السلام عليكم ..
لجأت لهذا المنتدى بعد الله بسبب الردود الحكيمه
مشكلتي..
زوجي اخذ اجازه مدة شهر عشان نسافر ونتمشى في ربوع بلادي
مشكلة زوجي التقصير في صلاته ودينه لآبعد حد .. متزوجه
من 7 سنوات عندي بنت وحامل ..
انا انسانه مااحب اتدخل في خصوصيات زوجي ابدا
مشكلتي زوجي عنده اصدقاء سوء بكثرره
من سفر وشرب وبنات ..
زوجي كل سنه بحكم دوامه ياخذه اجازه خارجيه ويسافر معاهم
لمدة يوم لدولة خليجيه قريبه منتشر فيها انواع المنكرات
اليوم بنتي كانت تلعب في جوال ابوها وفتحت محادثاته مع شلة الفساد
سبحان الله والله العظيم اي غلط زوجي يسويه ربي يكشفه
اخذت الجوال منها وانصعقت من الكلام اللي قرأته
مجهزين سفر الاسبوع الجاي لل.... وكاتبين احنا بنسافر قبلك
عبال تطلع اجازتك بنسبقك بيوم نستأجر ونجهز الشراب ولازم
نخربها وختامها خراب قال زوجي اوك قالو ولازم الكوش مافهمت معناها
قال جاهز وكلام كثير انا انعيت من القهر بس اتعوذت من الشيطان
وحطيت الجوال .. وقلت ماراح اتخذ اي ردة فعل تسبب مشكلة كبيره
قلت اخذ رأيكم هل المواجهه او السكوت للعلم بيسافر يومين او يوم
وبعدها بنطلع نتمشى و ع العيد بينزلني بمدينة اهلي ويرجع
خايفه من الغضب جددا منصايقه نسيت زوجي كاتب لاصحابه خربوها وانا بجي اخر الليل
خلصو خرابكم انا عاقل وفيس وجهه مقلوب طيب والكلام اللي فوق ياعزيزي
افيدوني احس اني ابغى اموت من الغضب ومو مصبرني غير اني مااحب اتخذ قرار بدون دراسه

يمكنه عاقل، فيه ناس كثير يسافرون واصدقائهم ربما يخربونها وهم عاقلين، ومش بالضرورة ينساقون لنفس الطريق ربما عندهم مبادئ أو يعرفون أضرار هذا أو ذاك، هذا بشكل عام، إلا أنه قد يكون الصديق ساحب ويجد المرء نفسه بذات الطريق.

يمكن يقصدون الكوش، يعني الكاش ههه

على كلٍ أنتي أعرف بزوجك، وبالأسلوب الأمثل، مثلاً يمكن تجيه بطريقة تخوفيه والله أنا مو مرتاحة لروحتك أحس فيها شي غلط، بطريقة تخلين الماء يدخل فيه، وتحرصينه وتنبهينه من الأخطار والمشاكل.

كأني عرفت الدولة كنت فيها قبل يوم قبل أسبوع بحكم أني متواجد في مدينة قريبة منها، جلست فيها ليلة بحكم أني مارحت لها أبد بحياتي ومن باب أني زرتها.
أن كنتي تقصديها كثير مرة شباب وعوائل يرحلون لها، ولكل فرد غايته، والله يحفظ الجميع.

__________________
ياصبحِ لاتِقبل !!
عط الليل من وقتك..

الله يعينك يارب ويرشدك لااافضل حل بدون اضرار..
انا اعاني من نفس المشكله لكن ماكشفته الا لما رجع وانا للحين ساكته افكر بحل وهو عارف اني كاشفته وساكته مرررتعب ويحاول يكسر صمتي عشان يرتاح
الله يكفينا شر هذي المنكرات ويهدي شباب المسلمين

طول عمري اقول المفروض الزوج ما يسافر لحاله و يترك زوجته و عياله

سبحان الله كأنه له نفس للونسة و سعة الصدر و زوجته مالها نفس

الله المستعان اختي

ارى انك ماشاء الله تبارك الله عندك قوة تحمل و صبر ، اذا قدرتي تتصنعين انك ما سمعتي المحادثات و تقنعينه انك تسافرين معه بدل اصحابه فهذا ممتاز و اذا ما قدرتي الله يعينك و هو هناك في البلد اللي تقولينه ارسلي له فيديهات عن عذاب القبر و اهواله و عن عذاب الزاني و حكمه و هو محصن ..الخ عساه يخاف من الله و يبطل و عشان تنكدين عليه بضميره

و الله جاء في بالي سؤال.. الحين طاعة الزوج اللي يشرب و يعصي الله و يزني واجبة كمان؟ و اذا دعاها للفراش و امتنعت و بات غضبان عليها تلعنها الملائكة؟ معقولة؟

__________________
يـــــا رب
و الباقي وحدك تعلمه ..

أختي ما تلاحظي أن عندك برود ؟

خطأ في تفكيرك

زوجك عنده قصور لأبعد حد ، بحد ذاته كلمة أبعد حد تأخذنا لبعيد ، شلته شله خطيره
وانت ما تدخلي في خصوصياته

