هلا حظي قرار سليم احييك عليه
شرايك تستاجري سياره بتامين تتدربي عليها وتاخذي الرخصه وبعدها فكي لك سياره جديده وانصح باللكزسس في نوع سعره حلو ومقارب للافلون اغلى بشوي
في شركات تاجري منها سيارات حديثه جديده لمده سنه والتامين عليهم لكن لازم رخصه
اذا مامعاك رخصه لازم تتدربي على سياره مستعمله احسن من المغامره بالجديده بيتكم ماعندهم سياره تتدربي عليها
وكيفك بعد التدريب عرفتي تسوقي

هلا مبتعثه

الاستأجار لازم رخصه
بينما الشراء مو لازم رخصه
عشان كذا قلت اشتري ( خلاص اشتريت الافلون😇 )
الله يعطيني خيرها ويكفيني شرها
وراح استلمها يوم الاثنين ان شاء الله

بصراحه سمعت كثير نفس فكرتك اني اشتري سياره مستعمله
واتدرب عليها سنتين بعدين اشتري جديده
لكن ما دخلت مخي الفكره!🤔
اشتري سياره ب 15 او 10 الاف عشان سنه او سنتين!
طيب اوفر المبلغ لسياره افضل مره وحده وتجلس معي لعشر سنوات
وهذا اللي سويته

اخواني رافضين اني اسوق يا مبتعثه
ف بالتالي محد بيعطيني سيارته اتدرب عليها😂
اصلا محد منهم دربني انا جبت مدربه معتمده ودربتني

بالنسبه للسواقه ايوه سقت << شعور جميل وممتع😋
والمدربه اثنت على سواقتي الحمد لله
تقول انتي اول متدربه توازن السياره في وسط الطريق
اللي قبلك السياره رايحه جايه في يدها
انتي لا ما شاء الله
ودعستك ممتازه على البنزين والفرامل😎
كلامها شجعني وربك الحافظ🙏🏻
التدريب كان 5ايام كل يوم ساعتين
في مخطط وحي شبه فاضي الا من سيارات بسيط
لكن ما جربت اطلع على الطريق العام

واذا استلمت السياره ببدأ شوي شوي
واروح نفس طريق دوامي بشويش
لين انطلق بسلام

ما ينغص علي الا الرخصه الله ييسرها
خايفه اصدم لا قدر الله وينشبون لي على الرخصه😩
دعواتك ييسر لي ربي واسطه من حيث لا احتسب

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

السلام عليكم

انا اشتريت السياره واستلمتها اليوم وفرفرت فيها شوي😆

المهم عندي مشكله وابغى رأيكم
السياره زي ما قلت لكم ب 129 الف
وانا يوم قرأت عن اسعارها في النت بعد ما دفعت
طلعت ب123 الف
ف سألت الموظف(مصري) اليوم
ليش اختلاف السعر؟؟
طلع حاسبته كعادة البياعين في كل شي
وقعد يعد ويحسب ويعطيني النتيجه
على اساس اقتنع غصب!
طبعا مشيتها لاني خلاص دفعت وانتهينا

لكن المشكله في بعد هذا
وبعد ما جيت بطلع بالسياره
جاني موظف (سعودي) في المعرض
قالي (بيني وبينه عشان ما يسمعون زملائه)
ترى انا سمعتك وانتي تناقشين المصري على السعر

وترى كلامك صح السياره ب 123 الف
والمصري والسوداني غشوك فعلا في السعر
وانا من يوم جيتي اول مره كنت بكلمك واقولك
لكن اوراقك عند المصري في الدرج
وما قدرت اطلع رقمك
بعدين عرفت انك جيتي يوم الخميس
ودفعتي المبلغ
هنا ما عاد اقدر اسوي شي
بس يوم سمعتك تناقشينهم اليوم
حبيت اقولك كلامك صح
وهم غشوك في المبلغ فعلا

بعدين كمل اتصالات وارسلي على الواتس
وانا قلتله الله لا يسامحهم وكذا

قال تقدرين ترجعين السياره
على ان فيها عيب مصنعي
وتاخذين فلوسك
كذا صار مع واحد قبلك ورجعناله فلوسه


تعبت وانا اكتب😂

اش رأيكم في الموضوع؟؟؟؟
لانه بيتصل بكره يشوف اش قررت؟؟؟

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

مبروك السيارة الله يعطيك خيرها ويكفيك شرها .. بس لو تاخذين الرخصة افضل ..

