السلام عليكم..
مساكم الله بالخير جميعاً ..
اختي بنوته
انا كنت العام في زياره سياحيه لتركيا وكانت الفتره اللى جلست فيها تقريباً والا حد ما 16 الى 18 يوم تقريباً ان ماخاب ظني..
بالنسبه لاسطنبول مدينه حلووه وتستاهل انا جلست فيها اسبوع وكانت حلوه..سكنا في اوتيل جديد كان العام ماله الا 4 شهور فاتح واعتقد سعره كان 100$ وهالسنه في وحده سالت عنه قالت انه بحوالي الـ 120$
كان موقعه في منطقة تقسيم والى هي منطقه سياحيه بالاغلب لان اغلبها اوتيلات ..وبالنسبه في احد الاخوان ذكر قبل فندق الكراون انا مارحت منطقته لانها كانت بعيده بالنسبه لتقسيم اللى هي منطقة السياح بالاغلب ولاهي قريبه من البحر ..اما الكروان فهو مطل على البحر اذا كان يهمك اطلالته على البحر..
في عدة اسواق موجوده باسطنبول..تتميز بشعبيتها اكثر..وبعضها تقدرين تطلعين منها باشياء حلوووه..
صادفت اني شفت بعض الملابس هناك وبالاخص بلوزه بسعر 45 ولما رجعت شفتها عند ريفر آيلاند بـ 125 وبرضو شفت كذا قطعه هناك لقيتها هنا بفرق مو طبيعي!! بس كلها شغله بالحظ اذا طحتي بشء حلوو..ومكان للتسوق صح
في عندك فندق حياة ريجنسي قريب من منطقة تقسيم في تحت قهوه مررررررره مرره حلوه جلستها لاتفوتك اذا رحتي
وفي عندك فندق مرمره بضو موقعه حلو لكن من الداخل ماادري عنه بس صيته حلووه..
والفندق اللى سكناه مو ذاكره اسمه بس اذا يهمك اجيبه لك..تحت امرك..
اهم شيء انتبي انتبهي من التكاسي قمة عمليات النصب عندهم يعني المشوار مايكلف 7 يضربون لك السعر والله بـ 30 او اكثر وانا من تجربه اقولك لاني رحت وانا عارفه هالشيء فلازم ناخذ ونعطي معهم ..وخصوصا لما يشوفون العبايه السوداء يضربونك لانهم يعرفون انك من السياح ..المفروض تسوينه تسالين بالاوتيل عن تكلفة المشوار وتخلينهم يكتبونه لك بورقه بلغتهم وتعاملي مع التكاسي بالاشاره..واذا كنت انتي وزوجك بس يعني خفيفين جربي الباصات مرررره حلوه ولاتكلفك شيء ابداً مقارنة بالتكاسي واللى يعرف لها مرره سهله..
بالنسبه لجزر الاميرات كثييير يروحون لها مع قروب سياحه بـ 80 او 70 للشخص وااذ انتي رحتي لحالك كلها على بعضها ماتكلفك واجد(طبعا هذا بحسب المطعم اللى راح تتغدين فيه)واذا تبين الجد اريح لك من تتقيدين مع قروب تشوفين المطاعم وتختارين افضلها وهذا اللى حصل معانا.
عموما هي كمنقه ماتسوى..بس اذا الواحد واصل لتركيا ماوحده يخلي معلم مميز في البلد ماراح له لان كل شخص له وجة نظر في المكان..كان اروع مافيها الرحله البحريه..
في منطقه اسمها يلوا..هي عباره عن مسابح التركيه المعروفه..وهي عامه للرجال بس..لكن على مااعتقد انه في غرف اللى يبي يستاجرها للعوايل..
طلعت لانطاليا بعدها سكنت بالشيراتون هناك بصراحه اثاث الاوتيل لك عليه مو جديد مرره..لكن فيه خلف المسبح جلسات فوق الجبل تطل على البحر حلووه..بس الاوتيل عامة كانت خدماته حلووه وراقيه..
وفيها مولين (هذي اللى شفتها)ماادري اذا في غيرها..وفيها شلالين وفيها مطعم للاسماك مررره حلو تخيلي انه محطوط لك كجلسه على النهر يعني تاكلين وتمدين يدك تمسكين المويه..يعني تختارين فيه جلسات ارضيه وطاولات لما تجلسين على الارض تمدين يدك على النهر اذا رحتي لايفوتك..مع ان المنطقه ماكان فيها سياح لكن ربي رزقنا برجال من احد مكاتب السياحه كان قمة في الاخلاق والمصداقيه..
واذا على جو انطاليا كان حاار بصراحه ..يعني اذا يهمك الجو ترى ماراح يكون مثل اسطنبول..لانها تميل للحراره..واغلبها سياح اوربين وسمعت انها مرتين بالاسبوع تجيها رحلات من تل ابيب لانها تعتبر رخيصه لهم يجون لها اسبوع ولاتكلف واجد عليهم ..
اما بالنسبه لبورصه ( من وجهة نظري) احس مايبيلها الواحد يطول فيها مافيها اشياء كثيره تستاهل يعني بالكثير حقها الا 4 ايام وكافيه لها..
في كثير راحو لها عن طريق تكاسي اوعبارات على مااتعقد..ماادري بصراحه مو متأكده وكان فيها تسحيب شناط وتعب وضربه بالسعر.
لكن بحكم اني فصصت المدينه كامله قبل ماااسافر لها وسالت عنها..سافرت الى بورصه بباصات طلعت لها من المطار
طريقه خاصه لسفر الاتراك ولاهي معروفه..وترتاحين من سحب الشناط معاك..وسعرها مافيه اي مجال لللنصب وثابت ومعقول ومرييييحه ونظيفه..
هذا اللى جاء على بالي هالوقت .. وحاضره لخدمة الغالين.. آمري وتدللي تحت الخدمه اذا توصي على شيء ثاني..
وعذراً على اللخبطه او ان حصل في لبس بالموضوع لاني ماراجعته بعد ماكتبته .. واذا في اي اشكاليه حياك..
اطيب تحيه..
الجوووري..