بسم الله الرحمن الرحيم
(ساتزوج بعد تجربة فاشلة )

الحمدلله الذي لايحمد على مكروه سواه اللهم لك الحمد حمداً كثيراً حتى يبلغ الحمد منتهاه .. الحمدلله عدد ما كان وعدد ما يكون وعدد الحركات والسكون,,اللهم صل على نبي الرحمه عدد من مضى من خلقك ومن بقى ومن سعد منهم ومن شقى..

اللهم لاتشقنا اللهم لاتشقنا اللهم لاتشقنا..

قصتي رواية لها فصول تعبت وانا اكتبها.. قصه ابتدت في هم واحد وتلاحقت بعدها هموم لايعلمها الا ربي,, فاللهم يارب يافارج الهم فرج همي وهم المهمومين من المسلمين وارفع عنا البلاء وتجاوز عن خطايانا يارب انك انت السميع المجيب .. هو ابتلاء محب وتمحيص وارجو ان يكون كذلك .. والله اني اكتب لكم ودموعي على خدي تسيل الآن لعل الله يحبني لذا ابتلاني .. مادري من وين ابتدي ومن وين انتهي ان بديت في طامه وبليه فالي قبلها اشد الخ..لذا راح اختصر واتكلم عن الهم الي لازمني من سنه ونصف تقريبا ويشهد الله اني عانيت معاناة يعجز اللسان عن وصفها وانا راض كل الرضى على أقدار الله فمشيئته سبحانه فوق مشيئة خلقة وانا هنا فقط افضفض لعلي القا عندكم مايسليني..!

في كل ليله مرت من العام ونصف وعندي والله كأنها سبع سنوات عجاف انام لحالي في شقتي ارتب فراشي لحالي اسمي بالله وانام واصحى الصباح واروح للدوام حتى الاجازات ما آخذها لاني اعرف اني راح اكون لحالي ...! اطلع من الدوام الساعه ثلاث وبعدها للاستراحه وآآآآه من واحد يسولف عليك وانت مانت لمه !! تبتسم في وجه هذا وتضحك لهذاك وانت فيك جرح غزير عيا لايطيب ..! اجلس اسولف واضحك واخذ واعطي ولكن الحال هي الحال ماتغير شي ..وبعدها اطلع اهيم على وجهي لين الليل !! وهذي هي دوامه حياتي .. ملل على ملل ..! وحزن على حزن..! نعوذ بالله الحزن

قبل سنه ونصف طلقت زوجتي وهي ام لولدي البالغ اربع سنوات ونصف أسأل الله ان يرده لي رداً جميلاً وان لايردها هي ويجازيها ومن عاونها من أهلها بمايستحقونه.. .. طبعا قصة الطلاق لوحدها كفيله بإصدار رواية بكامل فصولها من الألم الي عشته معها.. وبعد حكم القاضي عليها بالنشوز.. فكرت وقلت في نفسي اللهم عوضني خيرا منها وطلقتها طلاقاً بلاعوض وأنا موقن ان العوض من الله سبحانه .. ولكن العذاب مازال .. ياعالم ..!! فراق ولدي طعنني طعنه ما استفيق منها الا بقدرة الله ..!! اعاني من الوحده والغربه في كل شي ..! حتى الولد محروم منه وانت احق الناس به للأسف ..!! بيني وبينه مئات الكيلو مترات في كل شهر او اكثر اعاني المسافه لاجل ماينساني وهي كلها دقايق يجلس بها معي اضمه وارحمه وامسح على راسه .. لانهم يتموه وابوه حي ..!! وهو الي يوم كلمته بالتلفون مرة من المرات قال انهم يقولون ابوك مات وهو يصيح ومبسوط بنفس الوقت انه سمع صوتي واني مازلت حي .! آآآآه ياقلب لاتحزن والله اني بكيت يومها لين جفت دموعي..! بعد استنكاري لأمه برساله ردت قالت عادي هذي معناها عند الاطفال الي معه ان ابوك نايم بس !! قلت لا ولدي يعرف ان ميت يعني راح ولاعاد بيجي ..! اللهم عليك بهم فإنهم استكبروا وعتوا اللهم عليك بهم فإنهم لايعجزونك .. مالكم بالطويله هي كلها ربع ساعه تزيد ولا تنقص وهو معي بالسياره اطلعه للبقاله اشتري له افرحه اوسع صدره امشيه بالحديقه وياسرع الدقايق معه .. ثم ارجعه لاهله .!! وابدى مشوار الألم من جديد ..! طبعاً لو كان لي أم على الأقل يجلس عندي فتره مع أمي ثم يرجع ولكن أمي رحمها الله توفت من سته وعشرين سنه وانا وقتها ابن السادسه كما ان والدي رحمه الله ايضا توفي من عشر سنوات فاللهم لك الحمد حتى يبلغ الحمد منتهاه..

