قبل ان أؤذي اطفالي - منتدى عالم الأسرة والمجتمع
logo

الملاحظات

مساحة مفتوحة موضوعات ونقاشات علمية، وثقافية، وفكرية، واجتماعية.

 
قديم 02-08-2006, 08:41 PM
  #1
ميني ماوس
عضو نشيط جدا
تاريخ التسجيل: Feb 2006
المشاركات: 731
ميني ماوس غير متصل  
قبل ان أؤذي اطفالي

السلام عليكم
أخواني من جد محتاجة المساعده انا من زمان عصبيه ما اسيطر على غضبي واحيانا اقول اشياء اندم بعدين عليها او اسوي شغلات من العجله والغضب تحطني بمواقف بايخه ...........

بعد ما تزوجت زاد عندي الغضب والعصبيه لاتفه الاسباب يمكن لان زواجي ما كان سعيد ومستقر بالبدايه بس انا اعترف ان الغلط كان نصه علي انا اللي كنت ابي زوج ملاك ما يغلط وهو ما كان صبور علي المهم مو هاذا موضوعي ولا هاذي مشكلتي الحمد لله قدرت اسعد حالي وزوجي شوي وحياتي الحين افضل

مشكلتي اني صار عندي طفلين الاول عمره سنتين والثاني توه شهرين ........... مره وانا حامل وتعبانه تهاوشت مع زوجي هوشه جامده وصرت اصرخ بهستيريه واناقز ما كني حامل وصرت اركض بالصاله كني مهبوله وانط من السرير والكارثه بعد ما هديت ما ذكرت انا ايش سويت زوجي قال لي كنه حلم عندي ...........
ومره ولدي الكبير كان بس يبكي بدون سبب طول اليوم وعسا ما احد يتكلم الا صرخ عليه كان فعلا مزعج المهم ضربته وقعدت اصرخ ومزعت ثيابي و بعد لما هديت كنت ناسيه شسويت بس عرفت لان ثوبي كان ممزوع

و امس ازعجوني عيالي اثنينهم الصغير بس يبكي يبي الشيله والكبير يدور وراي و جر الصينيه من على الطاوله وكاتت مليانه فناجين كلهم تكسرو وانتشر الزجاح بالبيت وكنت ابي اخلص تنضيف قبل لا يجي زوجي .. نفس الشي كفخته بدون رحمه وسحبته من شعره وحبسته بالغرفه ( ادري قمة بالوحشيه ) بس والله بدون شعور ما حسيت الا الولد يدق الباب يتوسل اطلعه ........

حالتي : ما احس ايش اسوي لحظة الغضب ولا اشوف شي يعني الدنيا تصير سودا ....

الحين انا اكتب الموضوع وولدي فوق راسي يحن وباديتني حالة الغضب بس ودي اسيطر ....ابي حل باللذات اني حنونه مرررررررررررررره معروف عني هالخصله بس ما املك نفسي عند الغضب و لا اشوف ولا احس ما ابي اسوي شي اندم علية طول عمري ..............
 

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 02:52 AM.


images