يا جماعة أحد يساعدني أزيد من وزني ،، لو عندنا أخصائي أو أخصائية تغذية ..
( أتتمنى كمان الأخت ( بنت مكة ) تساعدني )
بجد ، كل مالي بأنحف زيادة ،،
قبل لا أتزوج و أنا في الثانوية ، كان وزني 42 و كنت أشوفها رشاقة
لإني متعقدة من السمنة بشكل كبير ..
قمت زدت فجأة خلال سنة كاملة ، لـ 55 كيلو و جاتني عقدة بجد ..
خاصة إني وقتها كنت مرة حساسة و أمي يوم تزعلني ، تقول لي ( يا دبة ) و أقوم أزعل و قررت أنحف
مع إنه كان وزن مناسب مرررررررررررررة ، بس مخي وقتها كان كذا
قمت نزلت لـ 50 كيلو ، يوم قريت كتب و غيرت من نظام التغذية تبعي و عملت لي جدول و كذا ،،
و وزني ثبت على الـ 50 و أنا أدرس في الجامعة و الكل كان يقول لي كذا كويييييس و حلو
بس ما كنت مقتنعة بوزني و أشوف نفسي سمينة ،،
و كنت الصراحة متأثرة بعارضات الأزياء و أبغى أصير مثلهم ،،
بالإضافة إلى إنه أخواني يحبوا النحيفة ( يعني العيلة كلها متعقدة من السمنة )
و نظام الأكل في بيت أهلي كذا .. ؟؟؟
و كنت أدعي في صلاتي ،،
( يارب نحفني على خير ، عشان لا أنحف بمرض لا سمح الله )
و نزلت لـ 42 كيلو من أيام الملكة إلى اليوم ،، و مو راضي يزيد وزني من وقتها
طبعا اكتشفت إني كنت بالفعل متأثرة بعارضات الأزياء .. و كنت أشوف إنه هذا هو مقياس الجمال
و صايرة مثلهم ،، بس من يوم ما ملكت انتبهت على حالي و اكتشفت الشئ هذا
أحاول أزيد ، ماني قادرة أبدا ..
حملت و الحمد لله زاد وزني ، لكن مع الولادة رجع وزني مثل ما كان ..
إيش الحل ؟؟؟؟
من شهر تقريبا ، داومت على شراب فيتامين لمدة أسبوع ..
و وقفته بعد أسبوع لإني كثرت منه و كثرتها تضر الجسم ..
رجعت من يومين ، أخد بس ملعقة أو 2 في اليوم ..
و أحسه بيفتح شهيتي و الحمد لله ، لكن مجرد ما أوقفه ،، بترجع حليمة لعادتها القديمة ..
المشكلة إنه الفترة اللي غيرت فيه نظام الأكل تبعي زمان ، علشان أنحف ..
أحسها خلاص عالقة فيا ، يعني مثلا ، استبدلت الحلويات بالفواكه ،،
و وصلت للدرجة اللي صرت ما أحب الحلى أبدا ..
المهم ..
ما أعرف إيش أكل ؟؟؟؟؟
أروح السوبر ماركت و نشتري و نقضي و تخلص الأغراض و أنا ما أكلت منها ،،
و ماشاء الله تبارك الرحمن ( شغالتي زادت 20 كيلو ، و تقولي أبغى أشتري دواء للريجيم )
قلت لها ، أمشي و تنحفي ،،
( زوجي مقهور منها ، يقول الأغراض عشان إنت تاكلي مو هي )
و أمي شافتها بالكاميرا تبع الماسنجر ، قالت لها يا بنت تخنتي أنحفي
يعني كل شئ موجود ، بس العيب فيا ..
ما أكل ؟؟؟؟؟ و ما أحب الأكل ؟؟؟؟؟
و مع الدراسة ، و الغربة ، و المشي ، و العصبية ، مابقي شئ من الدهون .؟؟؟؟
أحد يساعدني بالله قبل لا أختفي
التعديل الأخير تم بواسطة (نهر الامل) ; 25-12-2009 الساعة 04:34 PM