تدرين انا غير
الحمدلله حسيت ان فيه تحسن
من ردودك بالبدايه والان
الحمدلله
بديتي تمشي اول خطوات العلاج و بيرجع لك فرحك وقلبك وعقلك
انتي تعاني من الصدمه العاطفيه
وهذا شي مو بسيط
خاصه لشخص عاقل لازم يفهم
الكثير بيستغرب حرصك على معرفه السبب
وحرصه على وجود قفل للنهايه
وانا مريت بنفس الشي وحاسه بكل كلمه
لكن طلعت بنتيجه
بالحياه هناك الجبناء الهاربون
ماعندهم اسباب ولاقوه مواجهه
وعبثا ومضيعه لوقتنا نلحق هالتافهين ونسالهم ليه بس ليه
على قوله المثل
لو فيه شمس بانت من امس
ماعندهم منطق ولا اسباب ولاهم قد الي اقبلوا عليه
فهربوا باختصار هربوا
وفعلا حياتك جميله
ارجعي للدكتوراه لعملك لابنك لعائلتك
ولا تضيعي دقيقه بالبحث عن اسباب هذا الرجل
اعتبريها نتيجه استخارتك
والشقه تصرفي فيها اما بيعيها او اجريها او اسكنيها او خليها للزمن
قوي نفسك بنفسك
اطلعي مع ابنك اقري قران
مشكلتك حبيتي هالشخص وتعلق قلبك فيه
امسحي على قلبك
واسالي الله العوض و السعاده
وهالايام بتكون ذكرى
والحمدلله عندك ولد
لو عندي ولد لاقفلت نهائي على موضوع الزواج
ماشاءالله تبارك الرحمن
قولي سود الله وجهه
وبيض الله وجه الايام الي ورته على خقيقته قبل تتورطي
انا تطلقت بشهر العسل
صديقتي قبل زواجها باسبوع لسبب تافهه وماشاءالله عوضها ربي بلي يناسبها اكثر
وانا عوضني ربي بعد باشياء كثيره
وقصص كثيره لو احكي لك
بس طلي على قسم المطلقين
الي خانته زوجته
هذا الي يحق له يحزن وينفجع قلبه
اوذي في عرضه هذا والله الابتلاء صدق ياانا غير
والي تطلقت منه ببساطه تقول بس مابغاه وهو الي حط الي وراه ودونه لهالزواج
تقولي الطلاق اهون من الي صار لك
انا اشوف العكس
طيب بقول لك قصه اخت صديقتي
من انخطبت وصديقتي تقول مو مرتاحه لخطيبها احسه غامض
يتصل والدي عليه مايرد
لاهله وله تصرفات ما تعجبني
لكن البنت تبغاه
تعلقت فيه لانها كانت مطلقه واهلها سمحوا لهم يتكلمون قبل العقد
قلت لها هالمكالمات لا تودي ولا تجيب بالعكس تتعلق فيه البنت
وهو ماصار شي
بيوم الي بيجوا يعقدوا عليها ماجا
متخيله
اهله قالوا لها اصبري عليه ومدري ايش وفيه عين وبنقرى عليه
بس اعجبتني قالت الي هذا اوله فرقاه عيد
الشي الي مو على بينه من البدايه شي هش
والشخص الي يسسب بزوجته ويركض ورى بنات الناس ماهو كفو
والله فكك انتي وولدك منه
ولو يخطب مليون مره لاتوافقي
طيب بقول لك شي ماقلته لاحد الا لصديقتي
جاني واحد المكتب يخطب
وهو رجل احسبه رجل كويس والله العالم
الوحده ماتعرف الواحد بالعشره
جا وقال لو اخطبك توافقين
ونجتمع بمطعم او كوفي ونعرض ظروفنا ونشوف لو نناسب بعض
رفظت رفضا قاطعا وسحبت عليه
عطاني رقمه اكلمه اقول له قراري
لكن رميته ولا كلمته
مع اني بوقتها كنت احتاج منه مساعده في موضوع
ولكن دع ما يريبك
انا عارفه اخلاقي واهلي
والرجل الي بيخطب يدخل من الباب
مايجي لمكتب الوحده وتعالي نتفاهم وانا ابغاك
لمجرد انها اعجبته او شافها مناسبه له
عندي قاعده اهلي اول من يعلم
وهو فهم الرساله ولا عاد جا مكتبي وانسحب
الرجال انانيين بعضهم عشان مااظلمهم
مايبغى يحرج نفسه مع الناس
يطيح البنت ويربطها فيه ويمهد اموره واخر شي يضبط وضعه
ضبطت كان بها ما ضبطت هو ماخسر شي لاطق باب ولا دخل من باب
كان يطمر من الطاقه بس
يله حبيبتي
ايغى تعرفي انها خيره
تدرين لما قالت لي صديقتي ان خطبه اختها تفكرشت فرحت لها
قلت هي استخارت قالت ايه قلت هذي نتيجه استخارتها
الله يحبها وكتب لها الخيره
الحمدلله الله يوفقها ويسعدها
لان قلبي كان كاش من تصرفات خطيبه
لكن هي الحب معميها
قولي طيب مع الكل ان شاءالله يكون ملاك وش علي من طيبته دامه نذل معاي
وبعدين انتي ماعاشرتيه يابنت عشان تقولي هالكلام
اخوكي الي هو اخوكي ماتحلفي عليه

