجيل: Mar 2007
المشاركات: 718
Cotton Candy غير متصل  
خادمتي ستسافر.. ماذا أعلم الجديده؟

السلام عليكم ورحمة الله وبركاته

مادري اذا مكان الموضوع مناسب بس انا عندي مشكله مع خدامتي

هي تشتغل عندي من 3 سنوات يعني من اول ما تزوجت و هي عندي

و الحين هي بتسافر تقريبا على شهر 5

و راح اجيب خدامه ثانيه بس المصيبه اني ما اعرف في سوالف البيت

غسيل و تنظيف و الخ الخ

الطبخ مش مهم لاني بجيب طباخ

المصيبه الحين ان الخدامه الحاليه تبط جبدي انا متحملتها من زمان لانها نافعتني و تساعدني مع العيال

بس فيها اشياء ما ابي الخدامه اليديده اتعلمها

في ناس قالوا لي يبي اليديده قبل لا تروح الاولى عشان اتعلم منها و ناس قالوا لا لا تخلينهم يلتقون عشان ما تخترب اليديده
و انا محتاره!!!

الاشياء اللي ما احبها في الاولى:
1- تنام وااايد يعني تنام الساعه 9 و نص او 10 بالكثير 10 و نص اذا طولت و تقوم الساعه 7 الصبح و تنام الظهر ساعه و نص

2-تطلع مع خدامات ام زوجي مع السايق يعني السايق يوصل الخدامات للمول
و انا بصراحه اول مره اشوف خدامات يطلعون
انا ما احب انها تطلع بس اخليها عشان تكون اوكي معاي و لانها متعوده على هالشي قبل عرسي يعني من كانت في بيت اهل زوجي

3-تناحسني مرات خاصه اذا رحت ابات عند امي تناحسني و تقول ما ابي ابات هني ابي اروح بيت ماما(عند ام زوجي)

4-اذا خليتها تبات في بيت امي غصبا عنها تقول حق ام زوجي ان امي تهاوشها و امي و لا عمرها هاوشتها و حتى ما تطلب منها تسوي شي

5- مره طلبت انها تشتري جوال لان خدامة ام زوجي عندها و انا رفضت و زوجي رفض و قلنا لها مافي بس اكتشفت انها اشترت تلفون

صديقتي قالت لي لا تخلين الخدامات يلتقون و اذا يات اليديده خليها اتعلم عند امج لانها لو راحت بيت ام زوجج بيخربونها الخدامات اللي هناك و بتحط في بالها ان ام زوجي هي اللي مسؤوله عنها فكلما بتصير مشكله بتروح لام زوجي

بس المشكله ما اقدر اوديها عند امي لان زوجي بيتدخل و انا متأكده و لو صار شي بيقولون من امج

ارجوكم ساعدوني في هالمشكله و اذا عندكم اقتراحات لاشياء اعلمها الخدامه اليديده بليييز اقترحوا علي
__________________
قديم 18-02-2008, 07:07 PM
  #2
أبو فيصل
المدير العام
 الصورة الرمزية أبو فيصل
تاريخ التسجيل: Oct 2005
المشاركات: 15,836
أبو فيصل غير متصل  
ينقل الى عالم المشاكل الاجتماعية مكانه المناسب.

تحياتي ،،،
قديم 18-02-2008, 09:03 PM
  #3
oOعبير الرياضOo
قلم مبدع
تاريخ التسجيل: Oct 2006
المشاركات: 2,065
oOعبير الرياضOo غير متصل  
شفت قبل كم يوم فيديو


خدامه تعذب لها طفلين تعذيب مو صاحي


فحاولي ما تخلينها تنفرد باعيالك أبد

و تفقدي عيالك بين فتره و فتره و خليهم يحكون لك عن سوالفهم وأنت مو عندهم


هذي نصيحتي و الباقي يفيدونك فيه البنات
قديم 18-02-2008, 09:35 PM
  #4
محمد هيا
عضو مميز
 الصورة الرمزية محمد هيا
تاريخ التسجيل: May 2007
المشاركات: 2,470
محمد هيا غير متصل  
1- تنام وااايد يعني تنام الساعه 9 و نص او 10 بالكثير 10 و نص اذا طولت و تقوم الساعه 7 الصبح و تنام الظهر ساعه و نص