انا لي اخوه واخوات اكبر واصغر مني ولكن للأسف هم غثاء كغثاء السيل ... الكل مع امه ومع عياله..! الا انا ..! لا مع امي ..!! ولامع عيالي ...!!

سخر الله لي خاله عن ألف أم ولكني للأسف ماكنت اعرفها من قبل حق المعرفه فهي مثلها مثل خالاتي الباقيات ...!! ولكنها رحمه من الله بعد ان تخلى عني أقرب الناس .. كافحت ونافحت على ان تعدل من حالي وتخطب لي بنت الحلال جزاها الله عني خير الجزاء .. ولكن....!! مابيدها اي حيله..في كل يوم تتصل وتسأل.. واخوتي للأسف كأنهم مايدرون عن الحال ..!! حتى ان من كنت بعد الله اعول عليهم لاصكتني الدنيا للأسف مارفعوا السماعه علي من سنه وأكثر ...!! خالتي مازالت تخطب لي وتذكر لي وفي كل مرة اكلم لي بيت وفي كل مرة اكلم لي عائلة وانتظر الرد على احر من الجمر.. احيانا اسبوع احيانا اسبوعين فيهم الي يرد ويقول مالك نصيب ..! وفيهم الي افهم ردهم بعد وقت من الانتظار..!! طبعاً السبب والله اعلم اني مطلق وعندي ولد ..!! فاللهم لك الحمد - ولا أزكي نفسي أبداً - فلا أجد من كلام الناس عني فيما اسمع مايقدح في شخصي ولله الحمد ولكنه قدر الله وهنالك حكمة بالغة منه سبحانه لانعلم كنهها..

ذهبت لمكه قبل ثلاث ايام قطعت فيها مسافات لحالي لايلعم بذهابي الا الله وحده لأجل فقط ان اسجد له سجده في بيته المحرم وامرغ بساحات الحرم جبيني وارفع يدي عند كعبته المشرفه فالله لايخيب أيدٍ مدت إليه أبدا..! ووالله اني واثق بالفرج واني بين يدي رحمان رحيم ,,

خلاصة الكلام انا الآن بعد محاولات كثيره جداً بائت بالفشل .. مقدم على بيت جديد بعد يأس واحباط شديدين من الناس لعل الله يكتب لي الخير عندهم ,, فمن كرم الله ماهو فوق الأمل..

وعلى الخير نلتقي .. فادعوا لي بما تجود به قلوبكم قبل ألسنتكم بأن يرزقني وكل محروم الزوجه الصالحه الناصحه..!

هذا غيض من فيض ووالله اني ماذكرت شي الا ماهمني في هذي اللحظه وان ماخفي كان أعظم وفي جعبتي ماتشيب له الرموش.. ولكن ربك كريم مايضيع عبده ..

