بدون عنوان :) - منتدى عالم الأسرة والمجتمع
logo

الملاحظات

المقبلين على الزواج مواضيع تهم المقبلين على الزواج من الرجال والنساء

إضافة رد
قديم 29-04-2018, 12:22 AM
  #1
مليكـة
عضو جديد
تاريخ التسجيل: Apr 2018
المشاركات: 4
مليكـة غير متصل  
بدون عنوان :)

السلام عليكم ورحمة الله


موضوعي باختصار أهلي أجبروني على ولد عمتي وأنا مابغاه، ولما شفت ان مافي مفر فكرت مع نفسي صدق لكن مارتحت واستخرت نفس الشئ وأهلي أصلا ماعليهم مني ممشين الوضع بدوني أنتي روحي حللي ماتفهمين صغيرة!!
ما كأن لي عقل أفكر وأقرر فيه حتى يقروون من نفسهم!! سويت كل شئ بس مافاد
قلت لوحدة أخوها يصير صديقه المقرب قلتلها وصلي له اني مابيه وماصار شئ
مشيت الوضع حتى أكلمه وقت الملكة وأشوف هو زين وبرتاح ولالا، أو أقوله اني ماكنت راضية ومرتاحة من البداية لكن المشكلة ماكلمني !!! لنا 3 شهور وزيادة مملكين ولا فيه شوفة ولاششئ - زواج خذوه فغلوه-

بهذي الفترة كل من يجيب طاريه ولا يذكرني بالتجهيز كأنه ماخذ جبال الدنيا وراميها علي أضيييق اليوم كله تنسد نفسي ما أبغاااه 😭



نرجع ورى شوي قبل ماملّك زميلتي كانت دايم تلمح وتصرح لي بأخوها -وهي عارفة ان أهلي مجبريني على ولد عمتي- وأخوها تعجبني شخصيته وأخلاقه وتعامله وخيره مع أهله مستحيل يقولهم لأ لأ هذي شكله مايعرفها ماشاء الله

قبل فترة قبل ماملّك كلمني واتس ولا رديت!! مدري وش أحس فيه مدري خفت مدري ليه مارديت تحسفت الحين عشرات المرات 💔
وزميلتي صايرة بس تصوره بسناب وأحن له غصب توسوس لي نفسي أكلمه لكن أقول خلاص أنتي بذمة شخص بس والله أضيق غصب مدري وش أسوي 💔

-أدري الخط صغير بس عجزت أكبره استحملوا-
رد مع اقتباس
قديم 29-04-2018, 07:57 AM
  #2
سديم الذكريات14
عضو نشيط جدا
تاريخ التسجيل: Aug 2014
المشاركات: 2,341
سديم الذكريات14 غير متصل  
رد: بدون عنوان :)

اختي انتبهي من خطوات الشيطان
استخيري في أمر الاستمرار في الخطوبة أو كوني شجاعه وأرفضيه
قال الله تعالى ( (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ..))
__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه
رد مع اقتباس
قديم 29-04-2018, 11:06 AM
  #3
مهره
عضو المنتدى الفخري
 الصورة الرمزية مهره
تاريخ التسجيل: Aug 2003
المشاركات: 17,491
مهره غير متصل  
رد: بدون عنوان :)


عزيزتي مليكة..

لما تقولين (ما أدري وش اسوي) فهذا يعني أن عندج خيار تاخذين أحد المقترحات المطروحة.. لكن لما يكون الموضوع متعلق بالرد على أخو زميلتج وانتي على ذمة ولد عمتج فهذه يا عزيزتي ما فيها مقترحات ولا خيارات... والتصرف الوحيد هو عدم التواصل معه بأي شكل.

وما دمتي تشوفين نفسج عندج عقل وقادرة تقررين بنفسج فاستخدمي هذا مع أهلج.. وإن ما قدرتي تقنعينهم برفضج فاقنعيهم بالتواصل مع ولد عمتج عشان تشوفين هل هذا الرفض الداخلي له مبرر والا لا.