انا غير
اقري ردود مبتعثه متفائله والله اتذكر كتاباتها في بدايات الطلاق جدا يائسه والان ماشاء الله عليها ...


وبالنسبة للالم اللي تشعرين فيه
انا بسألك

ليش وش معنى هذا حزنتي عليه هالكثر ؟
مريتي بمصايب واوجاع اشد وطأه لكن مانكسرتي زي كذا

الطبيعي ان وفاة رفيق دربك خالك اشد وطأه من فراق رجل مابينك وبينه اي عشره

باختصار اقولها لك علقتي قلبك به
وهذا خطأ
خطأ
وشرعا خطأ


دايما اقولها وارددها لكل البنات وهنا بالمنتدى
لاتعلقون قلوبكم برجال بازواج ان شاء الله يكون روميو ان شاء الله يكون رجل بحق وحقيق .. تعلق القلب يكون لله وحده
وحطوها قاعده ((من تعلق باحد عذب به ))

وبعدين الرجل لعبته انه يعلق المرأه فيه
يا كثر وعودهم ويا كثر كلامهم المعسول اثناء الخطبه ..وياعمري المراه على نياتها تصدق ..



على العموم
الازمه اللي تمرين فيها بتقوي قلبك بعدين

حرام عليكي ليش معذبه نفسك وتدهورين نفسك وتحطمين مستقبلك حب نفسك إهتمي بنفسك وصحتك وولدك وعيشي حايتك قدر المستطاع واهتمي بولدك خل قلبك معلق بالله عز وجل فقط أنا زيك باعتني وحزنت وتعبت نفسياً بس أهون من إلي إنتي فيه بصراحه حزنتيني الله يفرج همك ويسعدك ويسخر لك كل ما فيه الخير ويرزق لك بالزوج الصالح إلي ينسيكي ويسعدك ويهتم فيكي وفي ولدك وثقي بالله بعد العسر يسرا كانت تقلي:

( دانه 2016 ) الدنيا لازم نتعب فيها ونتالم عشان نحس بطعم الجنه

والله اني مسحت ع قلبي
وكل لحظه اقول يارب قلبي بيدك لاتخليني
دعواتكم لعل فيكم من هي مستجابه
اللهم امسح على قلبي واجرني بخير

قصتك مؤثرة اختي
لكن كرري حسبي الله ونعم الوكيل لا تستهيني فيها

وانبهك اختي من اسلوب التسخط على الله في كلامك
فضفضي لكن لا تتسخطي مثل قولك ليش يصير فيه كذا
ليش ابتلاني ربي ما استاهل وزيها كثير في ردودك
الله اعلم لم ابتلاك به

فقط حتى لا تضيعي اجر الصبر على البلاء
رددي الحمد والشكر اما التسخط لا ..حتى لا يضيع اجرك
وحتى لا تفشلي في امتحان الله لك
ربما انه امتحان لصبرك ورضاك بقضاء الله فلا تظهري الفشل في الاختبار

واظهري الصبر والكلام الطيب على لسانك لتكوني ناجحه في امتحان الله لك
هو خير لك مهما ظهر انه شر
ان كانت الشوكه يشاكها المؤمن تكون كفارة لذنوبه ورفعه لحسناته
: ( ما يُصيب المسلم من نصب ولا وصب ولا هم ولا حزن ولا أذى ولا غم حتى الشوكة يُشاكها إلا كفر الله بها من خطاياه )*
تخيلي الشوكه فما بالك بالهم والحزن الذي يعتصر قلب المؤمن؟!