في أمان الله
(تم التعديل ليتناسب مع المضمون)

أسأل الله أن يفرج همك ويعوضك العوض الجميل
وثق بأن الله ﻻيخيب من التجأ اليه ورضا بما كتبه له
من كلماتك يبدو لي انك ﻻتحتاج الى النصح وانما الى
الفضفضه
فاكتب ماتشعر به فهو تفريغ لما في نفسك ورؤية
نفسك من منظور اخر .

الله يرزقك الزوجه الصالحه
اخي لما تخطب مطلقه هي لن تنستنكر كونك مطلق ومعك طفل

اخوي معليش

بس بعلق على علاقتك في ولدك

ليش ربع ساعة لا تسمن و لا تغني من جوع !!!!

خذ الولد يوم كاااامل و اقضي له امورك

قربه منك و ساهم في استقرار نفسيته

اربع سنين مو صغير

خذه و رح به المسجد كل الصلوات

خليه يتعلم

و اطبخ له في البيت او روحوا لمطعم

و نام معاه

و اذا رجع لاهله و لامه بيكون مبسووووووط منك

خليه يحكيك و اسمعله و صحح له بعض المفاهيم

او احكيله قصة رائعه فيها فائده

ولدك انت بطله

و رمز الرجوله في نظره

لو فضيت نفسك هذا اليوم له

و يمكن قالوا له مات لانه متعلق فيك و لا شبع منك !!!

لكن طبعا ما اؤيدهم ابدا

الكلمه كبيره

اصلح الله لهم الحال

المهم انت اشبع ولدك نفسيا منك و من ابوتك

و خله يتفاخر فيك اذا رجع لهم !!

و ربي يرزقك الزوجه الصالحه

و لا تتضايق و لا تنسى ولدك

أنا الان ادعي لك بين الاذان والاقامه



اسأل الله القبول

__________________
سبحانك اللهم وبحمدك, نشهد أن لا إله إلا أنت, نستغفرك ونتوب إليك.

انا مع هبه سالم
اخذ ولدك في الاجازات ربع ساعه ما تكفي ابد
اما عنك يا اخي الكريم بأذن الله كربه وتزول وتفرج
والقادم بأذن الله اجمل
تقرب الى الله وبتلقى العوض

اتمنى لك التوفيق

__________________
وهل من مصير اخر ؟

معليش ان اكثرت عليك اخوي و لكن

علم ولدك سورة الفاتحه و قصار السور

مره قرأت في كتاب ان من واجبات الوالد

تعليم الطفل كتاب الله و احسان اختيار امه و احسان تسميته

و الله اعلم

لكن الطفل ابو اربع سنين سبيهرك ان شاء الله في سرعة حفظه

و الفاتحه بالذات يقرأ بها طوال حياته

فكيف الاجر بالله عليك

و بالنسبه لجروحك ربي بيطيبها بإذن الله

اسعى لانك تستقر انت كذلك قبل الزواج بأخرى

و ان كنت ترى الزواج بأخرى الافضل فالله ييسر امرك يآرب

الي ما فهمته في موضوعك أخي
انت ليش قاعد بدون زواج لأكثر من سنة و تبكي علي الأطلال
خفض سقف طلباتك

اذاكنت تسعي للبكر و ما توفقت
اخطب مطلقة بدون أطفال أو أولادها عند أبوهم
اما ابنك بيكبر و يصير هو يطالبهم بزيارتك
و ما تدري يمكن امه يجيها نصيبها و تتنازلك عنه ربك كريم

اسأل الله عزوجل ان يعوضك خيراً ممارأيت ويرزقك الزوجه الصالحه

__________________
[{ وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.

اللهم ارزق اخانا الفقير اليك الزوجة الصالحة الودود الولود تكون له اما واختا وزوجة

__________________
لا اندم على اي شخص دخل حياتي
فالمخلص أسعدني
والسئ منحني التجربة
و الأسوء كان درسا لي
أما الافضل
فلن يتركني أبدا