الشجاعة مب انج تكلمين أخو زميلتج.. لكن الشجاعة أنج تطالبين بحقج في مسألة زواجج.
__________________


اللهم طِيبَ الأثر .. وحُسْنَ الرحيل.
رد مع اقتباس
قديم 29-04-2018, 01:45 PM
  #4
abo marym
عضو المنتدى الفخري
تاريخ التسجيل: Dec 2003
المشاركات: 5,781
abo marym غير متصل  
رد: بدون عنوان :)


اسأل الله ان يقدر لك الخير
اينما كان ويوفقك .. اللهم آمين


اولاً ما سبب رفضك لزوجك
هل به عيوب


اشوفك ارتحت لاخوا صديقتك
من كلامها ولمجرد رؤيتك
صورة .. علماً انك لم تجلسى
معه او تتحدث معه


مثله مثل زوجك


ولكنه ابليس عليه لعنات الله
يحبب لك الحرام ويحرم عليك الحلال

تعوذى من ابليس واعطى نفسك
فرصة تجلسى مع زوجك
وان شاء الله ترتاحى له

وعليك باستخارة الله كل يوم
الى ان يقدر الله آمراً كان مقدورا


اما اخوا صديقتك اياك تتحدث له
فهذه خيانه وهو اذا كان لا يخاف الله
سيشجعلك ليستمتع بك بدون زواج
واذا كان يخاف الله فربما يبلغ آخته
وهى ربما تفضحك ويصل الآمر الى
اهلك وتكون مصيبة لا قدر الله


اتقى الله فى نفسك واحسمى
آمر زواجك اولاً وبعدها لكل مقام مقال

ابنتى كم عمرك وما هى دراستك ؟

وفقك الله لما يحب ويرضى
__________________

قال الله تعالى


فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً
{10}
يُرْسِلِ السَّمَاء عَلَيْكُم مِّدْرَاراً {11} وَيُمْدِدْكُمْ بِأَمْوَالٍ
وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً {12}

رد مع اقتباس
قديم 29-04-2018, 09:26 PM
  #5
مليكـة
عضو جديد
تاريخ التسجيل: Apr 2018
المشاركات: 4
مليكـة غير متصل  
رد: بدون عنوان :)

اقتباس:
المشاركة الأصلية كتبت بواسطة سديم الذكريات14 مشاهدة المشاركة
اختي انتبهي من خطوات الشيطان
استخيري في أمر الاستمرار في الخطوبة أو كوني شجاعه وأرفضيه
قال الله تعالى ( (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ..))
ماراح أكلمه هي وسوسة أتعبتني حاولت أتناساه ماقدرت

رفضته ياسديم وواجهت أبوي وهذي أقصى أنواع الشجاعة اني جيت عنده وناقشته لان أبوي عصبي وإذا قال كلمته ماتناقشينه ومع هذا يقولي أنت صغيرة وبتتعودين مع الوقت شوفي فللانة وفلانة



اقتباس:
المشاركة الأصلية كتبت بواسطة مهره مشاهدة المشاركة

عزيزتي مليكة..

لما تقولين (ما أدري وش اسوي) فهذا يعني أن عندج خيار تاخذين أحد المقترحات المطروحة.. لكن لما يكون الموضوع متعلق بالرد على أخو زميلتج وانتي على ذمة ولد عمتج فهذه يا عزيزتي ما فيها مقترحات ولا خيارات... والتصرف الوحيد هو عدم التواصل معه بأي شكل.

وما دمتي تشوفين نفسج عندج عقل وقادرة تقررين بنفسج فاستخدمي هذا مع أهلج.. وإن ما قدرتي تقنعينهم برفضج فاقنعيهم بالتواصل مع ولد عمتج عشان تشوفين هل هذا الرفض الداخلي له مبرر والا لا.

الشجاعة مب انج تكلمين أخو زميلتج.. لكن الشجاعة أنج تطالبين بحقج في مسألة زواجج.


حياك الله مهرة
ماراح أرد أو أتواصل معاه باذن الله لكن ليتها توقف هنا قلبي ياكلني!! أنا مصدومة ماني قادرة أتحكم بنفسي /=

واجهت أهلي بالرفض مثل ماقلت للأخت سديم
لو بقول لأمي أبي أتواصل معاه بتقول أنتي ماتستحين.....ألخ أمي كبيرة ماراح تفهمني غير كذا ماودي تجي مني طبيعي بيسئ الظن وبنفس الوقت صعبة كذا فجأة يلا روحي معاه وأنا ماعرفه ولا كلمته 💔


اقتباس:
المشاركة الأصلية كتبت بواسطة abo marym مشاهدة المشاركة

اسأل الله ان يقدر لك الخير
اينما كان ويوفقك .. اللهم آمين

امين واياك

اولاً ما سبب رفضك لزوجك
هل به عيوب


رفضته لانه بمدينة ثانية بعيد عننا
ولأنه أكبر مني ب9 أو 10 سنين
ويشتغل ضابط وأنا مابي هالشغلة
واستخرت وما ارتحت أبداً
لما شفت الوضع كذا قلت خلاص هو ان شاء الله زين ومافيه شئ والكل يمدحه أحاول أتعايش مع الووضع أبي أرتاح لكن جالسة ألعب على نفسي |=