فاري الله منك ما يحب على امتحانه لك
لا اقول لا تفضفضي ولا تشكي هنا عن المك فنحن لا نعرفك
ومن حقك الفضفضه لترتاحي
لكن ما اقصد تحديدا هو الاعتراض على ما اصابك من كلمات توحي بهذا
من قبيل ليش ابتلاني ربي فيه وغيرها

قولي ليش سوى هذا الرجل كذا وكذا لكن لا تقولي ليش ربي سوى فيه كذا وكذا
فهمتي قصدي يا غاليه؟

ستدور الدنيا فطمئني
لن يضيع حقك عند الله ولن يتجاهل الله اي ذرة الم شعرتي بها
بل سيداويها فهو طبيب القلوب
وسوف يبدلك مكانها فرح وسعاده وثقي بهذا
لكن بشرط لا تتسخطي منه هو بل من البشر وافعالهم
اما هو فلا يصله منك الا كل حمد وشكر وثقة في عوضه الجميل

اسال الله ان يكشف همك وينزع خطيبك من قلبك ويبدل ذلك راحه وسعادة واطمئنان
..

اختي بشرينا عن نفسيتك ان شاء الله احسن؟

في دعاء له مفعول السحر وينفع بمثل حالتك بس كرريه كل مره تحسين بالم ووجع من هالبلاء

الا وهو
( اللهم اني اعوذ بك من الهم والحزن والعجز والكسل والبخل والجبن وغلبة الدين وقهر الرجال )

جدا الدعاء ينفع بمثل الحاله اللي انتي تمرين فيها ...

اقري ايات السكينه وامسحي بها على قلبك

اشربي موية زمزم بنية ان ينزع الله حبه من قلبك ويريحك من هذا الهم


واذا تبين حل فعلي ومجرب
وبيخليك تستصغرين مشكلتك وتكون بنظرك تافهه
هالحل بينقل تركيزك بالتفكير بخطيبك الا شي اخر ..شي اهم منه

اشتري (سلسلة اشراط الساعه) تلقينه عند اي محل صوتيات


جدا جدا جدا له مفعول في التخفيف عن مقدار المك ووجعك لخطيبك
اصلا بعد ماتخلصين من سماع السلسه بتقولين انا كيف سمحت لنفسي تتالم كل هالالم اصلا دايكرت بتستخسرين كل دمعه نزلت من اجله وكل ضيقه صارت لك بسببه

يالله ياحبيبه شمري عن ذرعانك وروحي اشتري السلسله

لو انكشف لك ماوراء هذا القدر لحمدتي الله ألف مررره

ربي أراد لك الخير

ليه ماتثقي بقدرة الله ؟؟؟

ليه ماتستسلمي وتلتفتي لنفسك ولولدك ؟؟؟

وثقتي بإنسان وخذلك

والآن يصعب عليك تثقي بربك الي قدر عليك هذا الشيئ لحكمه هو يعلمها

الله يعينك
وحسبي الله عليه
اختي الحمدالله ع كل حال
استغفري ربك وذكريه كثير

قولي الحمدالله اجت ع كذا

والحمدالله انه ماتعمق في حياتك لدرجه الزواج

اذا كان من جد يبيك كان بيخطبك علن
اقل شيء

طلعيه من عقل وقلبي وقولي حسبي الله ونعم الوكيل

نتنحري علشان انسان مايستاهل
تنتقمي ليه علشان تروحي نفسك علشان قليل خير

هذا اختبار من الله لك
اذكري الله كثيير وصلي
وستغفري وقرئي قرآن

معك ابنك
ووالدتك وخوك
ربي يحفظهم لك ويخليهم

والله الرجال يجي غيرهم مليان

شيليه من بالك ون ذكرتي قولي حسبي الله ونعم الوكيل
هذي الكلمه كفيله باخذ حقك وزود
صدقيني

الله يصبرك ويعوضك كل خير ياارب
وربي يجبر قلبك

لايحمل الله نفسا الا وسعها.
قوي قلبك
اعتبريه ان ها الانسان توفى
انسيي

ارحميي نفسك تسوي كل هذا
علشان انسان ما يستااهل ظفر من رجلك ومايخاف من ربه

والله اذا ما اهتميتي لنفسك ونتبهتي ع نفسك والله محد بينفعك ويش بيقولو حتى الي يحبوك
مسكييينه ويدعون لك غير كذا
مابيسوون لك شي
انتبهي ع نفسك وصحصحي والله
الدنيا ماتسوا تسوي بنفسك كذا

وان شاء الله تالقين كل خير باذن الله
بعد صبرك

ان بعد العسر يسرى


يااارب افرح قلبها وانر طريقها
وريح بالها يااارب العالمين
يااااارب سهل عليها كل مورها