سافرت عاملة المنزل لدينا إلى بلادها في إجازة كانت تبكي لأنها ستفارقنا لفترة ظلت فترة وهي تضم أولاد أخواني وذهبت وإشترت لهم هدايا

عند السفر سلمت عليها وطلبت منها أن تسامحني إن كنت في يوم أسأت لها أو ظلمتها

أحترمهن كثيرا ويكفي أنهن في غربة ومشقة ليعيلن أهلهن وليبنين لهن مستقبل محترم، الفقر مذل يجبر الانسان على الاغتراب مع المجهول، نحن نبعد عن أهلنا فترة أسبوع أو أكثر وتجدوننا في شوق لهم، فما بالكم بهن إغتربن لسنوات طويلة.

كثيرا منا لديهم عاملات فهل سألنا أنفسنا كيف نحن معهن، الخوف كل الخوف من ظلمهن، أو إستغلال غربتهن وضعفهن.
ولنا في رسولنا الحبيب صلى الله عليه وسلم أسوة حسنة فصلى الله عليه وسلم لم ينهر قط خادما.

صحيح بعضهن تكون المشكله منهن ولا يحفظن الإحسان ولكن تظل إنسانه لها كرامه فلنحترمها.

هكذا هو التعامل المثالي لمثل هؤلاء الخدم المستضعفين

فما اجمل أن نكون قدوة في تعاملنا

بارك الله فيك وكثر من امثالك

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

أختي العابدة

صادقة و الله ،، و الله يكثر من أمثالك و يجزاك كل خير ..

هذه طريقة معاملتي للشغالة ،،
و على قد ما جاتني انتقادات من البعض ، بس أنا شايفتها تحبني و تحترمني و تقول لي
( مدام لا تتغيري ، أنا أحبك زي كأنك أختي الصغيرة )

تصير منها مواقف ، بس أعذرها و أقول مغتربة

حتى تجي مرات تحاول تسبب أي مشكلة ، و أطول بالي عليها ..
أقول يمكن قربت الفترة اللي تجي كل شهر
أو اشتاقت لأهلها

مرة جات تبكي و حسيتها ماهي عارفة تشتكي من ايش .. الحمد لله كل شئ متوفر لها ؟
قلت لها هدي أعصابك شوي .. بعدين سألتها إيش فيه ؟؟؟

جلست تقول شوية ، خلاص أنا أبغى أسافر ،،
خلاص إنتوا مو عاجبكم شغلي ، جيبوا وحدة غيري .. إلخ
قلت لها ، أحد اشتكى ؟ أحد تكلم ؟؟؟
تقول مادري .. و جلست تخبص إلخ

قلت لها ، شوفي .. إنت تعبانة عشان ما شفتي أهلك من زمان ،، صح ؟
قالت لي ، إيوة ، مو شهر أو 2 .. من سنتين ..
قلت لها ، خلاص .. بس اصبري أخلص دراستي إن شاء الله كم شهر ،،
و أنا من دحين أدور لك على حجز .. خلاص بس كم شهر ..

جلست تقول ، أنا جالسة غصبا عني ، عشان الأوراق تقول لازم أكمل سنتين ..
( طبعا أتضايق بداخلي ، إنها ما تقدر كل اللي بنعمله عشانها و إني ما عمري قلت لها اعملي كذا و كذا ) ..
بس قلت مسكينة ، ما تعرف تفضفض لمين ؟ مثل ما نحن أحيانا بس نبغى نفضفض

بس الحمد لله ، تاني يوم رجعت عادي و لا كأنه فيه شئ و لا استقعدت لها على كلامها ..

بس صار موقف مني ، خاصمتها بيوم و عصبت عليها ..
بس بعد يومين جبت لها هدية صغيرة ،، لإنه حتى لو الحق معاي ،، ما أبغى أموت و أحد شايل في قلبه علي
خاصة الضعفاء و الفقراء .. لإني إذا قدرت عليها ، فهناك ربي اللي يقدر علي

------------------------

بجد ربي يجزاك كل خير

أختي سحابة الصحراء جزاك الله خير على مرورك

هم مسؤولين منا وسوف نحاسب على تعاملنا معهم، أقول دائما هي موظفة عندنا وأنا موظفة عند مدير آخر كيف أحس إذا أهانني مديري أكيد أزعل وأدعو عليه وهكذا دائما أذكر نفسي بذلك

روح الطير أكيد هم مش ملائكة وأكيد بعضهن يكيدن المكائد ولكن المعروف وحسن التعامل يجبر الشخص على الطوع والاحترام

نذكر أنفسنا دائما بأأننا مسؤولين عليهم دامهم على كفالتنا وحمايتنا

تعاملك جيد معها روح الله يجزيك الخير

نورتي غاليتي

خدامة بيت اهلي ظلت عندنا 19 سنه

ولما سافرت سافرت غصب عنها لانه بناتها بيتزوجون !

اتذكر امي كانت تصب لها الاكل قبلنا كلنا .. وتعاملها باحترام شديد وتعلمنا نحترمها ونحترم نومها وراحتها لانه الشغلة مو استعباد

من لا يرحم .. لا يُرحم



انا حتى الآن ما عندي خدامه بس ما اظن بعاملها اذا جبتها غير عن امي

__________________

جزاكي الله خير اختي العابده

المفروض نعامل الخدم بالحسنى

فمهما كانوا فهم بشر ولهم حقوق

حتى لو كانوا يحتاجوا صبر ومو مطيعين

فربما المعاملة الحسنة تخلي معاملتهم زينة

بكر الشايب لو تعلمي عن أمي كل ما تشوفنا جالسين تقول أنتن جالسات والفقيره تشتغل مع أننا نساعدها أكيد حتى أحيانا أغار منها لاهتمام أمي بيها هههههههه

19 سنو ما شاء الله أكيد عشرة عمر وأكيد أنها كانت مرتاحة معكم

وإياك أختي إضاءة أمل

صدقتي هم بشر متغربين أجبرتهم الحياة على السفر والغربه

ماشاء الله عليك ياعابدة ...واللي حابة اقوله..(كلكم راع وكلكم مسؤول عن رعيته)..والعاملة بماانها عايشة في بيتك فهي من رعيتك...فإتقواواواوا الله عزوجل فيهن ...فهن ضعيفات مسكينات...

كسرت خاطري ياروح الطير على عاملتك..الله يجمعها بأهلها عن قريب

__________________
{اللهم أكرم اخواتي الغاليات عاشقات الامومة بالذرية المباركة والطيبة قريباً يارب}