السلام عليكم ورحمة الله وبركاته
اتمنى من الله ان كلكم بخير
اولا : انا فعلا اعجبت بمنتداكم مع اني مقاطعه المنتديات من فترة طويله جدا
ثانيا: انا جدا محتاره في وضعي وابي منكم المشوره .. بصراحه الكل يحسبني قويه ومو مهتمه بالموضوع .. وانا منقهره مره

انا ولله الحمد من اسبوع تم عقد قراني .. وزوجي اعتقد والله اعلم ( مما وصلني) انه خجول .. يعني الحمدلله حمدا كثيرا

بس امه عجوز كبيره الله يحفظها ..
ولذلك التواصل معه مباشره من الرجال بينه وبين ابوي الله يحفظه ..
في ملكتي جا مع اخوه سلم علي مصافحه و جلسنا مع بعض وجايب الشبكه ولا لبسني اياها ولا فكر حتى .. زين قعدنا 10 دقايق او اقل وفي عجل وسلام وطلع .. حكينا بعدة مواضيع وللاسف ماكمل موضوعه لان اخوه معه ومستعجل .. الحمدلله تراني مبسوطه من هالصفه لحد الحين ..

و بس طلع لا اخذ رقمي ولا شي .. ومن وقتها معاد سمعت عنه خبر !!
حتى لما سالته عن شي قال بعد الزواج نرتب امورنا ونتفاهم

بعد اسبوع من ملكتي وانا مافتحت حتى الشبكه مالها طعم بدون ما يلبسك اياها خطيبك والرهبه اللي تصير وما الى هنالك من ذكريات ..

خليتها مكانها وقلت لاهلي بسوي شبكه وهو بيلبسني وبصور .. غصب يعني ابي ذكريات ابي احس اني فعلا عروس

والكل يسالني متى زواجك متى شبكتك متى وماكلمك وين دبلتك لدرجه فكرت اشتري لنفسي دبله

وعشان اضبط اموري لازم يكون بيني وبينه تواصل .. عشان اعرفه وما اخاف منه ومن مستقبلي معه و اعرف منهو زوجي .. ماعرف الا اسمه وعمره ووظيفته ..

عن نفسي مستحيل انا اتصل وخاصه انه خجول مع انه طالب وحده جريئه .. بس انا كا انثى احس صعبه ابدا ..حتى الجرئه بحدود .. مابي العب دور مو دوري احس هالخطوه من واجب الرجل


افكر احطه عند الامر الواقع و اخلي ابوي الله يحفظه يدق عليه ويقول اختر يوم مناسب عشان الشبكه ..

ويجي ويلبسني واصور ونقطع كيك حفلة كيذا صغيره ماطلبت كثير

اختي تقول استني واختي الثانيه تقول عادي لازم تعرفينه وخاصه اني بتغرب معه ببعد عن اهلي (((

انا قالوني عورني من التفكير حتى اجهز نفسي ما بديت وانسى اني عروس

ليه يا رجل ما تكلم زوجتك هاه !!
حتى اخواته ماعرفهم لان كل وحده بمنطقه

طيب تتوقعون انا استعجلت ! مالي الا اسبوع ! يمكن يدق !

بس الكل يسال ليه ماكلمك ليه ماخذ رقمك .. انا خلوني اذكر وجهه حتى دبله بيدي مافيه عشان تذكرني اذا نسيت

يعني 2015 احس مافيه احد ما يكلم خطيبته على الاقل نتفق على شهر عسل وين وكيف وليش

شورو علي وش الحل مابي اروح له ملطا لا شبكه ولا ذكريات البنات اللي انخطبو معي اقل شي لبسها الشبكه بيده .. ودبله و قطعو كيك وصورو .. والثانيه كلمها بعد يومين و اتفقو على الشبكه .. وشهر العسل اهم شي ماشاءالله الله يوفقهم ويسعدهم
وانا مزهريه تردد مدري مدري مدري .. وبعدين !

هذي سالفتي
اللهم بارك لنا في شعبان وبلغنا رمضان ونحن في اتم وافضل حال والحمدلله على كل حال وصل الله وسلم على نبينا محمد