بما أنك وصلت لهذه الدرجة من رفضك لها والله إنه لظلم أن تتركها في ذمتك أو تتزوج عليها الثانية ... كيف سيكون شعورها وهي تراك سعيدا في حضن امرأة أخرى بينما هي تتجرع طعم الجفا والهجر !!! ولاأعتقد أن فكرة الزواج من ثانية ستقربك منها ... أنت رافضها بكل جوارحك حين لم يتوفر البديل فكيف وإن أصبح البديل بين يديك ؟!!!!! ثم أنت من حقك أن تعيش بمن ترغب بها نفسك والكلام أن ربما لو طلقت وتزوجت ثانية قد تكون هذه الثانية سيئة الطباع والاخلاق نوع من التشاؤم والتفكير السلبي !!! من منا يعلم الغيب ؟؟ أنت لم ترتكب حراما إن قررت الطلاق ثم الزواج .. إنما شرع الطلاق لأحد هذه الاسباب وحالتك إحداها .. هذا حقك الذي أنعم الله به عليك !!! وزوجتك بما أنها صاحبة دين وخلق قويم صدقني وبإذن الله سيعوضها الله بمن هو أفضل منك رجل يتقبلها كما هي وربما له ظروف توافق ظروفها شكلا ومضمونا .. ودائما في مثل حالتك اذكر قصة زوجة الرسول رضي الله عنها زينب بنت جحش حين كانت زوجة لزيد بن حارثة لكنها لم تشعر بالتآلف معه ولا الرغبة به للفارق الاجتماعي بينها وبينه وأيضا لعدم رضاها عن شكله .. وحين طلقها أبدلها الله بمن هو خير منه الحبيب المصطفى رسولنا الكريم صلى الله عليه وسلم ... قد تكون صدمة لها ولأهلكم في بداية الأمر ولكن الزمن كفيل بمداواة الجروح وقد تراها زوجة لرجل آخر قبل أن تتزوج أنت .. لاأحد يعلم ماهي أقدار الله المكتوبة علينا .. استخر مرات ومرات واتخذ قرارك وربي يختار الخير للجميع.

__________________
بالغار كللت أم بالنار ياشام ..أنت الأميرة تعلو باسمك الهام ..

والله انك تستاهل كل خييير على صبرك
حسيت بشعورك من جد المسأله ماهي مسأله نظره شرعيه او مكالمه للي يقولون كان كلمتها بالست سنوات اللي كنت متملك عليها
لا المسأله انك تحس نفسك مستغل بطريقة الزواج تحس كأنهم اختارو لك وزوجوك ورسمو حياتك على كيفهم
قممة القهر اصلا حتى لو طلعت البنت كامله اكييد احيانا يمر في بالك طريقة الزواج وتحس بالقهر والغبنه
انا اشوف 9 سنوات كافييه جدا البنت ماراح تضيع لها رب ارحم منك ومنا فيها ولا هي اول ولا اخر وحده تتطلق
بالعكس يمكن لو تطلقت منك ربي يعوضها برجال يقدرها ويحبها ويسعدها لاني احس حتى هي متضايقه من الوضع
بما انك صارحتها هي خايفه من الطلاق ومحد يلومهم بس كثيير تطلقوو على اسباب تافهه انت على الاقل سببك قووي
القبول والموده من الله مالك يد بالموضوع هي بتنكسر بالبدايه لانها صارت مطلقه بس مصيرها تتقبل الوضع والحمدالله ماعندكم عيال والا صارت المشكله اكببر واكببر
انا من رايي انت صارحتها من قبل وهي مو مستبعده الطلاق اكييد فانت خل كلامك مع ابوها
وتقدر تدخل سالفه العين بالسالفه ان فيكم عين وحاولت تتعالج بس ما الله كتب علاج عشان الناس ما تتكلم

احب اشكر كل اللي ردو بدون استثناء ,,,, واتمنى تاخذون موضوعي عبره لكل من يعز عليكم لان بامور زي هذي ماتنفع فيها المجاملات,,, وبالنسبه لشعوركم واحساسكم تجاهي انا وهي مقدره ولكن ,,

