السلام عليكم ورحمه الله وبركاته

رمضان مباركم علينا وعليكم جميع



كم مره حاولت اكتب مشكلتي واتردد لاني تعبت

المشكله
انا متزوجه ولد عمي من سبع سنوات عمري الان 29 وعمره 36 انجبت ولدي الاول وعمره ست سنوات

المشكله ان زوجي مدلع ولدي دلع مو طبيعي وانا عاذرته لانه ولد واول فرحه له
لاكن الطامه الكبرى ان ولدي سليط لسان حاولت بكذا طريقه انو يكون هادي ويسمع الكلام وكان يستجيب ل
ويحترمني ويخاف مني
بس المشكله ان ابوه بيخرربه علي وبيخليه يتمررد اكثر واكثر

قبل كم فتره صحيت ولدي عشان يروح للمدرسه فرفض وقال ماما خليني اناام تكفين
حااولت معه وقام قال ابووه حرام عليك خليه ينام قلت لا
هو سمع كلام ابووه ورجع لفراشه بيكمل نوومه
انا ماقدررت سكت وقلت خلااص

بعدها بساعه صحيت عشان زوجي بيروح مشوار ويبيني اجهز له ملابس قمت وعلى صوتي قام ولدي وشاف ابوه بيلبس وبيطلع
قال بابا ابي ارووح معك ابي وجلس يبكي انا رفضت قلت لا
انت مادرست وعقابا لك مافي رووحه
وجلس يصاارخ بشكل مو طبيعي انا هنا ان جنيت منه وضربته وزااد بالصراخ قال ابووه خلاص يلا تجهز تروح معي
قلت لا لا يرووح خله يتادب هو غاب عن المدرسه لالا

جلس يصارخ ابرووح وضربته

جاني زوجي وعطاني كف بوجهي قدام ولدي انا انهبل ماقدرت اتحمل تهاووشت معه وتكلمت وزاد بالضرب قدام ولدي ليه تضربينه يقول ليه تضربينه

سكت وكلمت اخوي وتدخل اخوي معه وقال هالمره ابسكت لك المره الثانيه لا

بتقوولون وش المشكله


المشكله ان من يومين كنت جالسه وكان ولدي شقي ويخرب وجلست اهاووشه عيب عليك
ومايرد ويزيد فوضى رجعت ضربته قلت يلا رتب اللي انت خربته سكت
وجلس يرتب المهم كان ابوه نايم بالغرفه وطلع على صووتنا وقال وش فيه
وعلمته
ولدي من شاف ابوه جلس يبكي قلت يلا

قال بابا شف ماما تدعس على رجلي سكت ابووه
المهم ولدي قام يغلط علي يقول والله ادعس على وجهك وابووه يشوووفه وماقال شي ابووه عادي
قلت الكلام هذا لمين قال لك انتي

انا ماقدررت اتحمل الولد يوم عن يوم يزيد قله ادب قمت ومسكته على جنب ابي اكلمه قام يصاارخ
قام ابووه يهاووش انتي وانتي خووفتيه قلت انا ماقلت له شي ماسوويت شي
قال لاتضربينه والله ماتضربينه قلت وش هالكلام المفروض بدال ماتقوول عيب عليك تقول لاتضربينه
ضربته ماخليته مابيه يستقوى علي الولد
قام الابو وماقصر مد يده علي كم مرره ضربني ضررب مو طبيعي انا قمت ادافع عن نفسي
مافي فايده مدها ثانيه

انا سكتت وطلعت من عنده بكيييت وبكيتتت اسمع صووته يهاووش وشكله ضربه
ماكلمت اخوي سكتت اهلي برا المنطقه اللي انا فيها

اخواني اخواتي
زوجي انا عارفه انه يحبني ويموت فيني بس حبه لولده مو طبيعي
كم مره مد يد علي والله تعبت
اول شي انا مو مقصره معه بشي عكس اخووانه اللي حريمهم مقصرين مبيضه وجهه قدام اهله
ساكنه معهم بنفس البيت بس بشقه صغيرره مرررره
وولدي كبير وينام معي بنفس الغرفه
كل هالشي متحملته عشانه
وبالاخير تووصل هالمواصيل بعدها بكم يوم غلط ولدي على عمته وضربها بدال ما ابووه يعاقبه ويهاووووشه هااوش اخته قال ياويل اللي يمد يده علييه

بتقوولون اصبري ماقدر والله تعبت كررررهتهبي اذا رحت مابي ارجع على طووول لا ابيه يتربى ابيه يحس ان وراي سند ابوي ميت الله يرحمه ويغفر له

زوجي ماينفع معه الا هالشي اني اتركهه
والله خلااااااااااااااااااص تعبت
ابي رايكم تكفووون