مادري على راي اللي كلمك لان الشغله امانه
واثنينهم ماتعرفينهم ..
شاوري قريب لك افضل .. موفقه

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

الله يهديك على الاستعجال
انا مافهمت انتي خذيتيها من وكالتها من معرضها ولا من معرض فيها سيارات من شركات مختلفه
المفروض ماتاخذينها الا بعد دراسه شامله لكل شي وتجين مره ومرتين وثلاث
المهم رجعيها
وكلمي رئيسهم كلهم وقولي انك انغشيتي
فرق 6 الاف مو قليل

شككرا اعماق

مبتعثه
انا اشتريتها من معرض الوكاله نفسها (تويوتا)
مش من معرض يبيع مختلف السيارات

وانا خلاص ما ببيعها لاني استخرت قبل اشتريها

ولان الرجل اللي كلمني قالي
ان السياره ما فيها اي عيب مصنعي
ف ما راح يرجعونها لك
هذاك الرجل اللي رجعنا سيارتها
رجعها بالحيله راح رشها وجا يقول السياره مرشوشه!
بعد ما استعملها مدة 3شهور
وانه رفع الشكوى لوزارة التجاره وجلس الموضوع شهر
لين قدر ياخذ فلوسه
ف هل انتي مستعده تسوين كل هذا؟!!

غير انهم حاطين السعر على السياره (هذا كلامه)
يعني حجتهم ما غشيناك
السعر موجود على السياره امام الجميع
يعني المعرض نفسه رافع سعرها على الجميع
وكاتبينها على الورقه الخاصه بالسياره
ف اذا السياره عاجبتك انصحك تمسكينها
واذا ما اعجبتك ف الله يعينك الشغله بطول

وانا رأيي
السياره تمام التمام وحلوه وكشخه
بس بعد ما سقتها كذا مره لاحظت انها كبيره
تمنيت لو انها ملمومه شوي
لكن يمكن لاني مبتدئه ف اشوف صعوبه في سواقتها
وكل ما تذكرت اني استخرت بينها وبين غيرها اطمن

بالنسبه اني لازم اروح مرتين وثلاث
انا يالله رحت مرتين تبغيني ازيد 😂
واخواني الى الان ما يعرفون اني اشتريت سياره
بعلمهم اذا بدأت اداوم فيها

مبتعثه انتي تسوقين؟؟

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

اذا لك حق فعلا
انا رايي انك تشتكين و ما تخلين حلالك الست الاف
حرام لازم ينردعون
يعني هل هم فعلا غشوك واخذوا الباقي في مخباهم
هذا شي يقهر. و السكوت غلط
لا ترجعين السيارة و كلمي صاحب المعرض
دامهم رافعين السعر من راسهم لان الدنيا مو فوضى
و خذي حقك لا تتنازلين عنه

راعي المعرض هو اللي وافع السعر😂
قابلته مره وانا اراجع في السياره وسألته
وعرفت من جوابه انه عارف وهو اللي رافع الاسعار
عشان يسدد اجور العمال😂

المهم خلاص لي 3شهور اسوق بها
واموري تمام والحمد لله

في البدايه حكيت فيها كثيييير
كل كم يوم رايحه الصيانه اصلح حكه😂
لكن صدمات ما صدمت ابدا والحمد لله
واحد بس هو اللي صدمني من ورى
والحمد لله جت سليمه🙏🏻

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

زين الحمد لله
الله يعطيك خيرها و يكفيك شرها ❤❤
وعقبالنا ان شاء الله
انا حاليا متحمسة لشراء سيارة بس بحدود 40 الف
و لا اعرف بصراحة السيارة المناسبة ، واحتاجها لمسافات قصيرة جدا

امييييين الله يسعدك❤

ايوه احسنلك سياره بهلحدود
عشان اي حكه تجيها ما توجعك بقلبك😂

نسيت اقولك ان صاحب المعرض
قالي لو كنت موجود يوم اشتريتي السياره
كنت نصحتك تشتري سياره بحدود 40 الف
تدربي عليها في البدايه
بعدين تكشخين بسياره غاليه
بس كذاب بعد ما صارت الفلوس بجيبه
جاي يتميلح😂

ف انت تعلمي من غلطي
ولا تاخذي وحده عريضه
سيارتي عريضه شوي وتعبتني في اللفات🤦‍♀

والله ييسر امورنا وامورك❤

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )