السلام عليكم .. عندي مشكلة وراح أدخل فيها بدون أي مقدمات .. انا بنت مملكة وزوجي من أول ماملكنا مارفع السماعة يسأل عني لأن مثل ماحكوا لي واللي عرفته بعدين انه خجول وانا والله اني خجولة بس قلت مو معقولة كل هالمدة وماتحرك قلت لازم أعمل حاجة أخليه يتحرك ..المهم أرسلت له رسالة بالجوال وهو على طول اتصل فيني وكان مستغرب اني كيف حصلت على رقمه وقلت له ان أخي هو اللي عطاني رقمه وقال تفاهمي معاه وعلى اساس انه زوجي وعادي كل هاللي سويته المهم .. الأخ ماصدق وصار له لمده اسبوع وهو يرسل رسايل وبعد هالأسبوع قالي خلينا نقطع الاتصال بس انا بالأول مارضيت بس بعدها رضيت لما حسيت هالشي راح يريحه . وبعدها بشهر ارسلت رسالة وقلت ان عندي مناسبة علشان كذا ارسلت هالرسالة وبعدها طلبت منه انه يطمني على نفسه كل اسبوع ووافق وبعد هالأسبوع ارسل رسالة وبعدها انا طلبت منه طلب ان أبغى اسمع صوته هو قالي زين ودق علي وكلمتة وظلينا على هالشي لمدة اسبوعين وبعدها جانا العيد وانا قبل العيد كلمني وسالني كذا سؤال وقال في احد خطبك .. قلت له كثير قبلك .. وبعدها طلب مني اني أتغطى وانا رفضت هالشي وقلت اذا صرت عندكم راح أسوي اللي تبغاه المهم ماحسيت انه متضايق .. وبعدها .. ارسلت رسايل على طاري العيد وأشوف زوجي مايرد على لمدة اسبوع طبعا أول رسالة بارك لي بالعيد وبعدها ماأرد علي وبعد هالسالفة باسبوع اتصلت فيني اخته وبعد ماسلمت على قالت في اشياء هو موعاجبته فيكي قلت ايش هي قالت انه حس اني جريئة كيف انا ارسلت رسالة واني انا اللي بديت بهالشي انا فهمتها قلت هالشي عادي مادام هالشي امام الله .. وقالت لي اكثر من شي .انا رديت عليها وقلت لها ليه هو ماقالي هالحكي قالت هو مايبغى يكسر بخاطرك خايف عليكي .. المهم بعدها قلت لها شوفي شاللي حاصل عنده وكل شي بالتفاهم وهي قالت صح كلامي .. المهم اجا أخي وقلت له على اللي صار وبعدها أخي اتصل على زوجي وفهمه قاله ترى هالشي هذا عادي وانت فهم اختي اللي هي زوجتك وقلها ايش اللي تبغاه لأن راح تتعب لهالطريقة وقاله تراها زعلانه بس هو رد قاله اأخي هد الموضوع ماصار الا الخير . وبعدها بيوم ارسل رسالة وانا مارديت وبعدها ارسل مرة ثانية ورديت عليه وقالي كل شي يحصل بالتفاهم .. انا قلت له المفروض تجي تكلمني ماتكلم اختك قالي انا ماكنت اعرف انه راح يحصل كذا وقالي انا زعلت على اختي ومن هالسوالف على اساس اني ارضى .. وبعدها ماهد السماعة الا وانا راضية مو متضايقة .. وبعدها اتصل فيني وقالي انا عندي شروط أبغاكي تنفذينها قلت اوكي وكل شي يجي بالتفاهم وبعدها تفهمنا وقالي انا اغليكي المهم بنات ابش رايكم باللي حصل ..بعد مانظر لي زوجي هالنظرة بأني جريئة ايش رايكم هل اتوقع انه راح يستمر ينظر كذا وانا ايش اعمل هلى أطنشه ولا أدر على مكالماته وخاصه انه قال ماأبغى الاتصال بيني وبينك ينقطع بس انا قلت اذا تبغاني انا موجوده اما اني اتصل فلا وألف لا علشان لايحط في باله اني جريئة بغير نظرته 180 درجة ايش رايكم ...

علي فكره كل ناس لهم عادات وتقاليد واذا كان عاداتكم متشدده في هذا الموضوع انا انصحكي بعدم مكالمته وممكن رسالة معايده فقط

وعلي فكره انتي خفيفه مره اثقلي ترى الرجل يحب الثقيله

أختي الغالية أولا مبروك والله يتمم عليج بالخير .. انصحج بعدم مكالمته الا اذا هو اتصل وهذا مو كل يوم علشان تروح الفكرة الي ماخذها عنج .. لأني مثلج إنخطبت وبعده خطيبي ماكلمني وأنا ناطرة وليحين مافكرت أتصل قلت انطر وهو كيفه لين اتصل برد عليه والله يوفقج يارب..

__________________

حبيبتي

وقفي اتصالاتك عليه

لا تتصلي ابدا عليه

الين ماهو يتصل

اما الرسايل

اذا ارسل ردي عليه وبس

انا ما احرضك على زوجك بالعكس

زوجك باين عليه

يحب يكون له السبق في كل شي

من النوع اللي يحب الثقييييييييييله

عشان كذا يا غاليه

نفذي له طلبه

بس بدون ما توضحي له شي

يعني

اذا سألك

ليش ما صرتي تتصلي

قولي له

انشغلت

او ما حبيت ازعجك

او اي عذر

بس بدلع

وصدقيني

كل ما حس بثقلك وحبك بنفس الوقت

راح يتعلق فيكي اكثر

الله يهدي سركم يارب

تقبلي تحيااااااااااااااتي ...........

