الف مبروك مقدما
لو كنتي اختي بقول لها اخذيه

تسلمين
الزواج عندنا كله مبنى على اكشط واربح .
مابغى اتزوج زواجه بسيطه بعدين اتندم بس بعد ايش .. !
انا شايفه نماذج كثيره حولي تنازلوا تنازلات كثيره و بالاخير خسروا
اللى شايله نفسها و تصرف على بيتها و اللى متورطه باولاد و اللى اخذ فلوسها
واللي طلقها واللى مشيه حياتها تمشيه ..
على الاقل هذا يسوى ^_* لو حدث اى شي ليس في الحسبان ..
من خطوباتى السابقه و اللى اشوفه ..
اول اولوياتى بكل صدق هي الماده ..
ثم اخلاق الشخص و اهله ..
استخرت مهره ^_^ و احس انى اميل للقبول ..

الله يبارك فيك مبتعثه
خواتى ماقصروا اللى مايده واللى معارضه بس الصوت الاغلب مويد ..

كلمنا اخته وقالت بكره عندى ضيوف مانقدر نجى
ايش رايكم تشرفونا انتم انا عازمتكم و اخلي فليكا تجلس معه ...
رفضت لان صعب جداا ..
قالت اذا احاول اخليه يزوركم العصر او بعد المغرب ..
وتقول ايش تبغون تعرفون اسالونى عنه و اجاوبكم ..

مدري.. بس كشيت يافليكا

الله يكتب لك اللي فيه الخير ويطلع الموضوع عند حسن ظنك

__________________

اختلافي عنك لا يعني اختلافي معك

اختى قالت كدا بس بعدين سالنا عنهم
وطلع كل اخوانه متزوجين من عائلات عاديه ولا واحد فيهم متزوج
من نفس عائلتهم حتى امهم من عائله عاديه ..
ونفس قبيلتنا ..

يابعد قلب ابله دلال
تدرين اني احبك حتى لو اختلفنا شوي يمكن لأنك تشبهيني و نفس المواليد


مع اني والله الايام اللي راحت مشغولة نفسيا وجسدياً بس تابعت موضوعك بإهتمام وعطيني من وقتك واقري تحليلي المفصل للموضوع وكأني صاحبتك وجالسين نتقهوى في كوفي ونتناقش

اولاً : انا معك جداً في ان المادة والوجاهه والنسب الطيب يشيل الرجل مهما كانت عيوبه غير الدينية طبعاً يعني معليش واحد ثري جداً ويعيشك مستوى مخملي حتى لو اخلاقه شوي سيئة او فيه عيوب او لاسمح الله تزوج عليك فيه شي يشفع اما لا فلوس ولا اخلاق هذه المصيبة وللأسف هذا الغالب ترى
ثانياً : في بداية الخطبة كنت مؤيده للموافقة 70 بالمية لأن الحياة فرص وانت اقتنصي فرصك ولاتضيعينها
ثالثاً : انصدمت من بعض التطورات وهنا وقفت ستوب! لأن الموضوع بدت تخالطة ريبة
ليييه مستعجلين إستعجال غير مبرر ! لاتقولين هم يبون يخطبوني من سنتين انا ماعلي من السنين اللي قبل! ليه الآن يجون طايرين حريصين ماتتعمقين لا في التفكير ولا السؤال ولا الوقت ولا التعارف يعني حتى ايام السبعينات اتوقع محد كذا يجي يخطب وفي يوم الخطبة تونا نقول يارحمن ويقولون الملكة الخميس ؟! على الاقل حتى لو واثقين من انفسهم احتراماً للأسره اللي تقدمتوا لها ولطقوس الزواج عندنا ماتقولون كذا وكأنكم تحطون الموافقة في جيبكم ؟!
الشيء الثاني لاحظت مايبون تصير خلوة صريحة بينكم يعني المفترض كونهم عايله راقية وانتو عايله متفتحه ان الشوفه جلستوا لحالكم صح ؟ ليه اخته لاصقه فيه ماتفارقه !' ليه مايتكلم واجد هي المتكلم الرسمي !'
ليه حتى لما قلتوا بتجلس معه استدركت اخته الموقف بالاعتذارات وانو اسألوني انا عن اي شي تحبون تعرفونه ؟! اصلاً هي حاشره نفسها بقوة كذا ومتصدره ليه ؟ خلاص ماقصرت وخطبت الصواب الان تنسحب بهدوء والميدان لك انت وله هو فقط !