لو الود ودي كان كملت بس ماكتب الله نصيب وطلقتها قبل اربع ايام ,,,, وبدات الهجمات المرتده علي ... رغم هذا كله قلت لهم فشو خلقكم وقولو كل شي ,,, وخلو فيني كل عيب وقلت عااادي طبعا بعض اهلها وهي قالت لهم كل شي ,,,, ومازلت اقول عادي لان للي صار احله الله في حالات زي كذا ودام فيني كل هالعيبوب ليش ماتكلمتو واالا عشان تبون الغلط يبدا مني واللي سويته طلاق زي الف واحد طلق ,,,,,, مالومهم صدمه بالنسبه لهم ,,, بس دام فيني الف عيب ليش سساكتين من اول ,,,,,,,, عالعموم الله يرزقها باللي احسن مني وانا الله يرزقني ويرزقكم يارب بالذريه الصالحه ,,


تحياتي لاحلى منتدى واحلى اعضاء ,,

دمتم بحفظ الرحمن جميعا

الحمدلله على كل حال ،،
الله يعوضهاا ويعوضك ويعوضني وكل مطلق ومطلقه

__________________

ولايهمك اخوي مساله وقت والنفوس بتهدى وكلن بيرتب اوراقه
وبراجع حساباته
البدايه غلط النهايه صح
نهايه بدايتكم بطلاقكم .. احييك على خطوتك هذي وارسلك سلامي عليهاا
وصدقني الحين بس بتحس هم وانزاح بعيد عن المجالات وغيرها درس لاهل يتعلمون اسس الزواج الناجح بزمنا اللي يختلف عن زمانهم
طليقتك تحررت وانت تحررت انت صح واللي سويته صح وربي بيخلف عليك وبيخلف عليها باللي فيه خير لها ولك وكلن بطريجه
ولايهمك من رده فعل اهلك مع الوقت بيتعلمون انه يوم يخطبون لبنتهم مايفرونها بهالطريقه لازم ياخذون الموافقه الرجل لها
موب يستغفلونه

وربي يوفجكم

انا مااكتب في هذا المنتدى الانادرا وبالذات المواضيع اللي تستفز كل ذره بكياااني

يستاهل كل خير على صبره أي صبر تقصدين

هو فعلا كان صابر بس صابر على ضعف شخصيته وارادته المسلوبه

عيب على مثلك يكون رجال

مسكين راحت سنين حياااتك وانت مو عارف ترفع الظلم عن نفسك

وغريبه هي كيف تحملت جفاك كل هالفتره ماحاولت تاخذ موقف

نهاية العلاقه المفروض تكون بقراركم انتوا الاثنين

مو قرار انت تاخذه لوحدك

يمكن ماكانت تبي منك الاطفل يسلي وحدها

جلست معاها شفت وش تبي
؟؟؟؟؟

طيب ماحاولت تعطيها مبلغ من المال تبدا فيه حياتها بعد ماخربتها لها

دايم المراه الحلقه الاضعف عوضها الله بافضل منك من قلبي ادعي لها

ماعليك بس ه الفتره وتبرد قلوبهم

وانا يوم فسخت خطبتي من ولد خالي خالى مايكلم امي سنه

وبعدين رجعو وسار الوضع عادي

الله يعوضك ويعوضها خير ان شاء الله
بس ان شاء الله ماطلقتها بثلاث
بالتوفيق لك


ا

ايش شعورك بعد الطلاق؟

قريبي يمر بنفس معاناتك .. و قد يطلق قريبًا
وحابة أعرف شعورك .. ندمت ؟
تشتاق لها ؟

انا بعد ابي اعرف شعورك بعد الطلاق حسيت انه هم و انزاح؟؟؟

و طبعا لا تنسى تفرحنا بيك و بي بنت الحلال اللي بتتزوجها بشرووووووووووووطك و حط عليها اكثر من خط

الله يعوضكم خير ويرزقنا ويرزقكم كل خير