ودي أفهم حدود تفكيرك في خصوصيات زوجك

هذا خطر على الاسرة واكبر من كلمة خصوصيات

خلال سبع سنوات من عمر زواجك بادرتي في نصحه ؟ غيرتي في شخصيته

الحياة مع الطرف الاخر اما أن تُؤثري فيه او يُؤثر فيك

وين نتاج سبع سنوات

أعذريني بس حطيت نفسي مكانك ما أقبلها لنفسي

__________________
يا رب خاتمة حســنة ، وزلفى ، وحسن مآب ..

تأكدي ان زوجك مايروح للمنكرات هذي.. طبعها مثل ماقالو فيه كثير صالحين ويمشون مع شلة فاسدة وعادي انا شاب و اعرف الكثير من الشباب منهم من هو طالح ومنهم من هو صالح وليس بالضروري انهم راح يفسدوني وراح اصير مثلهم.. ولو كان ممكن كان صرت من زمان هههههها.. .. عادي شفت الكثير والكثير . مثل ذول.. بالعكس ربما الصاحب الطيب يغير من سلوك الصاحب السيء. وهذا ما شاهدته.. مقولة التفاحة الفاسدة لا تصلح لا اعتقد انها صحيحة.. لأني شاهدت من الشباب الفاسد من اصلح امره واهتدى وتاب وتزوج وعقل.. نتيجة لمصاحبته لمن هو جيد.

وعليكم السلام ورحمة الله وبركاته

ان شاءالله زوجك مش متل هالأصحاب اللي ماشي معهن ومش بالضرورة يكون متلهن

بس فيكي تتبعي أسلوب غير انك تعرفيه انك بتعرفي او شفتي المحادثة
مثلا خبريه انك سمعتي من زوجات او قريتي من النت قصص لرجال بيسافروا مع اصحاب السوء وانغمسوا بالمحرمات وبالآخر عرفوا حالهم انهم ناقلين أمراض خطيرة ونقلوها لزوجاتهم واولادهم
) وبالفعل هالشي صاير وانحكى عنو بالاعلام وانا سمعته )
فهيك اتناقشي معو وإحكيه انو شو هالرجل اللي ما بخاف من ربه ولا على عيلته واذا ما خاف على نفسه ليش ليبلي غيره
واعطيه رايك مثلا قوليلو لو أنا محل هالانسانة اللي نقل لها زوجها المرض لكنت مش بس اكتفيت برفع دعوى عليه بل ما رح ارتاح لشوفوا عم يعاني الامرين لانو من ايده بس مش ذنب بنت الناس باعماله السيئة
وهيك افتحي معو الموضوع وشوفي ردة فعله
وطبعا امدحيه وقولي بشكر ربي انك مش من هالنوع والا ما بتحمل وما بعرف ردة فعلي لوين بتوصلني

وشوفي عالنت هيك قصص او فيديوهات وبلحظتها قوليلو ما عم صدق معقول في هيك اشخاص وفرجيه وعندها افتحي معو الموضوع واحكوا عن اللي شفتوه


الله يسخر لك زوجك كما تحبين
دعواتي ترافقك

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

لامو من جدهم اللي يقولون ان أصحاب السوء مايأثرون عليه
وهو ليش رايح معاهم عشان يحدّثهم مثلا!!
الرسول صلى الله عليه وسلم حذّر من رفيق السوء ووضح خطره بأنه ان تبعته في شيء من سؤه ألهب دينك وحسناتك بنار المعصية وان لم تتبعه ستتضرر بكآبة جهله وفحشه وفسقه ولو بمجرد مجالسته

أنصحك أختي انك تحاولين قدر الإمكان منعه من تلك السفره ولو على حساب سفرتكم

وموضوع الصلاة اهم من كل شيء لاتسكتين عليه ابدا ولا يعتبر من الخصوصيات

السلام عليكم..
اسفة مارديت لظروف
المستجد ..
قبل سفر زوجي بيومين اخذت البطاقه ودسيتهاوالحمدلله ماسافر
بعد اسبوع اتآكدت من جواله ان اصحابه رايحين لبنات وخراب وصورهم في القروب
قمت صليت ركعتين واستخرت وكنت مصره ع طلب الطلاق واغراضي كانت جاهزه لآن
كنا بنسافر نتمشى من ردود زوجي ع اصحابه اتآكدت انهم يروحو عشان الخراب
قعد زوجي من النوم كنت ملتزمه الصمت الكامل واستغفر واجهز اغراضي اللي مااخذتها للسفره سألني انتي جاهزه عشان نسافر نتمشى قلت انا قررت اسافر لآهلي الح عليه بالسؤال
وانا ساكته عرف ان فيه شي جلس معايه وحاول لين اتكلمت بهدوء وعلمته اني شفت كل شي
جلس يحلف ايمان انو بس يجاري اصحابه لآن يقول اللي مايرد يقولو ليه مو رجال وجاب المصحف
وحلف عليه انه عمرره بحياته مالمس بنت غيري وان الله يشهد انه يروح يتمشى وان اصحابه اذا
جو يسو الغلط يخرج عنهم ويروح يتمشى لين يخلصو ويلحقوه وقال ثقي فيني انا مستحيل
اروح للحرام انا عندي زوجه وعندي بنت حسيت من عيونه ان كلامه صح وكذا تقريبا ارتحت ..

وجزاكم الله خير ع ردودكم بالنسبه لرد الاخ ياسر
فعلا يقول والله اني احاول امنعهم واحاول انصحهم
يقول في الاخير كل واحد ربي بيحاسبه
وطلب مني إني مااعلم زوجات اصحابه عن اللي شفته لأن كلهم علاقتي فيهم قويه
قلت مستحيل اخرب بيوتهم ومصير الواحد ربي بيفضحه قدام زوجته انا مستحيل اخرب بيت احد
او اشتت اسره بس ياالله قد ايش قلبي وجعني وقت شفت صورهم مع بنات وزوجاتهم واثقين
بجد قلبي وجعني الله يهديهم..