والشيء الثاني احس توترك مبالغ فيه وكذا ماراح تقدرين تتخذين قرار .. وحده من البنات سألتك قالت أمراء قلتي لا ؟! معناه ثري عادي من عائلة معروفه حتى لو يشغلون مناصب دبلوماسيه السعودية دولة كبيرة جداً وعوائلها الثرية والغنية كثيره جداً ومتداخله مع الباقيين في النسب وخلافه ومافي شي حساس مرره ويخوف لهالدرجة ..
والطبقة هذه السؤال عنهم بحد ذاته صعب لذلك اقولك مليون مره طووولي فترة الخطبة وتعرفي عليه بدون تدخلات خارجية اتمنى مايكون فيه عيب خفي !! وأتمنى اكثر مثل ماقالك واحد من الاعضاء وكان عنده بعد نظر استكشفي بحنكتك جديتهم في الزواج المستمر الدائم الكامل : )


الله يسعدك يافليكا ويفتح على بصيرتك وتتخذين القرار الصائب اللي ماتندمين عليه يارب

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

الله يختار لك الخيرة الطيبة....فعلا كلام دلال ليه ملزمة تجي مع أخوها ليه ما يجي هو وأخوه وبلاش تجي دامها مشغولة أحسن كمان...كمان ليه للأن ما توظف عمره مو صغير..بالتوفيق يا رب

__________________
سبحان الله وبحمده..سبحان الله العظيم

صح ابله دلال ..
وهم ماغصبونى بامكانى اقول لا و ينتهى الموضوع ..
نسبهم ومن يكونون مابغى اتكلم فيه واعتذر من الجميع ..

طيب بفكر معك بصوت عالي ^_^ ..
اخته تكلمت لاننا كنا ساكتين و بعد هم مهما كان قبائل و يعرفوا عادات القبائل
نكون واقعيين نااادرا جدا بنت تجلس مع شاب و يتقابلون وحدهم بحجه بيخطبها
و هى لما طلبنا قالت ابشروا و ماعارضت ..
و جت على الاصول والعادات تخطب و بعدين شوفه و بعدين قالت ملكه ..
"وبعد نكون واقعيين و منطقيين شي طبيعي يتوقعون الموافقه و ماظن اى بيت بيرفض نسبهم "
يابله دلال يجوك مرات ناس مايسوون لا اخلاق لا مال لا شي و مع دا يتشرطون
و يلفون بيوت الناس يتخيرون ^_^ صح ولا لا ؟!!
بخصوص التعدد كل العائلات اللى زيهم اغلبهم يعددون حتى لو متزوجين بنت عمهم
الاميرات مُعدد عليهن .. وشي طبيعي ..
المهم ماينقص عليهم شي ، حكايات الحب و الوفاء كلها اخذناها من الافلام
و مسلسلات الاتراك الان ترى ماتقنعنى ^_^ جد والله كانها استحقار للعقول ..
شي غير منطقي بتاتا للى يعرف الحياه و الطبيعه بشكل عام ..
ولو كانت موجوده فرضا يعنى ، هل نظمن انى القاها مع شخص من العامه ؟!
هل اظمن انه مايعدد ؟!
انا اشوف كثيير يعددون و الزوجه تضيع او تشيل نفسها و بزورتها او تخضع مجبره
ماتلقى من يستقبلها حتى اهلها ..ولا عدل و لا خلق ..
نجى للزواج الموقت : ايضا حالات الطلاق عند العامه كثييره جدا و عددمهول
وباسباب واهيه ، ماحبيتها ومارتحت لها ما اعجبتنى ؟!! طيب وين كان الحب يوم خطبتها
القهر هنا لما يكون شخص مايسوى يسوى معك كدا < ماتهون علي نفسي ^_^
و بعد ماتوقع انه موقت لان قالوا انه معلن و قالت بالزواج ان وافقتم بلغونا بدرى
عشان تحضر عماته من الرياض و اعمامه و خالاته اللى مقيمين برا ..
وكان لى تجربه مع واحد اقل منهم شرط ان الزواج سر و غير معلن و كان متزوج
وزوجته مايبغاها تعرف و شرط مافيه تصوير .. < هنا وااضح انه موقت فرفضناه ..'

وانا للان مو مستعجله باخذ وقتى ان شاء الله ^_^
وان فيه شي ثانى غفلت عنه نبهونى مشكورين ..

مايبغى وظيفه اظن ..
شكرا لك