الحمد لله رب العالمين

عطوني رايكم زوجي يتحرش بسهوله
يعني الكلام اللي يسمعه من الغير ياثر على علاقتنا

زوجي فجاءة يقلب عليه ويبداء يتكلم باسلوب مو اسلوبه فاعرف انه متعبي راسه
هاوشني اسبوع وكنت اصلح كلي انوثه واسكت واذبل عيوني
ومن كثر مايحرقني كلامه كنت ابكي
يهاوش ف الصبح وابكي ويجي المغرب ماكانه صلح شيء وعايش عااااادي بس منتفخ ريشه وحاسس انه منتصر عليه
وعشان اكون صادقه كنت ادعي عليه منننن قلللللب في كل صلاتي وسجودي
لاني اسكت ويزيد واسكت ويزيد واسكت ويزيد
لحد مابداء يتعمد يعطلني
عندي موعد ف المستشفى مايوديني
طيب طاحت التلبيسه ماوداني
عندي جلسة ليزر ما وداني
محل العبايات قفلوا واتصلت بهم قالوا جيبي الفاتوره ونعطيك فلوسك ما وداني
ملابسي ضاقت ابي غيرها ما وداني
حبوب وادويه خلصت عليه رفض يجيبها ادويه لمرض القلب
طلبات ف البيت ناقصه ما يجيبها الا بعد ما افقد الامل وتجي ناقصه
يتعمد يقهرني بشكل وااضح وانا مسويه نفسي ثلللللللج
ابي اشوف النهاية
النهاية منعني من الدوام وقال مافيه تروحين شغلك
عاد هنا سالته بكل لطف ليش قال ما ابيك تداومين بيتك اجلسي فيه
يهديك يرضيك يا ابو الشباب راكبته جنيه وقام يهددني بالضرب
عاد سكت وناديته باسمه وقلت متاكد انك تتكلم معي انا زوجتك
قال ايه والله لو اقوم ان تندمين
قلت ربي يحاسبك
وحبسني 3 ايام لا يخليني اداوم ولا جاب طلبات للبيت
بعد كذا شفت ان مامن الصبر فايده
فكلمت اهلي وكلموه بالجوال قام يعاند ويصرخ
وصار الموضوع تعنت منه يبي يذلني عنده ف البيت لاخيره ولا كفاية شره
وحلف مايوديني لاهلي ولا لدوامي ولا يخرجني من البيت الا مطلقه
متخيلين يقول لاخوي والله ما اخرجها مكان الا مطلقه
والله عزت علي نفسي
حسبي الله عليه
وبعد ما تحايل عليه اخوي وافق يخليني اروح مع اخوي بيته
وانا لميت شوي ملابس وجاء اخوي بكل هدوء سلم عليه وخذاني

وهذا انا اداوم من بيت اخوي وجالسه متكية عند اخوي قربت الشهر
ولا سال عني
المهم حالفه ماعاد ارجع له ..للاسف خابت فيه الهقاوي
تعدل في الصلاة وتملعن ف باقي الامور

زوجي ماكان كذا بس فيه احد معبي له راسه
استخدم كلمات اول مرة اسمعها منه
وجالس يقول من اليوم ورايح بتتفير معاملتي معك لاني ما استفدت منك ولا شيء

عطوني رايكم ..الله يوريني فيمن عبى راسه يوم اسود





تم تغيير العنوان ليتناسب مع المضمون

__________________
من عاش لله ومات لله فقد ربح دنياه وأخرته...

اختي وبكل وضوح وشفافية ماعتقد يقدم هالانسان علي كل ما ذكرتي الا هناك
امور كثيرة تاتي من جانبك ..معقل يمنعك عن الدوم بدون سبب
كي نساعدك وتا خذ بيدك لحياة افضل ارجو الاجابة علي الاسئلة

كم مدات زواجكم؟
عمرك وعمر الزوج؟
يوجد اطفال؟
عملك يوجد فية اختلاط؟
ماهي اهم سلبياتك وبكل صراحة ؟

__________________
سبحان الله وبحمده سبحان الله العظيم

وش معبين راسه فيه
ليش يعاملك كذا

متأكده احد يحرشه ؟!

ولا مجرد احساس وسوء ظن

__________________
وهل من مصير اخر ؟

اتوقع فيه أسباب

مو معقولة متعبي راْسه و يعمل الحركات هذه !؟

من جدك انت تفسرين تصرفاته ان احد معبي راسه ؟؟!!!!

موب لهدرجة عاد ماله عقل ولا له راي ..

واحد من ثنتين يانه فيه تراكمات بينكم يانه فيه مرض روحي

انتي باقي شاريه العشره معه ؟

__________________

ما فيه ثقافة زوجيه عند زوجك وﻻ فيه احتواء للمشاكل الزوجيه وﻻ فيه فهم لنفسية الزوجه
الجهل غالب على تصرفات زوجك
معتقدات جاهليه انه الحرمه ﻻزم تقمعها
الله يفرجها امين
ﻻ ترجعي عنده اﻻ بشروط
يحترمك
يوصلك مشاويرك
يعاملك بانسانيه
يعطيكي حقوقك كامله
يقرء شوي ويثقف نفسه بالحياه الزوجيه
وان الحياة مو بس اوامر
فيه شي اسمه موده ورحمه
ﻻ ترجعي
اﻻ لما يشوف ابوك واخوانك
وانت كمان حاولي خبري اهلك بكامل القصه علشان يعرفو يتعاملو معاه
وحاولي اتفقي معاه تروحي مستشاره اسريه انت وياه علشان يفهم الحياه كيف ماشيه
الله يفرجها امين

__________________
انا لله وانا اليه راجعون

زوجك يبي يطلقك، وهذي التصرفات اللي يسويها هي تنكيد لعيشتك

يبيك تطلبين الطلاق أو إن الطلاق يجي بسبب قدام أهلك وغيرهم عشان ما يظهر بمظهر مش كويس

آسفة لكل اللي حصلك، وأعتذر لو جرحك كلامي بس هذا اللي استنتجته من الموضوع وأشوفه واضح جدا

إذا ماعندك أطفال، فالنجاة من مثل هذه النوعية مكسب.

__________________
ياصبحِ لاتِقبل !!
عط الليل من وقتك..