خليها انتام ترها انسانه وتحتاج حق وقت للراحة ، من بعد ما يتعشون الجهال ماراح تحتاجينها ، وعشاج انت ووجك أنت الي جهي يعني مسأله النوم ما يحتاج انج اتكبرينها ما شوف فيها مشكله

2-تطلع مع خدامات ام زوجي مع السايق يعني السايق يوصل الخدامات للمول
و انا بصراحه اول مره اشوف خدامات يطلعون انا ما احب انها تطلع بس اخليها عشان تكون اوكي معاي و لانها متعوده على هالشي قبل عرسي يعني من كانت في بيت اهل زوجي؟؟؟؟؟
بالنسبة للسوق هي كل اسبوع مثلاً اتروح وله بين فتره وأخرى ؟؟
اذا كانت بين فترة وأخرى عادي جداًً مسكينة تبي تشتري حاجاتها .

3-تناحسني مرات خاصه اذا رحت ابات عند امي تناحسني و تقول ما ابي ابات هني ابي اروح بيت ماما(عند ام زوجي)؟؟؟
أحسن من انج اتخلينها في البيت بنفسها ، ودام هي ترتاح في بيت أم وجك لانها تعودت عليهم وبت امج ما تعودت عليهم يعني فكه منها ، مو حلوة الخدامة 24 ساعة معاج وبالنسبة حق اليهال استحمليهم هاي اليوم وأكيد أمج وخواتج بيساعدونج ..

4-اذا خليتها تبات في بيت امي غصبا عنها تقول حق ام زوجي ان امي تهاوشها و امي و لا عمرها هاوشتها و حتى ما تطلب منها تسوي شي
الأفضل أنج ما تأخذينها معاج ، عشان تفتكين من السانها ..

5- مره طلبت انها تشتري جوال لان خدامة ام زوجي عندها و انا رفضت و زوجي رفض و قلنا لها مافي بس اكتشفت انها اشترت تلفون ؟؟
سالفة التلفون الي فالب علينا ترى مهما نمنعهم بعد عندهم طرق أخرى يعني أما تلفون البيت أو تلفون السايق ، يعني لو شغالتي أطلبت مني تشتري تلفون ماراح أمنعها والله أعلم يمكن يكون عندها في الاساس لانها كل أسبوع تتصل حق اهلها من تلفون البيت عن طريق الكرت واهلها دايم يتصلون فيها .

وبالنسبة للشغاله الجديدة اذا فيج شدة انت اتعلمينها الشغل كله علميها سفري الشغاله بعدين جيبي الجديدة ، أو خليها عند هلج لين اتروح القديمة بعدين جيبي الجديدة البيت .

الله يحفظ خادماتنا ويبعد عنا شرورهم ...
__________________

التعديل الأخير تم بواسطة محمد هيا ; 18-02-2008 الساعة 09:38 PM
قديم 18-02-2008, 09:37 PM
  #5
jeans
كبار شخصيات المنتدى
 الصورة الرمزية jeans
تاريخ التسجيل: May 2006
المشاركات: 4,360
jeans غير متصل  
مشكله ذا الشغالات اذا اجتمعن

ناس تخرب ناس

خلاص انتي علميها شغل البيت شدعوه اختي اسمحي لي كل هذا ماتعرفين البيت وش محتاج من نظافه

ولا تخلينها تحتك بخدامات ام زوجك الا ماندر

ومم على كيفها تختار المكان الي تنام فيه

عوديها على هذا الشئ

ويفضل ما تحتك بشغالتك الحاليه علشان ماتخربها عليك

وبالتسبه للنوم عادي دامنك منتي موظفه خليها تنام

واذا على الجوال انا ما احبذ لاني الي اشوفه من الشغالات ومعاهم جوال

ماغير ضحك وكركره والجوال مايسكت رن ورن

الا مارحم ربي

والطلعه بعد لحالها مالها سنع لا وبعد مع شغالات ثانيات

والله من هينا يجي الخراب

تبين اغراض على العين والراس انتي وديها للي تبيه

والامر راجع لك
__________________



التعديل الأخير تم بواسطة jeans ; 18-02-2008 الساعة 09:41 PM
قديم 18-02-2008, 09:51 PM
  #6
Cotton Candy
عضو نشيط جدا
تاريخ التسجيل: Mar 2007
المشاركات: 718
Cotton Candy غير متصل  
مشكورين عالرد