مشكووووووورين على ردودكم بس انا عندي شغلة لما حس اني زعلت انه كلم اخته بهالموضوع وخاصة ان اخته قالت لي هو يفكر يأجل العرس لأن كذا شي مو عاجبته فيكي وهي اني متجرأة عليه قلت لها اني زوجته قالت هي عارفه بس هو انصدم لما انا أول من بدأيرسل له رسالة بالجوال ..وصدقوني كنت شايفة تجاوب حيل كبير من ناحيته بس ماأعرف شاللي حصل المهم بعد ماعرف زوجي اني كلمت اخوي بموضوع اخته .. كان يتصل على اخوي ثلاث مرات يقوله حصل خير ماصار الا كل خير وانا بقلبي قلت السالفة فيها تأجيل عرس ويمكن يتكنسل كل هذا اني تجرأت عليه واني كنت بين فترة وفترة كنت ارسل رسايل حب والله ماكان قصدي بس طلع الزوج من النوع اللي مايحب هالأشياء( يالله الوحده تتعلم بهالدنيا أشياء كثيرة ) على العموم لما صارت السالفه ارسل ثاني يوم وبعدها اتصل وقالي انسي كل اللي حصل واللي حصل علمني اشياء كثيرة وانا ماأرضى بأي شي يأثر على حياتنا ولا الأهم من كذا انه قالي اي شي يصير بينا ماأبغى أحد يعرف وهو قال لأخته الأولي والتالي مع ان اخته كانت محترمة معي لما كلمتني وقالت لي والله انه طيب وحبيب وانسان بمعنى الكلمة واحس ان اخته والنعم فيها .. انا اللي خايفة منه انه من النوع اللي يسمع كلام أهله وانا ماأحب هالشي علموني ووجهوني كيف أتصرف وخاصة اني من بعد هالسالفة مارفعت السماعة ولا أرسلت شي وقلت بغير من شخصيتي 180 درجة علشان يعرف اني عادي مو لهالدرجة بموت فيه علموني كيف الحل ...وعندي شي ثاني انا بعرف هل هو يبغاني ولا لأ .. لأن من بعد هالسالفة وانا قلبي كان مو مطمنلأن قالت لي اخته ممكن يأجل العرس للأسباب اللي ذكرتها بس لما انا واجهته بهالكلام قالي السالفة مو كذا السالفه ان قلت يتأجل العرس لأسباب مادية لا أكثر ولا أقل والله هو من بعد هالسالفه يقولي تراني اغار عليكي وأحبك ومرتاحلك كثير بس انا ابغى أتأكد
أكثر هل هو لحد الان يبغى الزواج ولا لأ ... ساعدوني كيف وهو لحد الان ماأرسل ولا رسالة لي انا بنتظر اسبوع وابغى اشوف ان ارسل كان بها وان ماأرسل راح أنطر اشوف بس انتم قولول لي ايش العمل .. لا تتخلو عني

لييييييييييييييييييييه كذا أبغى منكم رد على مشكلتي ضروووووووووووووووري جدا جدا

هلا عزيزتي مافي مشكلة ولا شي مبروك والله يتمم لك على خير ..
لابد من الملابسات إنسان أول مرة تكلمينه ويكلمك يكتشفك ويبغى يعرف شخص الإنسانة الي بتكون نصفه الثاني وتشاركه حياته والخوف يسيطر عليه من هالدنيا وبلاويها وخايف بعد على مشاعرك لا الإتصالات ولا الرسايل الي تقدم وتأخر توفيق الرحمن فقط يأثر .. فأكثري من الدعاء والدعاء فقط ..
وكوني حكيمة في تصرفاتك ولا تستعجلي بأي شئ ..
أسعدك المولى وأقر عينك بما يسرك ويثلج صدرك.............................................. ..................













أختك : عيوووووووووووووش

حبيبتي...الظاهر ان زوجك متشدد كثيرا
فلا يوجد عيب أو حرام انك تكلمينه..فهو زوجك على سنة الله ورسوله
ولا اعرف لماذا الناس يحرمون الحلال
ما معقولة الواحدة ترى زوجها أول مرة في يوم الدخله!!! يجب ان يعرفون بعض ويتعودون على بعض منذ الملكة
لكن بما انه من هذا النوع
لا تكلمينه لحد ما هو يبدا وان استغرب من تطنيشك قولي له انك تفعلين كذا لأانه لا يحب ان يكلمك فأنت تركتي المكالمات
أي حسسيه بطعم التطنيش
وعن اخته وانه يقول لها كل شيء..اخبريه انه يجب ان يكون عادل...لا انت تخبرين اخوك ولا هو يخبر اخته عن ما يدور بينكما
والله يوفقك ويسعدك

__________________

لا تنسوني من دعواتكم

أرجو أن تدعو لي بالفرج وبالزوج الصالح الذي يخاف الله فيّ

اختي دنيا فيها الخير رعاك اللّه

انتي لم تقومي بشي غلط من حقك ان يكون هناك اتصل بينك وبينه انتي الان زوجته ولكي حقوق اتصلي عليه وافهميه

ذلك واعلميه انكي لم تقومي بى الاتصال عليه منذو البديه الابعلم الاهل وبعد موافقتهم وان اهلكي يروان انه من الافضل

ان تتفهمين معه مباشره من دوان ان يتدخل احد لانه سوف يكون هناك عشره عمر ان شاء اللّه بينك وبينه

واسئل اللّه ان يجمع اللّه بينكم وان يجعلكم من السعداء في الدنياء والاخره .... اللهم ..امين

اخوكم

Denver

أختي الغالية صلي إستخارة وربي يكتب لج الي فيه الخير ..

__________________