__________________
ياقبر وش ضميت من ذيك الاجســاد
الله ياضمـٓـه أبوي الحنونه

ابي افهم يحب ويطق
والله شيء
الله يعينك عليك بالدعاء والصبر بس لاتسكتين عن حقك قولي له انا يتيمه القى منك هالشيء حرام عليك تكرهني فيك !!!
وانتي قاسيه على ولدك ترى كل العيال اشقياء اصبري عليه ولهيه باللي يحب ودلعيه انتي قبل ابوه والله بتشوفين العكس الابو بيغار من معاملتك له وبتكسبين ولدك وزجك يالغاليه ان شالله يكبر وينفعك ,,,
الله يهدينا ويسخرلنا من ملك قلوبنا,,,

الله يعينج
العيب فيي الاب الي ماعرف يربي !! والا في اب يرضى ان ولده يطق امه وهو ساكت !!!
التربيه غلط قولي له اليوم الولد يطقني وبكره اذا اشتد عوده راح يضربك لانه تعود على هاللغه!!

__________________
اللهم احفظ لي زوجي وسخره لي واحفظ لي اولادي

صج صج الله يعينج ع الأبو قبل الولد
الولد ألحين صغير وتقدرون تربونه باجر لي كبر ماراح تقدرون عليه لأن على قولت المثل القطو العود ما يتلاعب
شوفي برنامج super nany‏ وراح تستفادين وايد وبتعرفين طريقة مناسبة لتأديب ولدج

كان الله في عونك المشكله في الأب !!

أذا أنحلت المشكله مع الأب تهون مشكلة الأبن

طيب جربتي كلمتيه وفهمتيه أن أسلوبه غلط وأكيد راح يخرب الولد ويعلمه قلة الأدب وعد أحترام الكبير ؟؟

وتفهمينه أنه ماينفع كمان يعامالك بالأسلوب هذا قدام الولد

لازم تتصرفين لأن بالأسلوب هذا الولد راح يخرب

وسالفة ضربك هذي سالفه ثانيه لازم ماتمشينها ببساطه سامحتيه مره واذا سامحتيه ثانيه صدقيني راح يتعود لازم تعطينه درس !!


عشان يعرف يف يمد يده عليك مره ثانيه

__________________
أشتقت لكم جداً 💔

خلاص اهملي ولدك لاتسوين له شي خلي زوجك هو اللي يغسل له ملابسه ويوكله ويشربه ............

واذا قال لك ليش كذا .... قولي خلاص انت رفضت اني اربيه ... وسمحت له يغلط علي .... خلاص انت ربيه .....


واذا جا يكلمك .... قوليله لاتكلمني خلاص انا مو امك لانك ماتسمع كلامي .. روح دور ام ثانية ... خليه يندم على عصيانه ........... لان الاطفال ترى عندهم حس وضمير اكثر منا .!!

__________________
بنفس القدر من الجهد نجعل أنفسنا أقوياء أو ضعفاء

أختي ..
موقفك فعلا صعب ..
الولد الصغير ان استمرت تربيته علي هذا الحال سوف يكبر و يسبك و يضربك .. هذا امر لا شك فيه
و ضرب ابوه لك سيتكرر و يتكرر و يتكرر ..
لا حل مع زوجك الا تدخل اهلك بكل الطرق و ان لم يفلح ذلك فالطلاق اسلم حل ..

الاب لما شافت تعارضين كلامه اخذها من مبدا العناد

المفروض لما غاب عن لمدرسة وانتي بتعاقبينه كان لازم تحقرينه مو الولد يصرخ وانتي تصرخين

جان خزيتيه بعينج وحقرتيه ورحتي كملتي شغلج

والمرة الثانية لما جلس يخرب

ولما طلع ابوه من الغرفة

جان اخذتي الحقران وسيلة

الحين حبيبتي اللي فات مات

بس مدة يده عليج ما ينسكت عنها ابدا ابدا

ومثل ما قالت اختي اعمق مشاعر استخدمي معاه اسلوب تانيب الضمير

واسلوب العتب

ترى وااااااااااااااااااايد ينفع مع الصغار

والاب نفس الشي اخذيلج كم يوم لا تكلمنيه

كلمة ورد غطاها

واذا سالج شفيج

قوليله بس هم بعد استخدمي العتب مو الصراخ

وكان الله في عونج

ودعائي لج

اللهم اجعل لها من ذريتها قرة عين لها

__________________
لا اله الا انت سبحانك اني كنت من الظالمين

دلعته والله دعته شريت له اللي يبي مو حارمته من شي
اللي يرفضه ابوه اشتريه له انا

الله يجزاك الف خير

__________________
ياقبر وش ضميت من ذيك الاجســاد
الله ياضمـٓـه أبوي الحنونه

هو ماطقني هو يطول لسانه علي
وكثير ملاحضين قله ادبه وطولت لسانه
انا خاايفه من الايام اللي جايه الله يستر

__________________
ياقبر وش ضميت من ذيك الاجســاد
الله ياضمـٓـه أبوي الحنونه