اخت محمد هيا
انا ما اعترض على نومها بس واااااااايد تنام انا اشوف خدامات الناس يقومون 5 الفجر او 6 و ينامون الظهر ساعه و نص و يسهرون لين 12 و ساعات 1

و عن الطلعه تطلع كل شهر او شهر و نص و انا مب معترضه عالطلعه بس معترضه على الروحه بنفسهم مع السايق و لمده طويله


اقدر استحمل عيالي بس المصيبه اني حامل في الشهور الاولى و اتعب وااايدو عيالي صغار 7شهور و سنتين
و امي مسفره خدامتها لان لقتها تغازل سايق بيت ام زوجي و تكلمه نص الليل و هو اللي جايب لها الجوال (انا ما قلت حق زوجي او امه عشان ما يقولون ان احنا نطلع سوالف)
يعني امي ما تقدر تساعدني و ما عندي الا اخت وحده ما تعرف تبدل الحفاض بس تساعدني قد ما تقدر و مسكينه وراها دراسه و جامعه


الجوال ما يعجبني لاني اخافها تتفق مع السايق او اي حد يدخل عندها الغرفه او يسوون فينا شي

اخت جينز

بحاول من الحين اتعلم من امي الاشياء الاساسيه اللي ممكن اعلمها اليديده و بحاول ايب اليديده و في نفس اليوم تسافر اللي عندي
__________________
قديم 18-02-2008, 10:47 PM
  #7
محمد هيا
عضو مميز
 الصورة الرمزية محمد هيا
تاريخ التسجيل: May 2007
المشاركات: 2,470
محمد هيا غير متصل  
^^^^
حبيبتي مبروك الحمل والله يثبته لج ، ما في حل غير انج اتعلمين الشغاله الجديدة كل شئ بنفسج عشان ما تخلينها تاخذ من طبايع الاولى ولمه توصل خليها عند هلج يعني ممكن امج اتعلمها الطبخ مثلاً ولين اتسافر الأولة اخذيها عندج البيت ، والله هاي الخدامات بلاوي الله يعينا عليهم الكل مبتلي فيهم بس ما باليد حيله احنا محتاجينهم خصوصاً اذا كنت موظفه وهي اتشوف اعيالج فلازم ما نضغط عليهم ..

الله يكافينا شرهم
__________________
قديم 19-02-2008, 03:52 PM
  #8
Cotton Candy
عضو نشيط جدا
تاريخ التسجيل: Mar 2007
المشاركات: 718
Cotton Candy غير متصل  
اقتباس:
المشاركة الأصلية كتبت بواسطة محمد هيا مشاهدة المشاركة
^^^^
حبيبتي مبروك الحمل والله يثبته لج ، ما في حل غير انج اتعلمين الشغاله الجديدة كل شئ بنفسج عشان ما تخلينها تاخذ من طبايع الاولى ولمه توصل خليها عند هلج يعني ممكن امج اتعلمها الطبخ مثلاً ولين اتسافر الأولة اخذيها عندج البيت ، والله هاي الخدامات بلاوي الله يعينا عليهم الكل مبتلي فيهم بس ما باليد حيله احنا محتاجينهم خصوصاً اذا كنت موظفه وهي اتشوف اعيالج فلازم ما نضغط عليهم ..

الله يكافينا شرهم
هلا حبيبتي

انا قلت لكم زوجي بيسوي لي سالفه خصوصا ان علاقته بأمي مش اوكي
فأكييد بيقولي انتي علميها او طرشيها بيت امي يعلمونها هناك

بس تدرين انا فكرت اني انزل موضوع استفسر فيه عن الاشياء اللي ما افهم فيها و انتم ان شا الله بتساعدوني
__________________
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 11:39 AM.


images