اشوفك ارتحت لاخوا صديقتك
من كلامها ولمجرد رؤيتك
صورة .. علماً انك لم تجلسى
معه او تتحدث معه


مثله مثل زوجك


ولكنه ابليس عليه لعنات الله
يحبب لك الحرام ويحرم عليك الحلال


أخو صديقتي ماراح أحكم عليه من كلام أخته أنا أشوف، كنت أرجع معاهم كثير بالسيارة من الجامعة وأشوف تعامله مع أهله
وأهالينا يعرفون بعض ونتزاور مو معرفة من كلام أخته بس





تعوذى من ابليس واعطى نفسك
فرصة تجلسى مع زوجك
وان شاء الله ترتاحى له

وعليك باستخارة الله كل يوم
الى ان يقدر الله آمراً كان مقدورا


زوجي من ؟ باقي ماتزوجته ولا اعرفه للان غريب علي
لايجلس بس ليته يرسل يتكلم اشوف هو من أي الكائنات



اما اخوا صديقتك اياك تتحدث له
فهذه خيانه وهو اذا كان لا يخاف الله
سيشجعلك ليستمتع بك بدون زواج
واذا كان يخاف الله فربما يبلغ آخته
وهى ربما تفضحك ويصل الآمر الى
اهلك وتكون مصيبة لا قدر الله


اتقى الله فى نفسك واحسمى
آمر زواجك اولاً وبعدها لكل مقام مقال


ليه تفكر كذا هو كلمني قبل الملكة مو بعدها
ومعرفتنا قديمة لين تخرجت من الجامعة ولا شفت منه شئ بس هالمرة كلمني
ووقتها ماكان متوظف بس بعد ما ملكت توظف ولا كان تقدم من زمان



ابنتى كم عمرك وما هى دراستك ؟

وفقك الله لما يحب ويرضى


عمري 23 متخرجة من الجامعة
واياك الله يجزاك خير

رد مع اقتباس
قديم 30-04-2018, 06:40 AM
  #6
خيال الهوى
عضو مميز
تاريخ التسجيل: Dec 2010
المشاركات: 901
خيال الهوى غير متصل  
رد: بدون عنوان :)

وقت العقد لما سألك الشيخ اللي بيعقد عن موافقتك ، كان قلتي لا .. مالي أحد حق يجبرك على شيء انتِ ماتبيه، حتى لو كان أبوكِ أو أمك !
حتى في الشرع مافيه شي اسمه تتزوجي غصبا عنكِ وبدون موافقتك طاعة لأمك أو أبوكِ !

صدقيني هذي حياتك و محد بيعيشها غيرك، والقرار قرارك .

عموما حاليا، عندك حل واحد من اثنين : إما ترضي وتتزوجي (وتخلصي في هذا الزواج من كل النواحي لأنها اخلاقك) و إما تصري على رفضك تنفصلي ..
رد مع اقتباس
قديم 30-04-2018, 03:04 PM
  #7
مليكـة
عضو جديد
تاريخ التسجيل: Apr 2018
المشاركات: 4
مليكـة غير متصل  
رد: بدون عنوان :)

اقتباس:
المشاركة الأصلية كتبت بواسطة خيال الهوى مشاهدة المشاركة
وقت العقد لما سألك الشيخ اللي بيعقد عن موافقتك ، كان قلتي لا .. مالي أحد حق يجبرك على شيء انتِ ماتبيه، حتى لو كان أبوكِ أو أمك !
حتى في الشرع مافيه شي اسمه تتزوجي غصبا عنكِ وبدون موافقتك طاعة لأمك أو أبوكِ !

صدقيني هذي حياتك و محد بيعيشها غيرك، والقرار قرارك .

عموما حاليا، عندك حل واحد من اثنين : إما ترضي وتتزوجي (وتخلصي في هذا الزواج من كل النواحي لأنها اخلاقك) و إما تصري على رفضك تنفصلي ..

ماقدر وقتها أبوي وش بيسوي فيني ؟
لما كلمته قبل قلتله تبيني أصير مطلقة بعدين؟
أعطاني نظرة تغني عن عصبيته وكل شئ

ماقلتله لأ مو طاعة لأمي وأبوي لكن خايفة من اللي بيصير غير كذا ناوية إذا كلمني أقوله
ووصلت له قبل الملكة اني مابغاه مع صديقه بس ماصار شئ مدري قاله ولالا
أخاف قاله ولا اهتم له !


رضاي بيكون لعب على نفسي وبس
الحل الثاني كيف بسويه فكرت أكلمه وأقوله بس بتصير الصاعقة اذا أبوي عرف انه مني
رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 04:06 PM.


images